Имунофан дархлал зохицуулах, хордлого тайлах, элэг хамгаалах, чөлөөт радикал ба хэт ислийн нэгдлүүдийг идэвхгүйжүүлэх үйлдэл үзүүлнэ. Бэлдмэлийн фармакологийн үйлдэл нь дархлалын системийг дэмжих, бие махбодын исэлдэлт-исэлдэлтийн эсрэг урвалын тэнцвэрийг сэргээх, эсийн мембраны зөөгч шахуургын уургаар нөхцөлдсөн янз бүрийн эмэнд дасах үзэгдлийг дарангуйлах гэсэн 3 үндсэн үйлдлээр нөхцөлдөнө. Янз бүрийн шалтгаантай архаг үрэвсэлт өвчнүүд, хордлогот эмгэг, дархлаа дутлыг эмчлэх ба урьдчилан сэргийлэх зорилгоор насанд хүрэгсэд ба 2-оос дээш насны хүүхдэд тус тус хэрэглэнэ.
Насанд хүрэгсдэд бактерийн ба вирусын эсрэг вакцин хийх үед дархлаа сайжруулах зорилгоор хэрэглэнэ.

Имунофаныг арьсан дор болон булчинд тарьж хэрэглэнэ. Нэг удаагийн болон хоногийн хамгийн их тун 45мкг.
Хавсарсан эмчилгээ (мэс засал ба хими-туяа эмчилгээ) хийлгэж буй хавдартай өвчтөнүүдэд хими-туяа эмчилгээ ба хагалгааны өмнө хоногт 1 удаа, өдөр бүр хийх ба ээлж эмчилгээ 8-10 тарилга байна. Цаашдаа бүхий л эмчилгээний туршид ээлж эмчилгээг үргэлжлүүлнэ.
Янз бүрийн байршилтай тархмал хавдрын процессын (III-IY үе) хавсарсан буюу шинж тэмдгийн эмчилгээнд үед бэлдмэлийг хоногт 1 удаа тарих ба 8-10 тарилга нь 1 ээлж эмчилгээ болно. Цаашдаа бүхий л эмчилгээний туршид 15-20 өдрийн завсарлагатайгаар ээлж эмчилгээг давтана.
Хүүхдийн цус төлжилтийн ба лимфоид эдийн хорт явцтай өвчнүүдийн үед бэлдмэлийг хоногт 1 удаа хэрэглэх ба 10-20 тарилга нь 1 ээлж эмчилгээ болно. Имунофаныг хими-туяа бүх ээлж эмчилгээний туршид болон хордлого үүсэхээс урьдчилан сэргийлж ээлж эмчилгээг дууссаны дараа хэрэглэнэ.
Ам ба залгиур, төвөнхийн папиломатозтой хүүхдийн хам эмчилгээнд хоногт 1 удаа 10 удаа хэрэглэнэ.
Нөхцөлт эмгэг төрүүлэгч үүсгэгчээр үүсгэгдсэн халдвар (цитомегаловирусын ба хомхойн халдвар, токсоплазмоз, хламидиоз, пневмоцистоз, криптоспоридиоз)-ын үед өдөрт 1 удаа 15-20 хоног хэрэглэнэ.
ХДХВ-ын халдварын хавсарсан эмчилгээнд хоногт 1 удаа хэрэглэх ба 15-20 тарилга нь 1 ээлж эмчилгээ болно. Шаардлагатай үед 2-4 долоо хоногийн дараа ээлж эмчилгээг давтаж болно.
Вирусын гаралтай элэгний архаг үрэвсэл ба архаг бруцеллезын үед хоногт 1 удаа 15-20 хоног (1 ээлж) хэрэглэх ба өвчний дахилтыг саатуулах зорилгоор 2-3 сарын дараа ээлж эмчилгээг давтана.
Сахуугийн үед хоногт 1 удаа 8-10 өдөр хэрэглэнэ. Сахуугийн үүсгэгчийн бактерихадгалагчид (бактериноситель) 3 хоногт 1 удаа 3-5 удаа тарина.
Хордлогын шинж бүхий III-IY зэргийн түлэгдэл, үжилт хордлого, үжилт эндокардиттай мэс заслын өвчтөн, мөчдийн удаан эдгэрэлтэй шарх, идээт үжилт хүндрэл зэргийн үед хоногт 1 удаа 7-10 өдөр хэрэглэх бөгөөд шаардлагатай үед эмчилгээг 20 тарилга хүртэл үргэлжлүүлж болно.
Бронхын бөглөрөлт хам шинж, цөсний хүүдий ба нойр булчирхайн үрэвсэл, хэрхийн гаралтай үений үрэвсэл зэргийн үед 3 хоногт 1 удаа 8-10 удаа хэрэглэх ба шаардлагатай үед эмчилгээг 20 тарилга хүртэл үргэлжлүүлнэ.
Хайрст үлдийн эмчилгээнд бэлдмэлийг хоногт 1 удаа 15-20 удаа тарина.
Насанд хүрэгсэд вакцин хийлгэж буй өдөр хоногт 1 удаа вакцины урьдчилан сэргийлэлтийн схемийн дагуу хийнэ.

Хувь хүний онцлогоос хамаарч зохихгүй байж болзошгүй.

Бактери ба вирусын ба антиген ужгирсны улмаас нөхцөлдсөн үрэвслийн архаг голомт фагоцитозын идэвхжлийн үр дүнд түр зуур хурцдаж болзошгүй.
Эмийн ба бусад харилцан үйлчлэл: Имунофаны харилцан үйлчлэл тогтоогдоогүй.
Имунофаны үйлдэл ПГЕ2-ын нийлэгжилтээс хамаарахгүй.
Бэлдмэлийг үрэвслийн эсрэг эмүүдтэй (стероид ба стероид бус) хавсарч хэрэглэж болно.