Бэлдмэлийг дараах эмгэгийн үед хэрэглэнэ. Үүнд: · Бүдүүн гэдэсний хурц болон архаг үрэвсэлт өвчний сэдрэлийн үе (бүдүүн гэдэсний шархлаа, шулуун гэдэсний үрэвсэл, Кроны өвчин), · Бүдүүн гэдэсний шархлаат үрэвсэл болон шулуун гэдэсний үрэвсэл дахихаас сэргийлэх, · Стероид бус үрэвслийн эсрэг эмчилгээнд тэсвэртэй байгаа хэрэх төст үений үрэвсэл болон хүүхдийн хэрэх төст үений үрэвсэл (өсвөр насны хэрэх төст үений үрэвсэл). Түүнийг кортикостероид болон метронидазолтой хамт хэрэглэж болно.

o Эмчийн зааврыг хатуу баирмтлах хэрэгтэй. Та эмчлэгч эмчтэйгээ урьдчилан зөвлөлгүйгээр өөрөө дур мэдэн эмийн тунг өөрчлөх буюу эмчилгээг зогсоож болохгүй. o Шахмалыг зажлаж бутлахгүйгээр бүхлээр нь залгиж ууна. Энэ нь танд ходоод гэдэсний замаас илрэх сөрөг нөлөөг багасгахад тустай. Бэлдмэлийн хооллох үедээ аяга усаар даруулан ууна. · Бүдүүн гэдэсний хурц болон архаг үрэвсэлийн сэдрэлийн эмчилгээнд o Насанд хүрэгсэд болон 16-с дээш насны өсвөр үеийнхэнд 2-4 шахмалаар өдөрт 4 хэрэглэнэ. Өвчин намжих үед тунг аажим багасган. o 2-с дээш настай хүүхдэд биеийн кг/жинд нь слуьфасалазиныг 40-60мг тунгаар тооцож хэрэглэнэ. o Удаан хугацаагаар хэрэглэж болохгүй. · Бүдүүн гэдэсний шархлаат үрэвслийн сэдрэл болон шулуун гэдэсний үрэвслээс урьдчилан сэргийлэх эмчилгээнд o Насанд хүрэгсэд болон 16-с дээш насны өсвөр үеийнхэнд 1 шахмалаар өдөрт 4 удаа ууна. o 2-с дээш настай хүүхдэд биеийн кг/жинд нь сульфасалазиныг 20-30мг тунгаар тооцож хэрэглэнэ. o Удаан хугацаагаар хэрэглэж болохгүй · Хэрх төст үений үрэвсэл o Насанд хүрэгсэд болон 16-с дээш насны өсвөр үеийнхэнд эмчилгээг эхлэхдээ өдөрт 1 шахмалаар хэрэглэнэ. Цаашид эмчийн зөвлөснөөр тунг аажим нэмэгдүүлнэ. Ерөнхийдөө барих тунгийн шатанд 2 шахмалаар өдөрт 2-3 удаа хэрэглэнэ. Та хамгийн багадаа бэлдмэлийг 6 сар хэрэглэх ёстой. Хэрэглэж эхэлснээс хойш 6-10 долоо хоногийн дараа эмчилгээний үр дүн танд мэдрэгдэх болно. 6-с дээш настай хүүхдэд биеийн кг/жинд нь сульфасалазиныг 30-50мг тунгаар тооцон өдөрт 2-3 удаа хэрэлэж болно. Хүүхдэд зохимж сайтай байдаг бөгөөд эхлэх тун нь зөвлөдөг хэмжээнээс 3-4 дахин бага байсан бол тунг аажим ихэсгэнэ. 16 хүртлэх насны хүүхдэд хоногийн дээд тун 4 шахмал (2гр) байж болно.

o Бусад бүх эмийн нэгэн адилаар Сульфасалазин ч мөн гаж нөлөө үзүүлнэ. o Тунг багасгах буюу эмчилгээг зогсоох шаардлагатай гаж нөлөө хоьор үүсдэг. Маш ховор тохиолдолд сульфасалазин нь цусны эсүүдийн тоо илэрхий цөөрөх, элэг болон бөөр гэмтээхг, мэдрэлийн эурвал болон ялангуяа арьсны талаас хүнд хэлбэрийн хэт мэдрэгшилтийн урвал үүсэх шалтгаан болж болзошгүй. Хэрэв цаг тухайд нь зөв танин тохиромжтой арга хэмжээ авч чадвал ихэнх гаж нөлөөг арилгаж болно. Хэрэв танд доор дурьдсан урвалын аль нэг нь илэрвэл эмчлэгч эмчдээ яаралтай мэдэгдэж зөвөлгөө авах хэрэгтэй. Үүнд: загатнах, туурах, арьс хогжруутах буюу хорсох, амьсгал бачуурах буюу юм залгиж чадахгүй болох, зовхи, нүүр болон биеийн бусад хэсгээр хавагнах, шалтгаангүйгээр халууран чичрэх, ер бусаар ядрах, царай цонхийх, хэвлийгээр хүчтэй өвдөх, шарлах, арьсанд цус хуралт үүсэх, ялигүй юманд хөхрөлт үүсэх буюу төв мэдрэлийн системийн үйл ажиллагааны алдагдал (толгой эргэх, чих шуугих, хөдөлгөөний тэнцвэр алдагдах, татах, нойрмоглох, сэтгэлээр унах болон хий үзэгдэл илрэх) зэрэг болно. o Сульфасалазины ихэнх гаж нөлөө хүчтэй бус илэрдэг. Харьцангуй олонтоо тохиолддог гаж нөлөөд нь ходоод гэдэсний үйл ажиллагааны хямрал (ялангуяа дотор муухайрах, бөөлжих, хоолны дуршил буурах), биеийн температур нэмэгдэх болон толгой өвдөх явдал болно. Эмчилгээний үед шээс болон зөөлөн контакт линз улаан шар өнгөтэй болох, мэдрэлийн өөрчлөлт болон эрэгтэй хүний үр тогтоох чадвар буурах зэрэг эмгэгшил илэрч болно. Дээрх гаж нөлөө нь эмийн тунг багасгах буюу эмчилгээг завсарлахад аяндаа арилдаг. o Хэрэв танд дээр дурьдсан гаж нөлөөнөөс өөр ямар нэг гаж нөлөө илэрвэл эмчлэгч эмч болон эмийн санчид хандан зөвлөгөө аваарай.

o Хэрэв та аль нэгэн архаг эмгэгтэй, бодисын солилцооны хямралтай, хэт мэдрэгшлийн урвал илэрдэг болон өөр ямар нэг эмийн бэлдмэл хэрэглэж байгаа бол эмчлэгч эмчдээ хэлэх хэрэгтэй. o Эмчилгээний үед хангалттай хэмжээний шингэн ууж байх хэрэгтэй. o Эмчилгээний өмнө болоод эмчилгээний явцад эм танд сөрөг нөлөө үзүүлж байгаа эсэхийг тодорхойлох зорилгоор шээсний шинжилгээ хийлгэж эмч тань түүнийг үнэлж байх ёстой. Хэрэв та бөөр болон элэгний үйл ажиллагааны дутмагшилтай, гуурсан хоолойн багтраа, харшил буюу глюкоз-6-фосфатдегидрогеназа ферментийн дутагдалтай нь бол эмчлэгч эмч тань уг эм зохимжгүй эсэхэд дүгнэлт хийн тодруулга заавар өгөх ёстой. o Бэлдмэлийг өсвөр насны системийн хэлбэрийн хэрэх төст үений үрэвсэлт өвчинд хэрэглэхгүй бөгөөд учир нь сийвэнгийн өвчнийг санагдуулахуйц сөрөг нөлөө илэрч болох юм (халуурах, дотор муухайрах, бөөлжих, толгой өвдөх, туурах болон элэг элэгний үйл ажиллагаа доройтох).