артерийн даралт ихдэх өвчин (дан эмчилгээнд болон даралт буулгах бусад эмтэй хавсарч хэрэглэнэ); төрөл бүрийн шалтгаантай хаван (зүрхний архаг дутагдал, бөөрний хам шинж, сарын тэмдэг ирэхийн өмнөх хам шинж, хурц гломерулонефрит, бөөрний архаг дутагдал, үүдэн венийн гипертензи, кортикостероидуудын эмчилгээ); бөөрний гаралтай чихрийн бус шижингийн үед полиуриг хянах; шээс бэлгийн замд чулуу үүсэх эрсдэл өндөртэй өвчтөнүүдэд урьдчилан сэргийлэх зорилгоор хэрэглэнэ (гиперкальциуриг багасгана).

Хувь хүний онцлогт тохируулж тунг сонгоно. Эмчийн байнгын хяналтан дор эмчилгээний үр нөлөөтэй хамгийн бага тунг тогтооно. Шахмалыг хоолны дараа ууна. Эмчилгээний явцад кали, магнийн ионы ялгаралт их байдаг тул кали, магнийг нөхөх шаардлага гардаг (сийвэн дэх калийн түвшин 3,0 ммоль/л болж буурч болно). Насанд хүрэгсэд Даралт бууруулах зорилгоор, хоногийн эхлэх тун нь 25-50 мг байх ба дангаар нь эсвэл даралт бууруулах бусад эмтэй хавсарч хэрэглэнэ. Зарим өвчтөнүүдэд дан болон хавсарсан эмчилгээнд эхлэх тун нь 12,5 мг байхад хангалттай байдаг. Хоногийн тунг 100 мг-аас хэтрүүлэлгүй үр нөлөөтэй хамгийн бага тунг тогтоож хэрэглэнэ. Хэрэв Гипотиазидыг® даралт буулгах бусад эмтэй хамт хэрэглэвэл артерийн даралт хэт буурахаас сэргийлж бусад бэлдмэлүүдийн тунг багасгах шаардлагатай. Даралт бууруулах үйлдэл нь 3-4 хоногоос илрэн тогтвортой үр нөлөөнд хүрэхийн тулд 3-4 долоо хоног шаардагдаж болно. Эмчилгээ дууссанаас хойш даралт бууруулах үйлдэл нь нэг долоо хоногийн турш хадгалагддаг. Төрөл бүрийн шалтгаантай хаван. Шээс хөөх зорилгоор насанд хүрэгсдэд хоногт 25-100 мг тунгаар хоногт нэг удаа уух буюу эсвэл уг тунг 2 хоногийн завсарлагатайгаар хэрэглэж болно. Эмнэл зүйн шинж тэмдэгээс хамааран тунг 25-50 мг болгож бууруулж болох ба хоногт 1 удаа эсвэл 2 хоногт 1 удаа хэрэглэнэ. Шаардлагтай үед хоногийн тунг 200 мг болгож болно. Сарын тэмдэгийн өмнөх хам шинжийн үед 25 мг-аар хэрэглэх бөгөөд шинж тэмдэг илэрснээс эхлэн сарын тэмдэг ирэх үе хүртэл хэрэглэнэ. Бөөрний гаралтай чихрийн бус шижингийн үед хоногийн тун 50-150 мг байна (хэд хэд хувааж хэрэглэнэ). Хүүхдэд Хүүхдэд тунг биеийн жинд тооцож тогтооно. Хоногийн тун нь 1-2 мг/кг байх ба эсвэл 30-60 мг/м2 биеийн гадаргууд байна. Хоногт нэг удаа ууна. 3-12 настай хүүхдэд хоногийн нийт тун нь 37,5-100 мг байна.

Гипокалиеми, гипомагниеми, гиперкальциеми ба гипохлоремийн алкалоз: ам хатах, цангах, зүрхний хэм алдагдах, сэтгэл санаа тавгүйтэх, булчин татах болон өвдөх, дотор муухайрах, бөөлжих, ядрах, сульдах. Гипохлоремийн алкалоз нь элэгний энцефалопати болон элэгний ком үүсгэж болно. Гипонатриеми: ухаан санаа балартах, таталдаа, сэтгэн бодох үйл явц удаашрах, ядрах, цочромтгой болох, булчин татах.

Хориглох заалт: - бэлдмэлд болон сульфонамидад хэт мэдрэг хүмүүс; - анури; - бөөрний болон элэгний хүнд хэлбэрийн дутагдалын үед (креатинины клиренс 30 мл/мин-с бага); - хянахад хүндрэлтэй чихрийн шижин; - Аддисоны өвчин; - гипокалиеми, гипонатриеми, гиперкальциеми; - 3 хүртлэх насны хүүхэд. ОНЦГОЙ АНХААРУУЛГА! Урт хугацааны ээлж эмчилгээний үед цусны ийлдсийн электролитын түвшинг тогтмол хянаж байх шаардлагатай, ялангуяа өндөр эрсдэл бүхий өвчтөнүүдийг: Зүрх судасны үйл ажиллагааны өөрчлөлт болон элэгний үйл ажиллагааны өөрчлөлттэй; хүчтэй бөөлжих эсвэл электролитын түвшин алдагдах шинж тэмдэг илрэх тохиолдолд, ам хатах, цангах, бие сулрах, ядрах, нойрмоглох, тавгүйтэх, булчин өвдөх татах, булчин сулрах, артерийн даралт буурах, олон шээх, зүрхний агшилт олшрох, мөн хоол боловсруулах замын зүгээс гаж нөлөө илэрч болзошгүй. Калийн дутагдлаас кали агуулсан бэлдмэл хэрэглэх буюу калигаар баялаг хоол хүнс (жимс, ногоо) хэрэглэх, ялангуяа калийг их хэмжээгээр алдах (хүчтэй диурез, урт хугацааны эмчилгээ) мөн бэлдмэлийг зүрхний гликозид болон кортикостеройдтой хамт хэрэглэх үед калийн бэлдмэл тогтмол хэрэглэх шаардлагатай. Тиазидын бүлгийн бэлдмэлүүд нь магнийг их хэмжээгээр шээсээр гадагшлуулдаг учир энэ нь магнийн дутагдалд оруулж болзошгүй. Бөөрний үйл ажиллагаа муу үед креатинины клиренсыг хянах хэрэгтэй. Бөөрний өвчтэй хүмүүс азотын дутагдалд оруулж болзошгүй ба хуримтлагдах нөлөө үзүүлнэ. Хэрэв бөөрний үйл ажиллагаа өөрчлөгдсөн тохиолдолд бэлдмэлийг солих шаардлагатай. Элэгний үйл ажиллагааны алдагдалтай, эсвэл даамжирсан өвчтэй өвчтөнүүдэд тиазидыг болгоомжтой хэрэглэнэ. Ус электролитын тэнцвэржилтийн өөрчлөлт, мөн сийвэн дэх аммонийн түвшингийн өөрчлөлт их биш ч гэсэн элэгний ком үүсгэж болзошгүй. Тархины болон титэм судасны хүнд хэлбэрийн хатуурлын үед маш болгоомжтой хэрэглэнэ. Тиазидын бэлдмэлийн эмчилгээ нь глюкозын зохимжтой байдлыг алдагдуулж болно. Оношлогдсон болон далд явцтай чихрийн шижингийн үед нүүрс усны солилцоог системтэйгээр хянях шаардлагатай: сахар буурулдаг бэлдмэлүүдийн тунг өөрчлөх шаардлага гарч болзошгүй. Шээсний хүчлийн солилцоо алдагдсан өвчтөнүүдийг онцгой хянах шаардлагатай. Согтууруулах ундаа, барбитуратууд, наркотик үйлдэлт өвдөлт намдаах эмүүд, тиазидын бүлгийн шээс хөөх бэлдмэлүүд даралт бууруулах нөлөөг хүчжүүлдэг. Урт хугацааны эмчилгээний явцад ховор тохиолдолд гиперкальциемие гипофосфатеми дагалдсан бамбайн дэргэдэх булчирхайн эмгэг өөрчлөлтүүд ажиглагдсан. Тиазидын бүлгийн бэлдмэлүүд нь бамбай булчирхайн үйл ажиллагааны хямралын шинж тэмдэггүйгээр сийвэнгийн уурагтай нэгдсэн иодын хэмжээг бууруулж болно. Гипотиазид® 25 мг нь 63 мг лактоз, Гипотиазид® 100 мг нь – 39 мг лактозыг агуулдаг учраас лактозд мэдрэг өвчтөнүүдэд хоол боловсруулах замын зовиур илэрч болзошгүй.