Торас-Денк 10 нь гогцоонд нөлөөлдөг шээс хөөх эмийн бүлэгт хамаарагдах шээс хөөх, даралт бууруулах үйлдэлтэй бэлдмэл. Түүнийг зүрхний үйл ажиллагааны дутагдлын улмаас бие махбодын эд болон хөндийд шингэн хуримтлагдах үед түүнийг эмчлэх болон урьдчилан сэргийлэх зорилгоор хэрэглэнэ.

Шахмалыг өглөө бага хэмжээний шингэнээр даруулж бүтнээр нь залгиж ууна. Торас-Денк 10 бэлдмэлийг хооллох үед хэрэглэхгүй. Бэлдмэлийн даралт бууруулах үйлдэл эмчилгээ эхэлснээс хойш эхний долоо хоногт илрэх бөгөөд 12 долоо хоногийн дотор дээд хэмжээндээ хүрнэ. Эмч өөрөөр зөвлөөгүй бол эм хэрэглэх дараах зарчмыг баримтална. Торас-Денк 10-ын эмчилгээг хоногт 1 шахмалаар (10мг торасемид) эхлэн хэрэглэх бөгөөд энэ нь түүний барих тун юм. Бэлдмэлийг 1 шахмалаар хэрэглэхэд хангалттай үр нөлөө үзүүлэхгүй байвал хоногт 2 шахмал (10мг торасемид) хэрэглэнэ. Энэ тохиолдолд Торас-Денк 10-ын 2 шахмал (20мг торасемид) хэрэглэх ба шаардлагатай тохиолдолд торасемидын тунг өвчний явцаас хамаарч хоногт 40мг хүртэл нэмэгдүүлнэ. Элэгний үйл ажиллагааны өөрчлөлттэй өвчтөн: Цусан дахь торасемидын концентраци ихсэж болзошгүй тул элэгний үйл ажиллагааны өөрчлөлттэй өвчтөнд бэлдмэлийг болгоомжтой хэрэглэнэ. Настангуудын хэрэглээ: Настангуудад тун тохируулах шаардлагагүй. 12-с доош насны хүүхэд: Бүрэн судлагдаагүй тул Торас-Денк 5 бэлдмэлийг 12-с доош насны хүүхдэд хэрэглэхгүй.

Олонтаа илрэх:Бие махбодын хүчил шүлтийн тэнцвэр алдагдах (бодисын солилцооны шүлтшил). Булчингийн агчил (ялангуяа эмчилгээний эхэнд). Цусан дахь шээсний хүчил, глюкоз, липид (триглицерид, холестерол)-ийн хэмжээ ихсэнэ. Кали багатай хоолны дэглэм барих, бөөлжих, суулгах, туулгах эм их хэмжээгээр хэрэглэх, түүнчлэн элэгний үйл ажиллагааны архаг өөрчлөлттэй өвчтөнд тус тус цусан дахь калийн хэмжээ багасна. Эмчилгээний үргэлжлэх хугацаа болон бэлдмэлийн тунгаас хамаарч ус давсны тэнцвэр алдагдах ба ялангуяа цусны эзлэхүүн багасч (гиповолеми) цусан дахь натри ба калийн хэмжээ багасна. Олонтаа илрэх: Хоол боловсруулах замын хямрал (хоолонд дургүй болох, ходоод өвдөх, дотор муухайрах, бөөлжих, суулгах, өтгөн хатах) эмчилгээний эхэнд илэрнэ. Олонтаа илрэх: толгой эргэх, толгой өвдөх, ядрах, сульдах (ялангуяа эмчилгээний эхэнд)

Дараах тохиолдолд Торас-Денк 10 бэлдмэлийг хэрэглэхийг цээрлэнэ. · Үйлчлэгч бодис торасемид болон түүнтэй ижил бүтэцтэй бодис, Торас-Денк 10-ын туслах бодисуудад хэт мэдрэг хүмүүс. · Шээсний ялгаралт хаагдах шинж бүхий (анури) бөөрний дутагдал · Ком ба комын урьдал байдал бүхий хүнд явцтай элэгний үйл ажиллагааны өөрчлөлт. · Гипотензи (цусны даралт багасах) · Гиповолеми (бие махбодын цусны эзлэхүүн хэвийн хэмжээнээс багасах) · Гипонатриеми ба гипокалиеми (цусан дахь натри ба калийн хэмжээ багасах ) · Шээсний ялгаралт саадтай болох (жишээ нь түрүү булчирхайн томролын улмаас) · Хөхүүл үе Торас-Денк 10 бэлдмэлийг дараах тохиолдолд онцгой болгоомжтой хэрэглэнэ. Хангалттай судлагдаагүй учир Торас-Денк 10 бэлдмэлийг дараах эмгэг ба тохиолдолд хэрэглэхгүй. · Тулай · Зүрхний хэмнэл алдагдал (сино-атриал хориг, тосгуур ховдлын хориг II ба III зэрэг) · Хүчил шүлтийн тэнцвэр алдагдах · Литийн бэлдмэл, аминогликозид, цефалоспорины бүлгийн бэлдмэлтэй хамт хэрэглэх. · Цусны эмгэг (бөөрний үйл ажиллагааны өөрчлөлттэй өвчтөний цус багадалт болон тромбоцитын тоо цөөрөх) · Бөөр хордуулах бодисын улмаас бөөр гэмтэх.