Каптоприлыг дангаар нь хэрэглээд үр дүнгүй байгаа артерийн даралт ихсэх өвчний үед хэрэглэнэ.

Артерийн даралт ихсэх өвчний эмчилгээний ерөнхий зарчим нь эхлээд нэг эмийг бага тунгаар хэрэглэх. Каптоприл + HCT Денк 50/25 –ыг зөвхөн бэлдмэлийн найрлага дахь бодис тус бүрийн (каптоприл, гидрохлортиазид) өвчтөнд хэрэглэх тохиромжтой тунг урьдчилж тогтоосны дараа хэрэглэнэ. Хэрэв эмнэлзүйн шаардлага гарвал шууд дан эмийн эмчилгээг зогсоож Каптоприл + HCT Денк 50/25 нийлмэл найрлагатай бэлдмэлийг хэрэглэнэ.

Тун: Каптоприл + HCT Денк 50/25-ыг хэрэглэх ердийн хоногийн тун ½-1 шахмал (25-50мг каптоприл, 12,5-25мг гидрохлортиазид).

Тэмдэглэл: Хүнд явцтай бөөрний гаралтай даралт ихсэх, зүрхний хүнд явцтай дутагдал, давс усны дутагдалтай (бөөлжих, суулгах, урьд нь шээлгэх эм хэрэглэсэн) өвчтөнүүдэд даралт огцом унаж болзошгүй тул каптоприлын дан эмчилгээнээс Каптоприл + HCT Денк 50/25-ын эмчилгээнд шилжихдээ 2 цаг гаруй хугацаанд өвчтөнийг нарийн хянана.

Бөөрний үйл ажиллагааны эмгэг (цусны креатининий хэмжээ 1,8мг/100мл хүртэл ба креатининий клиренс 30-60мл/мин)-тэй болон настай хүмүүст (65-с дээш) бэлдмэлийн тунг тохируулж болгоомжтой хэрэглэнэ.

Хэрэглэх арга ба эмчилгээний үргэлжлэх хугацаа: Каптоприл + HCT Денк 50/25-ыг хоногт 1 удаа өглөө хүрэлцэхүйц хэмжээний (ойролцоогоор 1 аяга ус) шингэнээр даруулж ууна. Ээлж эмчилгээний үргэлжлэх хугацааг эмчлэгч эмч тогтооно.

Зүрх судасны системийн зүгээс:Ялангуяа эмчилгээний эхэнд давс ба усны дутагдал, зүрхний дутагдлаар өвдөж байсан хүмүүс, хүнд явцтай бөөрний гаралтай даралт ихсэх өвчтэй хүмүүст бэлдмэлийн тунг ихэсгэхэд даралт огцом унаж болох бөгөөд энэ үед толгой эргэх, тамирдах, хараа өөрчлөгдөх зэрэг шинж илрэх ба ховор тохиолдолд ухаан алдах шинж ажиглагдаж болзошгүй. Гидрохлортиазидын эмчилгээний улмаас цусны калийн багасаж улмаар зүрхний цахилгааны бичлэгийн өөрчлөлт, зүрхний хэмнэл алдагдал илэрнэ.

Даралт багассантай холбоотойгоор зүрхний цохилт олшрох, зүрх дэлсэх, цээжээр өвдөх, зүрхний бах, зүрхний шигдээс, тархинд цус харвах зэрэг гаж нөлөө ажиглагдаж болно.

Бөөр шээсний замын зүгээс: Зарим үед бөөрний үйл ажиллагаа өөрчлөгдөж бөөрний дутагдал үүсэж болно. Ховор тохиолдолд шээсэнд уураг илрэх бөгөөд энэ нь зарим үед бөөрний үйл ажиллагааны өөрчлөлттэй давхцаж ажиглагдана. Мөн маш ховор тохиолдолд гидрохлортиазидтай холбоотойгоор бөөрний завсрын эдийн нянгийн бус үрэвсэл үүсэж улмаар цаашдаа бөөрний цочимог дутагдал үүсгэж болзошгүй.

Амьсгалын замын зүгээс: Хааяа хуурай ханиалгах, гуурсан хоолой үрэвсэх зэрэг шинж илрэх ба зарим үед амьсгал давчдах, синусит, хамрын салст бүрхүүл үрэвсэх, гуурсан хоолой агчих, хэл үрэвсэх, ам хатах ба цангах зэрэг шинж ажиглагдана. Харшлын гаралтай уушгины цулцангийн үрэвсэл каптоприлтэй холбоотойгоор ховор тохиолдолд үүсэж болох тухай тэмдэглэгдсэн байна. Маш ховор тохиолдолд уушги гэнэт хавагнаж шокын шинж тэмдгүүд илэрч болзошгүй. Гидрохлортиазидын нөлөөгөөр харшлын урвал илэрч болно. Мөн ангиотензин хувиргагч ферментэд хориг үүсгэдэг бүлгийн бэлдмэлтэй холбоотойгоор төвөнх хэл, залгиур хоолойг хамарсан судас мэдрэлийн хаван маш ховор тохиолдолд ажиглагдана.

Каптоприл + HCT Денк 50/25-ын эмчилгээг эхлэхийн өмнө бөөрний үйл ажиллагааг хянана. Эмчилгээ эхлэхийн өмнө давс ба усны хэмжээг хэвийн байдад оруулна. Дараах өвчтөнүүдэд цусны даралт болон лабораторийн оношлогооны ердийн үзүүлэлтүүдийг эрчимтэй хянаж (ялангуяа эмчилгээний эхэнд) зөвхөн эмнэлгийн хяналтан дор эмчилгээг явуулна. Үүнд:

· Бөөрний үйл ажиллагааны эмгэг (цусны креатининий хэмжээ 1,8мг/100мл хүртэл ба креатининий клиренс 30-60мл/мин)

· Хүнд явцтай буюу бөөрний гаралтай артерийн даралт ихсэх

· 65-с дээш насны өвчтөн

· Зүрхний архаг дутагдал

Эрсдэл бүхий өвчтөнүүдэд (бөөрний үйл ажиллагааны эмгэг, чихрийн шижин, судасны холбогч эдийн эмгэг, настай хүн) цусны электролит, креатинин, сахар зэргийг ойр ойрхон хянах ба ялангуяа эмчилгээний эхэнд дархлал дарангуйлах эм, хавдрын эсрэг эм, аллопуринол, прокаинамид, хуруувчин цэцгийн гликозид, глюкокортикоидууд, туулгах эм хэрэглэж буй өвчтөнүүдийг мөн хянана.

Каптоприл + HCT Денк 50/25-ын ээлж эмчилгээний явцад халуурах, тунгалгийн булчирхай томрох, хоолой хөндүүрлэх зэрэг шинж илэрвэл шууд цусны цагаан цогцсын тоог хянана.

Даралт бууруулах эм хэрэглэж байгаа өвчтөнд диализийн эмчилгээ буюу цус шүүх онцгой шаардлага гарсан тохиолдолд даралт бууруулах эмийг ангиотензин хувиргагч ферментэд хориг үүсгэдэггүй эмээр урьдчилан солих буюу эсвэл диализийн өөр мембран хэрэглэнэ.

Ангиотензин хувиргагч ферментэд хориг үүсгэдэг эмийн эмчилгээ хийлгэж байгаа өвчтөнд бага нягттай липопротеиныг декстран сульфаттай хамт хэрэглэвэл (хүнд явцтай цусны холестерины хэмжээ ихсэх шалтгаан болно) амь насанд аюултай харшлын урвал тохиолдож болзошгүй.

Шавьж устгах хоронд харшилтай хүмүүс харшлын эсрэг эмчилгээ хийлгэж буй үед ангиотензин хувиргагч ферментэд хориг үүсгэдэг эмийг хэрэглэвэл мөн амь насанд аюултай маш хүчтэй хэт мэдрэгшлийн урвал (даралт унах, амьсгал давчдах, бөөлжих, арьсны харшлын урвал) илэрч болно. Хэрэв бага нягттай липопротеин хэрэглэж байгаа өвчтөн харшлын эсрэг эмчилгээ хийлгэх шаардлага гарвал Каптоприл + HCT Денк 50/25-ыг түр хугацаагаар даралт бууруулах өөр эмээр (ангиотензин хувиргагч ферментэд хориг үүсгэдэг эмээс өөр) сольж болно.