Гипертензи: Телмисартаныг гипертензийн эмчилгээнд цусны даралт бууруулах зорилгоор хэрэглэнэ. Цусны даралт бууруулснаар нас баралт, зүрх судасны эмгэг, цус харвалт, зүрхний булчингийн шигдээс үүсэх эрсдлийг бууруулна.
Зүрх судасны эрсдлийг бууруулах: Телмисартаныг зүрхний булчингийн шигдээс, цус харвалт, 55 түүнээс дээш насныханд АХФ саатуулагч хэрэглэснээр үүсэх эрсдлийг бууруулахад хэрэглэнэ. Зүрх судасны эмгэгийн өндөр эрсдэлд титэм судасны эмгэг, захын артерийн эмгэг, цус харвалт, түр зуурын ишеми хөдлөл, чихрийн шижингийн өндөр эрсдэл (инсулин хамааралт, инсулин хамааралгүй) эрхтэний гэмтэл багтана. Телмисартаныг бусад шаардлагатай эмчилгээнд ашиглах боломжтой (ялангуяа даралт бууруулах, ялтас эсийн эсрэг, өөх тос бууруулах эмчилгээ).

Даралт ихдэлт: Тунг хувь хүнд тохируулна. Ихэвчлэн Телмисартан шахмалыг эхлээд өдөрт 40 мг ууна. Цусны даралтын үзүүлэлт 20-80мг тунгаас хамаарна. АД буулгах нөлөө ихэнх тохиолдолд 2 долоо хоногийн дотор илрэн 4 долоо хоногийн дараа ерөнхийдөө буурна. Цусны даралтыг сайтар бууруулахын тулд Телмисартан 80мг-г шээс хөөх эмтэй хамт хэрэглэнэ. Өндөр настай өвчтөнд эсвэл бөөрний дутагдалтай өвчтөнд, тэр дундаа гемодиализ хийх үед эхний тунг тохируулах шаардлагагүй. Диализтай өвчтөнд ортостатик гипотензи үүсч болно; цусны даралтыг сайтар хэмжинэ. Телмисартан шахмалыг бусад дарлт бууруулах эмүүдтэй хамт хэрэглэнэ. Телмисартан шахмалыг хооллох үед хэрэглэж болно.
Зүрх судасны эрсдлийг бууруулахад: Телмисартан 80 мг шахмалыг өдөрт нэг удаа хооллох үед ууна. Телмисартан 80 мг-ээс бага тун зүрх судасны өвчлөл, нас баралтын эрсдлийг бууруулахад үр дүнтэй байдаг талаар мэдээлэл байхгүй байна. Зүрх судасны эрсдлийг багасгах Телмисартан эмчилгээг эхлүүлэх үед цусны даралтыг хянах нь зүйтэй бөгөөд хэрэв шаардлагатай бол эмийн тун цусны даралтыг тохируулна.

Ихэвчлэн хөнгөн хэлбэрийн гаж нөлөө үүснэ. Шинж тэмдэгийн гипотензи, толгой эргэх шинж үүсэх, ялангуяа судасны эзлэхүүний хомсдолтой өвчтөнд (шээс хөөх эм өндөр тунгаар хэрэглэсэн) илрэнэ. Гиперкалиеми заримдаа үүснэ; судасны хаван зарим ангиотензин–II рецептор антагонистын хэрэглээнд үүснэ. Мөн ходоод гэдэсний хямрал; цээжээр өвдөх, инфлюенза – фарингит, синусит төст; шээсний замын халдвар; үений өвдөлт, булчингийн өвдөлт, нуруу өвдөх, хөл чинэрэх, экзем; бага зэрэг ам хатах, ядрах, айдас төрөх, толгой эргэх, тендонит төст шинж тэмдэг, харааны өөрчлөлт, хэт хөлрөх; ховор тохиолдолд брадикарди, тахикарди, диспноэ, нойргүйдэх, сэтгэл гутрах, цусны эмгэг, мочевин ихсэх, эозинофили, тууралт, загатнаа; ухаан алдах, астени зэрэг илэрсэн талаар бүртгэгдсэн.

Ураг хордуулах:
Жирэмсний категори D: Ренин-ангиотензин системд нөлөөлөх эмийг жирэмсний хоёр, гурав дах гурван сард хэрэглэхэд ургийн бөөрний үйл ажиллагааг бууруулах, ураг, нярайн өвчлөл, нас баралтыг ихэсгэнэ. Олигогидрамниозын дүнд ургийн уушигны гипоплази, араг ясны бүтцийн өөрчлөлт бий болно. Нярайд гавлын ясны гипоплази, анури, гипотензи, бөөрний эмгэг, үхэлд хүрэх гаж нөлөө үүсдэг. Жирэмсэн болсон даруйд Телмисартаны хэрэглээг аль болох хурдан зогсооно.
Гипотензи: Ренин-ангиотензин систем идэвхжүүлсэн ялангуяа эзлэхүүний давсгүйжүүлсэн өвчтөнд (өндөр тунгаар шээс хөөх эм хэрэглэсэн) Телмисартаны ердийн эмчилгээний дараа шинж тэмдэгийн даралт бууралт үүснэ. Телмисартаны эмчилгээг эхлэхийн өмнө нөхцөл байдлыг засах эсвэл эмийг бага тунгаар эхлүүлнэ. Хэрэв гипотензи үүсвэл өвчтөний хэвтээ байрлалд байрлуулан венийн судсанд хэвийн салины уусмал дуслаар хийнэ