Тайлол хөвмөлийг хөнгөн болон дунд зэргийн өвдөлтийн эмчилгээнд хэрэглэхээс гадна халуун бууруулах зорилгоор хэрэглэнэ. Түүнчлэн бэлдмэлийг толгойн өвдөлт, шүдний өвдөлт, чихний ба хоолойн өвдөлт, томуу болон ханиад шуухинааны үед хэрэглэнэ.

Тайлол хөвмөлийг 6 хүртэл насны хүүхдэд хэрэглэнэ.

Тайлол хөвмөлийг ууж хэрэглэх ба хөвмөлийг шингэрүүлэх шаардлагагүй.
Бэлдмэлийг хэрэглэхийн өмнө флаконыг сайтар сэгсэрнэ.
Тайлол хөвмөлийн зөвлөж буй тун:
3 сар хүртэл насны хүүхдэд:
2 сар дахь вакцинжуулалтын дараа халууралт илэрсэн хүүхдэд 2,5мл (1/2 халбага) тунгаар хэрэглэнэ.
Бусад тохиолдолд зөвхөн эмчийн хяналтан дор хэрэглэнэ.
3 сараас 1 хүртэл насны хүүхэд:
2,5-5мл (1/2-1 халбага) (=60-120мг парацетамол)
1-6 хүртэл насны хүүхэд:
5-10мл (1-2 халбага) (=120мг-240мг парацетамол)
Бэлдмэлийн тунг 4 цагийн зайтай давтах бөгөөд шаардлагатай үед 24 цагийн хугацаанд 4 хүртэл тунг хэрэглэнэ.
Насанд хүрэгсэд болон 12-оос дээш насны хүүхэд Тайлолын шахмал хэлбэрийг хэрэглэнэ.

Парацетамолыг хэрэглэх үед гаж нөлөө ховор илэрнэ. Маш ховор тохиолдолд арьсны тууралт зэрэг харшлын урвал, анафилаксын урвал илэрнэ.
Тромбоцитын тоо цөөрөх, агранулоцитоз болох шинж илэрсэн тохиолдол тэмдэглэгдсэн байдаг боловч энэ нь парацетамол хэрэглэсэнтэй холбоотой эсэх нь тодорхойгүй.
Парацетамолын ихэнх гаж нөлөө түүний тун хэтрэх үед ажиглагддаг.
Парацетамолыг эмчилгээний тунгаар өдөр бүр жилийн хугацаанд хэрэглэсэн өвчтөнд элэгний архаг үрэвсэл илэрсэн байна.
Парацетамолыг илүү богино хугацаанд өндөр бус тунгаар хэрэглэсэн өвчтөнд элэгний гэмтэл ажиглагдсан байна.
Элэгний идэвхтэй архаг үрэвсэл бүхий бүлэг өвчтөнг парацетамолыг удаан хугацаагаар хэрэглэсэн эрүүл хүмүүстэй харьцуулахад элэгний үйл ажиллагааны өөрчлөлтийн ялгаа илрээгүй. Бэлдмэлийг зогсоосны дараа өвчнийг хянахад хялбар болно.
Парацетамолыг эмчилгээний тунгаар хэрэглэж буй үед бөөр хордуулах нөлөө ховор илрэх боловч удаан хугацаагаар хэрэглэсний дараа хөхлөгийн үхжил үүснэ.

Цээрлэлт:
Тайлол хөвмөлийг парацетамолд болон бэлдмэлийн найрлага дахь бусад бүрэлдэхүүн хэсэгт хэт мэдрэг өвчтөнд хэрэглэхийг цээрлэнэ.

Онцгой анхааруулга!
Хүнд явцтай элэг ба бөөрний дутагдалтай өвчтөнд болгоомжтой хэрэглэнэ. Тун хэтрэх аюул архины шалтгаант, хатууралгүй элэгний эмгэгийн үед ихсэнэ.
Парацетамолыг өвдөлтийн эмчилгээнд хүүхдэд 5, насанд хүрэгсдэд 10 өдрөөс удаан хугацаагаар хэрэглэхгүй ба түүнчлэн 39,5°С-ын халууралтын үед эмчийн зөвшөөрөлгүйгээр 3 өдрөөс олон хоног хэрэглэж болохгүй.
Тайлол хөвмөлийг хоолойн өвдөлтийн эмчилгээнд эмчийн зөвшөөрөлгүйгээр 2 хоногоос удаан хугацаагаар хэрэглэхгүй.
Хэрэглэхээс өмнө флаконыг сайтар сэгсэрнэ.
Зөвлөсөн тунг хэтрүүлж болохгүй.
Биеийн байдал сайжрахгүй байвал эмчид хандана.
Хүүхэд хүрэхээргүй газар хадгална.
Парацетамол агуулсан бусад бэлдмэлтэй хамт хэрэглэхгүй.
Шаардлагатай үед тунг хоногт 4 удаа хэрэглэх хүртэл нэмж болно.
24 цагийн хугацаанд 4 тунгаас олон удаа хэрэглэж болохгүй.
Эмчийн зөвшөөрөлгүй 3 өдрөөс олон хоног хэрэглэхгүй.
Бэлдмэлийг 4-с дээш цагийн зайтай хэрэглэнэ.
Хэрэв хүүхэд өөр эмийн бэлдмэл хэрэглэж байгаа бол уг бэлдмэлийг хэрэглэхийн өмнө эм зүйч болон эмчээс зөвлөгөө авна.
Тун хэтэрсэн үед хүүхдийн биеийн байдал хэвийн байсан ч яаралтай эмчид хандана.
Тун хэтэрсэн үед таны биеийн байдал хэвийн байсан ч хүнд явцтай элэгний гэмтлээс сэргийлэхийн тулд яаралтай эмчид хандана.
Тайлол хөвмөл нь натри агуулдаг учир натри хязгаарлах хоолны дэглэм барьдаг хүмүүс анхаарна.
Тайлол хөвмөл нь сахар агуулдаг учир фруктоз зохидоггүй удамшлын ховор эмгэг буюу глюкоз-галактозын шингээлтийн алдагдлын хам шинжийн үед бэлдмэлийг хэрэглэхгүй.
Сорбит нь бага зэргийн туулгах үйлдэлтэй. Бэлдмэлийн тун бүрт 1500мг сорбит агуулагддаг. Сорбитын илчлэг 2,6ккаль/r.