Эссенциаль гипертензийн эмчилгээ

Ерөнхий зорилтот хүн эм:
Дан эмчилгээнд цусны даралт нь сайтар хянагдахгүй байгаа өвчтөн хавсарсан найрлагатай Эксфорж эмчилгээнд шилжиж болно. Өдөр бүр нэг шахмал хэрэглэхийг зөвлөдөг (“ТАНИЛЦУУЛГА БА НАЙРЛАГА” хэмээх хэсэгт 5 янзын тунтай бэлдмэлийг жагсаасан). Дан эмчилгээнээс тодорхой-нийлмэл тунтай бэлдмэлд шилжихдээ эмнэлзүйн тохиромжтой чиглэлийг баримтлах хэрэгтэй.
Валсартан ба амлодипинийг тус тусад нь хэрэглэж байсан өвчтөн тэдгээрийг нийлүүлсэн адил найрлагатай энэхүү Эксфорж-д шилжих нь илүү дөхөмтэй болно.
Артерийн даралтын зорилтот түвшинд хүрэхийн тулд эхнээсээ олон эм хэрэглэх шаардлагатай байгаа өвчтөнд Эксфоржийг эхний ээлжийн эмчилгээнд хэрэглэж болно. Үр ашиг ба эрсдэлийн бодитой үнэлгээг үндэслэн Эксфоржийг эхний ээлжийн эмчилгээнд сонгон хэрэглэж болно.
Эхний ээлжийн эмчилгээнд ихэвчлэн Эксфоржийг 5/80мг тунгаар өдөрт нэг удаа ууж эхэлдэг. Цусны даралтыг хянахын тулд хэрэв шаардагдвал эмчилгээ эхэлснээс хойш 1-2 долоо хоногийн дараа хамгийн дээд тун болох 10/320мг-д хүртэл ихэсгэж болно. Цусны судасны дотоод эзэлхүүн багассан өвчтөнд Эксфорж бэлдмэлийг эхний ээлжийн эмчилгээнд хэрэглэхийг зөвлөдөггүй болно (АНХААРУУЛГА БА БОЛГООМЖЛОЛ хэмээх хэсэгт үзнэ үү).
Хамгийн дээд тун нь 10/320мг.
Амлодипин ба валсартаны дан эмчилгээнд аль алинийг нь хоолтой болон өлөн аль ч үед хэрэглэж болно. Эксфоржийг багахаан хэмжээний усаар даруулан уудаг.
Тусгай бүлэг хүн амын хэрэглээ
Бөөрний үйл ажиллагааны дутмагшил:
Бөөрний үйл ажиллагааны хөнгөнөөс дунд зэргийн дутмагшилтай өвчтөнд тун зохицуулалт хийх шаардлагагүй.
Элэгний үйл ажиллагааны дутмагшил:
Валсартан ба амлодипин агуулдаг тул элэгний үйл ажиллагааны дутмагшилтай буюу цөсний замын бөглөрөлттэй өвчтөнд Эксфорж бэлдмэлийг хэрэглэхдээ ихээхэн болгоомжтой хандах хэрэгтэй.
Эмчилгээг амлодипиний хамгийн бага тунгаар эхлүүлэх нь зүйтэй.
Хүүхдэд (18-с доош настай):
Аюулгүй болон үр нөлөөтэй эсэх талаарх судалгааны өгөгдөхүүн хомс тул Эксфорж бэлдмэлийг 18-с доош насны хүүхдэд хэрэглэхийг зөвлөдөггүй болно.
Өндөр настанд (65 болон түүнээс дээш настай):
Өндөр настан (65 болон түүнээс дээш настай) болон залуу хүмүүст адил тунгаар хэрэглэхэд нийлмэл найрлаганд нь буй хоёр бэлдмэлд зохимж сайтай байдаг тул эмчилгээг эхлэх тунд зохицуулалт хийх шаардлагагүй.
Гэхдээ амлодипиний аль болох бага тунгаар эмчилгээг эхлэхээр тооцон хэрэглэх ёстой.

Назофарингит, Ханиад томуу, Гипокалиеми, Толгой өвдөх, Хавагнах гаж нөлөө түгээмэл илэрнэ. Хэрэв илэрсэн тохиолдолд эмчилгээг зогсоон эмчид хандана уу.

ХОРИГЛОХ ЗААЛТ:

Амлодипин, валсартан болон түүний найрлаганд буй аль нэгэн туслах бодист хэт мэдрэг өвчтөнд хэрэглэж болохгүй.
Жирэмсэн үед хэрэглэхгүй (ЖИРЭМСЛЭЛТ, ХӨХҮҮЛ ҮЕ, НӨХӨН ҮРЖИХҮЙН НАСНЫ ЭМЭГТЭЙЧҮҮД БОЛОН ЭРЭГТЭЙЧҮҮД хэмээх хэсэгт үзнэ үү).
Валсартан зэрэг ангиотензиний рецепторыг хориглогчид буюу ангиотензин фермент хориглогчдыг (AХФ) 2-р хэлбэрийн чихрийн шижинтэй өвчтөнд алискирентэй хамт хрэглэж болохгүй (ХАРИЛЦАН НӨЛӨӨЛӨЛ хэмээх хэсэг ба РАС-н Давхар хориглолт хэмээх дэд хэсэгт үзнэ үү).
АНХААРУУЛГА БА БОЛГООМЖЛОЛ
Натри- ба/буюу эзэлхүүн багассан үед:
Плацебо-хяналтат судалгаагаар хүндрэлгүй цусны даралт ихсэлтийг Эксфорж бэлдмэлээр эмчилсэн өвчтөнүүдийн 0.4%-д нь цусны даралт нь хэт буурч байсан байна.
Ренин-ангиотензийн систем нь идэвхижсэн өвчтөнд (шээс хөөх эм өндөр тунгаар хэрэглэж байгаа эзэлхүүн- ба/буюу давс-багасгасан өвчтөнүүд) ангиотензин-рецептор хориглогчдыг хэрэглэж байгаа үед шинж тэмдгийн гипотензи үүсч болох юм.
Эксфорж бэлдмэлийг хэрэглэж эхлэхийн өмнө энэхүү нөхцөлийг засах эсвэл эмчилгээг эхлэх үед эмнэлгийн сайтар хяналт тавих хэрэгтэй.
Хэрэв Эксфоржийг хэрэглэхэд гипотензи үүсвэл өвчтөнийг нуруугаар нь хэвтүүлж, хэрэв шаардлагатай бол венийн судсаар хэвийн давсны уусмал дуслаар тарих хэрэгтэй.
Даралт тогтворжтол эмчилгээг үргэлжлүүлж болно