Гентамициныг түүнд мэдрэг бактераар үүсгэгдсэн системийн халдваруудын эмчилгээнд тарьж хэрэглэнэ.
Шээсний замын халдварууд:
Энд гентамицин зарим үйл ажиллагааны эсрэг үйлчлэн ерөнхийдөө грам сөрөг тэсвэржсэн бациллид үр дүнтэй.
Устгахад төвөгтэй Pseudomonas, Proteus эсрэг онцгойлон нөлөө үзүүлнэ.
Цээжний хөндийн халдварууд:
Грам сөрөг бактераар үүсгэгдсэн эсвэл бусад антибиотикт тэсвэртэй бактерийн эсрэг нөлөө үзүүлнэ.
Цусан үжил:
Гентамицин бусад антибиотикт тэсвэртэй бактераар үүсгэгдсэн цусан үжлийн эмчилгээнд хэрэглэнэ.
Pseudomonas-н цусан үжилд гентамицин сайтар үйлчилнэ.
Түлэнхийн халдвар
Pseudomonas, Стафилакоккоор хамгийн их халдварлагддаг тул гентамицин бактерцид идэвх үзүүлдэг.
Эмпием, перитонит, гэмтлийн халдвар, мэс заслын шарх:
Зөвхөн гентамицинд мэдрэг омгоор үүсгэгдсэн тохиолдолд хэрэглэнэ.
Төв мэдрэлийн системийн халдвар:
Гентамициныг грам сөрөг нянгаар үүсгэгдсэн вентрикулит, менингитийн эмчилгээнд голлон хэрэглэнэ.

А. Насанд хүрэгчидэд

1. Бөөрний үйл ажиллагаа хэвийн

Системийн халдвар:
Ихэвчлэн 80мг тунгаар 8 цагаар нийт 7-10 хоног хэрэглэнэ. Хэрэв биеийн жин 60 кг-с бага
бол 60 мг тунгаар 8 цагаар хэрэглэнэ.

Шээсний замын халдварууд:
Дээрхтэй ижил. Өөрөөр хэлбэл сонгосон нөхцөлд өдөрт 160мг тунгаар нийт 7-10 хоног хэрэглэнэ. Шээсний рН шүлтлэг үед натрийн карбонат, калийн цитрат хамт хэрэглэнэ.

Аминд аюултай халдварууд:
Өдөрт 5мг\кг тунг хуваан 6 эсвэл 8 цагаар хэрэглэх ба эмнэл зүйн үзүүлэлтээс хамааран тунг ихэсгэх эсвэл бууруулж болно. Тун ихэсгэн хэрэглэхэд бөөрний дутагдал үүсч болох тул сийвэн дэх дээд хэмжээг хянан хангалттай тунг тогтоох ба 12uг\мл-с ихэсвэл чих хордуулах нөлөө үзүүлж болзошгүй.
2. Бөөрний үйл ажилагааны алдагдалтай өвчтөнд бөөрний үйл ажиллагааг үнэлэн тунг тохируулна. Өвчтөний хордлогын эрсдлийг багасгахын тулд эхний тунг хэвийн эхлүүлнэ. Цааш тунг бөөрний дутагдалын зэргээс хамааран давтамжийг тохируулна. Гентамицины сийвэн дэх хагас задралын хугацаа креатинин клиренс, сийвэнгийн креатининтэй ойролцоо байх ба гентамицины хагас задралын хугацааг (цаг) сийвэнгийн креатинины хэмжээг (мг%) дөрвөөр үржүүлж тооцно. Цагаар тооцох тунгийн давтамжийг олохдоо сийвэнгийн хагас задралын хугацааг хоёр дахин нэмэгдүүлэн олно. Гентамицины тун тохируулгын удирдамжинд зааснаар гентамицины тунг бөөрний үйл ажиллагааны сорилын дүнд тулгаарлан тогтооно. Ийм тохиолдолд цус, шээсэн дэх агууламжийг эхний ээлжинд ашиглах боломжтой ч боломжтой бол аль болох хурдан сийвэнгийн креатинины түвшин, креатинины клиренсыг нэмэлтээр ашиглана. Энэхүү тунгийн дэглэм тогтсон дэглэм биш юм. Тунгийн дэглэмийг тооцоход гентамицины сийвэн дэх түвшинг тооцох боломжгүй. Иймээс эмнэл зүйн шинж тэмдэг, лабораторийн үзүүлэлтийг анхааран эмч хэрэглээг тохируулах нь зүйтэй.

В. Хүүхдэд
12 хүртэлх насны хүүхдэд: 6мг\кг тунг гурав хуваан хэрэглэнэ.
2-с дээш сартай нярайд: 6мг\кг тунг хоёр хуваан хэрэглэнэ.
Өндөр тунгаар удаан хэрэглэх бол бөөрний үйл ажиллагаа алдагдан дутагдал үүсэн дотор чихний хордлогын эрсдэл нэмэгдэж болно. Энэ тохиолдолд сийвэн дэх түвшинг хянах шаардлагатай. Урт хугацааны туршид сийвэн дэх түвшин 12uг\мл-с хэтрэхгүй байх ёстой.

Бөөрний үйл ажиллагаа хэвийн өвчтөнд стандарт тунгаар хэрэглэхэд хортой түвшинд хүрэх бараг боломжгүй. Гентамицины сийвэн дэх түвшин 12uг\мл-с хэтэрсэн үед дотор чихний механизмд нөлөөлж болно.

Бөөрний үйл ажиллагааны дутагдалтай эсвэл өндөр настай өвчтөнд дутагдалын зэргээс хамааран тунг бууруулна.

Гентамицин түүдгэнцрийн шүүгдэлтээр ялгарах тул цус, шээсний креатинин эсвэл креатинины клиренсыг харгалзан тунг багасгана. Үүнийг батлахын тул сийвэнгийн түвшин (цагт)10uг\мл-с хэтрэхгүй байхыг шалгана. Гентамицин нь цефалоспорины бөөр хордуулах нөлөөг ихэсгэнэ. Гентамициныг чих хордуулах нөлөөт аминогликозидууд эсвэл кураре-хэлбэрийн булчин сулруулах эмүүдтэй хамт хэрэглэхгүй. Гентамицин диализд өртөх тул диалилзтай өвчтөнд диализын дараа хэрэглэх нь зүйтэй.

Аминд аюултай нөхцөлөөс бусад үед жирэмсэн үед хэрэглэхийг хориглоно.