Зүрхний архаг дутагдал, бөөрний архаг болон цочмог дутагдал, элэгний цирроз, тархи болон бөөрний хаван, гипертони, бөөрөөр хувиралгүй ялгардаг химийн бодисын хордлого, жирэмсний хожуу хордлого зэрэг өвчнүүдийн үед тус бүр хэрэглэнэ.

Фуросемидыг 7-10 хоногт өдөрт 1-2 удаа 20-50 мг тунгаар булчинд болон судсанд аажим (4 мг/мин-аас илүү хурдтай тарьж болохгүй) тарьж хэрэглэнэ. Шаардлагатай үед тунг 20 мг-аар 2-оос дээш цагийн зайтай нэмэгдүүлж болно. Бэлдмэлийг 50 мг-аас дээш тунгаар хэрэглэх шаардлага гарвал судсанд аажим тарина. Хүүхдэд венийн судсаар тарих хоногийн дундаж тун нь биеийн 1 кг жинд 0.5-1.5 мг байх ба дээд тун нь 6 мг/кг байна.

Зүрх судасны тогтолцооны талаас: артерийн даралт буурах (АД), коллапс, зүрхний хэм олширох, хэм алдагдах, эргэлдэх цусны эзэлхүүн буурах, венийн судасны бүлэнт үрэвсэл, байршлын даралт багадалт. Мэдрэлийн тогтолцооны талаас: толгой эргэх, толгой өвдөх, булчин сулрах, хөлийн эрээн булчин чангарах (татах), мэдэрхүй өөрчлөгдөх, апати, хөдөлгөөнгүйдэх, бие сулрах, турах, нойрмоглох, ухаан балартах Мэдэрхүйн эрхтэний талаас: хараа болон сонсголын өөрчлөлт. Ходоод гэдэсний зам, элэгний талаас: хоолны дуршилгүй болох, ам хатах, ам цангах, дотор муухайрах, бөөлжих, суулгах буюу өтгөн хатах, цөс зогсонгишилийн шарлалт, нойр булчирхайн үрэвсэл (сэдрэх). Шээс бэлгийн тогтолцооны талаас: шээсний гарц багасах, шээс гэнэт хаагдах (түрүү булчирхайн аденомтой эмчлүүлэгчдэд), бөөрний завсрын эдийн үрэвсэл, цустай шээх, бэлгийн сулрал, дутуу төрсөн хүүхдийн бөөр чулуужих Харшлын урвал: пурпур, чонон хөрвөс, арьсны зулгаралтат үрэвсэл, олон хэлбэрт улайралт, судасны үрэвсэл, судасны үхжилт үрэвсэл, арьс загатнах, чичрүүдэс хүрэх, халуурах, гэрэлд мэдрэг болох, анафилаксийн шок. Цус төлжүүлэх эрхтэний талаас: цусны цагаан эс, ялтас цөөрөх, агранулоцитоз, цус төлжилгүйдлийн цус багадалт. Ус-эрдсийн солилцооны талаас: цусны эзэлхүүн багасах, усгүйжих (бүлэн болон бүлэнт бөглөрөл үүсэх эрсдэлтэй), цусан дахь кали, натри, хлор, кальци болон магнийн хэмжээ багасах, бодисын солилцооны шүлтшил.

Жирэмсэн болон хөхүүл эхчүүд зөвхөн эмчийн хяналтан дор хэрэглэнэ.Фуросемидэд хэт мэдрэг, цочмог гломерулонефрит, шээс хаагдсан бөөрний цочмог дутагдал (түүдгэнцэрийн фильтраци 3-5мл/минутаас бага), элэгний хүнд хэлбэрийн дутагдал, элэгний ком, комын өмнөх байдал, шээс ялгаруулах сувгийн нарийсал, шээс ялгаруулах зам чулуугаар бөглөрсөн, комын өмнөх байдал, цусан дахь сахарын түвшин ихсэлтийн ком, цусан дахь шээсний хүчлийн түвшин ихсэлт, тулай, хоёр хавтаст эсвэл аортын хавхлагын тэнцвэржил алдагдсан нарийсал, төвийн венийн даралт ихсэлт (10 мм муб-аас их), шалтгаан тодорхойгүй гипертрофик субаорталь стеноз, цусны даралт багадалт, зүрхний цочмог шигдээс, нойр булчирхайн үрэвсэл, ус-эрдсийн солилцоо болон хүчил шүлтийн тэнцвэрийн өөрчлөлт (цусан дахь калийн түвшин багасах, шүлтшил, цусны эзэлхүүн багасах, цусан дахь натри, хлор, кальци болон магнийн түвшин багасах), хуруувчин цэцгийн хордлого зэргийн үед хэрэглэхийг цээрлэнэ.