Оюуны хоцрогдолтой гэж оношлогдоогүй үеийн оюун ухаан-ойн санамжийн өөрчлөлтийн шинж тэмдгийн эмчилгээ. Пирацетамд мэдрэг өвчтөнд бор гадрын миоклонийн илрэл буурсан үед дан эмчилгээ, эсвэл комплекс эмчилгээ хэлбэрээр (пирацетамд мэдрэг эсэхийг тодорхойлох зорилгоор зарим тодорхой тохиолдолд сорилын эмчилгээ) хэрэглэнэ.

Судсаар урсгаж, дуслаар, эсвэл булчинд тарина. Хоногийн тунг 2-4 удаа хувааж хэрэглэнэ.
Пирацетамын дотуур ууж хэрэглэх эмийн хэлбэрийг хэрэглэх боломжгүй тохиолдолд (ухаангүй байх, залгихад хүндрэлтэй байх) тарилгын замаар тариа хэлбэрээр хэрэглэнэ. Судсаар тарих нь илүү ач холбогдолтой.
Бэлдмэлийг судсаар, дуслаар, хоногийн тунг хийхдээ 24 цагийн турш тогтмол урсгалын хурдаар тусгай хэрэгсэл ашиглан хийнэ (жишээ нь хүнд хэлбэрийн миоклонийн эхэн үед). Урьдчилаад эмийн бэлдмэлийг дараах тохирох уусмалуудын аль нэгэнд уусгана: декстрозын уусмал 5%, 10% эсвэл
20%; фруктозын уусмал 5%, 10%, 20%; натри хлоридын 0.9 %; декстраны 40%, 10 %; натри хлорид 0.9 %; Рингерийн уусмал; маннитолын уусмал 20 %. Судсаар тарих нийт уусмалын эзэлхүүн нь эмнэл зүйн заалт болон өвчтөний биеийн байдлаас хамаарна.
Судсаар түргэн шахаж хийхдээ 2 минутаас багагүй хугацаанд, хоногийн тунг хэд хэд хувааж (2-4), тариа хоорондын интервал жигд, нэг удаагийн тарилгын тун 3г-аас хэтрэхгүй байхаар тооцож тарина.
Хэрэв венийн судсанд тарих хүндрэлтэй байгаа бол эмийн бэлдмэлийг булчинд тарина.
Булчинд тарьж буй уусмалын нийт эзэлхүүн 5мл-ээс хэтэрч болохгүй.
Судсаар тарих болон ууж хэрэглэх бэлдмэлийг хэрэглэх давтамж нь хоорондоо ижил байна.
Боломжтой болсон үед эмийн бэлдмэлийг уулгаж хэрэглэнэ (эмийн бэлдмэлийн хэлбэрүүдийг эмнэлгийн зориулалтаар хэрэглэх зааврыг харна уу).
Өвчний явц, шинж тэмдгийн хөдлөл зүйгээс хамааруулан эмчлэгч эмч эмийн эмчилгээний үргэлжлэх хугацааг тогтооно.
Оюуны хоцрогдол гэсэн онош тавигдаагүй хүн оюун ухаан-ойн санамж алдагдлын шинж тэмдгийн эмчилгээ: 2,4-4,8г/хоног (2-3 дэд тун).Бор гадрын миоклонийн илрэлийг бууруулахын тулд эмчилгээг эхлэх тун болох 7,2г/хоногоор эхэлж 3-4 хоног тутамд тунг 4,8г/хоногоор нэмэгдүүлэн (2 эсвэл 3 дэд тун) хоногийн дээд тун болох 24г/хоногт хүргэнэ. Эмчилгээг өвчний үргэлжлэх бүх үе шатанд үргэлжлүүлэн хийнэ. Эмчилгээний 6 сар тутамд тунг хоногт 1,2г-аар 2 хоног тутам багасгах замаар тунг бууруулах эсвэл зогсоох оролдлого хийнэ.

Цус, тунгалгын тогтолцооны зүгээс: цус гоожих, цус алдалтын эмгэг.
Дархлаа тогтолцооны зүгээс: анафилакси төст урвал, хэт мэдрэгшил.
Бодисын солилцооны алдагдал, хооллолтын алдагдал: биеийн жин нэмэгдэх. Сэтгэцийн талаас: нойрмоглох, мэдрэлийн тавгүйтэл, сэрэмтгий болох, түгшүүр, сэтгэл гутрал, хий үзэгдэл, ухаан санаа самуурах.
Мэдрэлийн тогтолцооны талаас: нойргүйдэх, толгой өвдөх, сульдаж ядрах, хөдөлгөөн олшрох, тэнцвэр алдалт, атакси, чичрэх, салганах.
Хоол боловсруулах эрхтэн тогтолцооны талаас: суулгах, дотор муухайрах, бөөлжих, хэвлийгээр өвдөх (ялангуяа ходоод өвдөх).
Сонсголын эрхтэн тогтолцооны талаас: вертиго-толгой эргэх
Арьсны талаас: ангионевротик хаван, дерматит, загатнаа, гүвдрүү.
Нөхөн үржихүйн эрхтэн тогтолцооны талаас: бэлгийн дур хүсэл ихсэх.
Бусад: тромбофлебит, тарьсан хэсэг газар өвдөх, халуун оргих, даралт багасах (судсаар тарьсаны дараа).

Хувь хүний пирацетам эсвэл пирролидоны уламжлалт нэгдлүүдийг болон эмийн бэлдмэлийн найрлага дахь бусад нэгдлүүдэд хэт мэдрэг, даах чадвар муу байгаа үед хэрэглэхгүй.
Гентингтоны хорей
Тархины цусан хангамжийн цочмог алдагдал (цус харвалт).
Бөөрний дутагдлын төгсгөлийн шат (креатинины клиренс 20мл/мин-аас доош үед).
3 хүртэл насны хүүхэд.