Чихрийн шижингийн үеийн ходоодны үйл ажиллагааны өөрчлөлт Бэлдмэлийг тарилга хэлбэрээр зөвхөн ходоодны үйл ажиллагааны хүнд явцтай өөрчлөлтийн үед хэрэглэнэ. Эмнэл зүйн сайжрал илэрсний дараа бэлдмэлийг уулгаж хэрэглэнэ. Хорт хавдрын химийн эмчилгээний үед дотор муухайрах, бөөлжих шинж илрэхээс урьдчилан сэргийлэх зорилгоор хэрэглэнэ. Мэс ажилбарын дараа дотор муухайрах, бөөлжих шинж илрэхээс урьдчилан сэргийлэх зорилгоор хэрэглэнэ. Хамрын зондоор ходоодны агууламжийг гадагшлуулах ажилбар тохиромжгүй байгаа үед хэрэглэнэ. Нарийн гэдсэнд зонд хийх Бэлдмэл насанд хүрэгсэд ба хүүхдийн нарийн гэдсэнд зонд хийх ажилбарыг хөнгөвчилнө. (Ердийн ажилбарын үед зонд ходоодны амсар хэсгээр явахгүй байгаа тохиолдолд) Туяа оношлогооны үед: Бэлдмэл нь ходоодны суллах явц болон гэдсэн дэх барийн сульфатын шилжилтийг түргэсгэдэг. Хүүхэд ба өсвөр үеийнхэнд хэрэглэх заалт: 1-ээс дээш насны хүүхдэд мэс ажилбарын дараа дотор муухайрах, бөөлжих шинж илрэхээс сэргийлэх зорилгоор хэрэглэнэ. Бусад заалтаар метоклопрамидыг хүүхдэд хэрэглэж болохгүй.

Уг эмийн бэлдмэлийг хэрэглэх хамгийн урт хугацаа 5 хоногоос хэтэрч болохгүй. Тарилгын уусмалыг булчинд болон судсаар 3 минутаас багагүй хугацаанд урсгаж хийнэ. Насанд хүрэгсдэд 10мг тунгаар хоногт 3 хүртэлх удаа (нэг удаагийн дээд тун 10мг, хоногийн дээд тун 30мг, эсвэл 0,5мг/кг) тарина. Хүүхдэд. Хүүхдийн тунг дараах хүснэгтээр, эсвэл 0,1-0,15мг/кг жинд тооцон хоногт 3 хүртэл удаа тарина. Хоногийн дээд тун биеийн 1кг жинд 0,5мг/кг байна.

Бусад эмийн бэлдмэлийн нэгэн адилаар метоклопрамидыг хэрэглэх үед гаж нөлөө илрэх боловч энэ нь хүн бүрт тохиолдохгүй. Дараах гаж нөлөө ажиглагдана. Мэдрэлийн тогтолцооны зүгээс илрэх өөрчлөлт. Олонтаа илрэх - тайван бус болох, нойрмоглох, ядрах сульдах. Ховор илрэх - нойргүйдэх, толгой өвдөх болон эргэх, баримжаа алдагдах, амиа хорлох хандлагатай сэтгэл гутрал, харааны өөрчлөлт, цочмог дистони (биеийн янз бүрийн хэсгүүд нугаларч тахийсан ухамсарт бус хөдөлгөөн), дискинези (биеийн бүх хэсгийн болон мөчдийн зохицуулгагүй, ухамсарт бус хөдөлгөөн) паркинсонизмын шинж тэмдэг, акатизи (хөдөлгөөнгүйгээр удаан байх чадваргүй болох - хөдөлгөөний тайван бус байдал үүсдэг хам шинж). Бусад: Хөхний сүү ялгарах, биений юмгүйдэл, эрчүүдийн хөх томрох, бэлгийн сулрал Артерийн даралт буурах ба ихсэх, зүрхний агшилтын давтамж олшрох ба цөөрөх Дотор муухайрах, гэдэс хямрах, гол нь суулгалт, Шээс задгайрах, олон шээх Зарим тохиолдолд: тууралт, чонон хөрвөс, гуурсан хоолой агчих (ялангуяа гуурсан хоолойн багтрааны өгүүлэмжтэй өвчтөн), ховор – хэл ба төвөнх хавагнах Порфирий Цусан дахь метгемоглобины хэмжээ ихсэх (цусанд өөрчлөгдсөн гемоглобин илэрдэг эмгэг - хүчилтөрөгчид зөөх чадваргүй, эдийн хүчилтөрөгчийн дутагдал үүсгэдэг) ялангуяа нярай хүүхдэд. Ямар нэгэн гаж нөлөө хүндрэх эсвэл уг эм хэрэглэх зааварт дурьдагдаагүй гаж нөлөө илэрсэн тохиолдолд эмчид эсвэл эмзүйчид хандах хэрэгтэй.

Цээрлэлт Хоол боловсруулах замаас цус алдах, нугалуурын нарийсал, гэдэсний механик түгжрэл, ходоод ба гэдэс цоорох, феохромоцитом, экстрапирамид системийн өөрчлөлт, эпилепси, пролактин хамааралт хавдар, жирэмсэн үе, 2 хүртэл насны хүүхэд, метоклопрамид ба түүний бүрэлдэхүүн хэсгүүдэд хэт мэдрэг хүмүүст тус тус хэрэглэхгүй Анхааруулга: Артерийн даралт ихсэх өвчин, паркинсоны өвчин, элэг ба бөөрний үйл ажиллагааны өөрчлөлт, өндөр настай өвчтөн, хүүхэд зэрэгт болгоомжтой хэрэглэнэ. Учир нь хөдөлгөөн өөрчлөлтийн хам шинж үүсэж болзошгүй. Церугланыг хөхүүл үед хэрэглэхгүй бөгөөд хэрэв зайлшгүй хэрэглэх шаардлага гарвал хөхөөр хооллолтыг зогсоох эсэхээ шийднэ. Жирэмсэн үе (2 ба 3 дахь гурван сар), 2-14 насны хүүхдэд зөвхөн амьдралын заалтаар хэрэглэнэ Анхаарал болгоомжлол: сэтгэц ба хөдөлгөөний түргэн урвал шаардлагатай ажил эрхэлдэг (тээврийн хэрэгсэл жолоодох) хүмүүс бэлдмэлийг хэрэглэхээс зайлсхийнэ.Эмчилгээний явцад согтууруулах ундааны зүйл хэрэглэж болохгүй