Гуурсан хоолойн багтрааны бөглөрөлтөт хам шинж, гуурсан хоолойн үрэвсэл, уушгины тэлэгдэл, цусны бага эргэлтийн даралт ихсэлтэнд хэрэглэнэ. Тархины цусан хангамжийн дутагдалт хэлбэрийн өөрчлөлт (гавлын дотоод даралтыг багасгах нийлмэл эмчилгээнд орно) – нд хэрэглэнэ. Гуурсан хоолойн агчилтай зүүн ховдлын дутагдал, Чейн-Стоксын хэлбэрээр амьсгалын хэлбэр алдагдах, бөөрний хавагнах хам шинж (цогц эмчилгээнд багтана) зэрэгт хэрэглэнэ.

Судсанд тарьж хэрэглэнэ. Насанд хүрэгчдэд урьдчилан 10-20мл натри хлоридын изотоник уусмалаар шингэлсэн 5-10мл 24мг/мл (0.12-0.24гр) уусмалыг аажим (4-6минут) тарина. Зүрх дэлсэх, толгой эргэх, бөөлжих зэрэг илэрвэл тарих буюу дуслаар тарих хурдыг удаашируулан 100-150мл натрийн хлоридын изотоник уусмалаар шингэлэн 10-20мл 24мг/мл (0.24-0.48гр) уусмалыг тарина: дуслын хурд нэг минутанд 30-50 дусал байна. Бэлдмэлийг хоногт 3 хүртэл удаа, 14 хоногоос илүүгүй хугацаагаар тарина. Тун болон хэрэглэх хугацааг эмч тогтооно.

Тайван биш болох, нойргүйдэх, таталдах, дотор муухай оргих, бөөлжих, суулгах, ходоод цочрох, арьсаар тууралт гарах, зүрх дэлсэх, зүрхний хэм алдагдах гаж нөлөө илэрч болно.

Өндөр настанд хэрэглэхэд уг бэлдмэл удаан ялгардаг учраас тун багасгах шаардлагатай. Тамхи татдаг эмчлүүлэгчид бэлдмэл хурдан ялгардагтай холбоотойгоор тун ихэсгэхийг зөвлөнө. Эмчилгээний үед согтууруулах ундаа, кофейн агуулсан бүтээгдэхүүнийг ихээр хэрэглэхдээ болгоомжлох шаардлагатай. Бэлдмэлийн уусмалыг тарихын өмнө биеийн хэмд хүртэл бүлээсгэх хэрэгтэй.