Метформин Денк 1000 нь цусан дахь сахарын хэмжээг багасгах үйлдэлтэй бэлдмэл бөгөөд 2 хэлбэрийн чихрийн шижин, ялангуяа илүүдэл жинтэй өвчтөнд хоолны дэглэм барих болон биеийн хүчний дасгал нь дангаараа цусан дахь сахарын хэмжээг хангалттай хянаж чадахгүй байгаа тохиолдолд хэрэглэнэ. Насанд хүрэгсдэд: Метформин Денк 1000 бэлдмэлийг дангаар нь болон инсулин хийгээд чихрийн шижингийн эсрэг ууж хэрэглэдэг бусад бэлдмэлтэй хавсарч хэрэглэж болно. 10-с дээш насны хүүхэд ба өсвөр үеийнхэнд: Метформин Денк 1000 бэлдмэлийг дангаар нь болон инсулинтай хавсарч хэрэглэж болно. Илүүдэл жинтэй 2 хэлбэрийн чихрийн шижин өвчтэй хоолны дэглэм барьж чадахгүй байгаа насанд хүрэгсдэд метформины гидрохлоридыг эхний ээлжийн эмчилгээнд хэрэглэхэд чихрийн шижин өвчний хүндрэл багассан байна.

Өдөрт 1-2 шахмал/ 500-1000мг/-аар хоол идэх үедээ хангалттай хэмжээний шингэнээр даруулан ууж эхэлнэ. Бодисын солилцооны хариу урвалыг харгалзан тунг хэдэн өдрийн зайтайгаар ойролцоогоор 2 долоо хоногийн дотор аажмаар эмчийн хяналтанд тунг нэмэгдүүлж болно. Ойролцоогоор хоногт 0,5 гр-аас хамгийн дээд тал нь 3 гр хүртэл метформин хэрэглэж болдог Ерөнхийдөө хоногт 3 /1,5гр/ орчим шахмал хангалттай байдаг

Хоол боловсруулах замын эмгэг: Байнга илрэх: дотор муухайрах, бөөлжих, суулгах, гэдэс өвдөх, хоолонд дургүй болох. Эдгээр гаж нөлөө нь ихэвчлэн эмчилгээг эхлэх үед илрэх бөгөөд ихэнх тохиолдолд аяндаа арилдаг. Дээрх гаж нөлөөнөөс зайлхийх зорилгоор Метформин Денк 1000 бэлдмэлийн 2 ба 3 нэг удаагийн тунг хооллох үед буюу хоолны дараа хэрэглэнэ. Хэрэв эдгээр шинжүүд удаан хугацаагаар илэрвэл эмчилгээг зогсоож эмчдээ хандаж зөвлөгөө авна. Бодисын солилцоо ба тэжээлийн эмгэг: Маш ховор илрэх: Сүүний хүчлийн хүчилшлээр илрэх бодисын солилцооны хүнд явцтай ээнэгшилгүйдэл. Энэ нь бөөлжих, гэдэс өвдөх, булчин өвдөх ба агчих, түүнчлэн бие махбод ерөнхийдөө тамиргүй болох шинжээр илэрч болно. Витамин В12-ын шимэгдэлт багасаж цусан дахь концентраци нь буурна. Иймээс тодорхой хэлбэрийн цус багадалттай (мегалобласт цус багадалт) өвчтөнд дээрх шалтгааныг анхаарахыг зөвлөнө. Мэдрэлийн системийн эмгэг: Олонтаа илрэх: амтлах мэдрэхүй өөрчлөгдөх Арьс ба арьсан доорх өөхөн эдийн эмгэг: Маш ховор: арьс улайх, загатнах, чонон хөрвөс. Элэг ба цөсний замын эмгэг: Маш ховор илрэх:Элэгний үйл ажиллагааны үзүүлэлтүүд өөрчлөгдөх, элэгний үрэвсэл (шарлалттай болон шарлалтгүй) илрэх бөгөөд Метформин Денк 1000 бэлдмэлийн эмчилгээг зогсооход арилна. Хүүхэд ба өсвөр үеийнхэнд илэрсэн гаж нөлөөний талаарх мэдээлэл орчин үед маш бага байдаг бөгөөд эдгээр нь давтамж, үндсэн шинж чанар, явц зэргээрээ насанд хүрэгсдэд илэрдэг гаж нөлөөтэй адил байдаг.

Элэг, бөөрний үйл ажиллагааны дутмагшил, сахарын метаболизмын өөрчлөлт, зүрх болон цусны эмгэг системийн хүнд эмгэг /эд эрхтний хүчилтөрөгчийн хангамжийн дутмагшил/, амьсгал дарангуйлагдсан уушгины өөрчлөлт, уураг багасах нөхцөлүүд тухайлбал хавдарууд, хүнд хэлбэрийн болон цочмог архаг халдварууд, архаг архичин, хөхүүл эхчүүд, метформин гидрохлоридод хэт мэдрэгшил илэрсэн үед тус тус хэрэглэхгүй