Дотор эрхтний гөлгөр булчингийн агчлын үеийн хөнгөн болон дунд зэргийн илрэл бүхий өвдөлтийн хам шинжийн шинж тэмдгийн эмчилгээ: · Бөөрний колик ба өвдөлт болон дизурийн хямрал бүхий шээс ялгаруулах замын үрэвсэлт өвчин · Ходоод ба гэдэсний агчил, элэгний колик, цөсний замын дискинез · Агчилт өвдөлт бүхий сарын тэмдгийн алдагдал

Реналганы шахмалыг хоолны дараа усаар даруулж ууж хэрэглэнэ. Зөвлөж буй хоногийн тун нь насанд хүрэгсэд ба 15-аас дээш насны хүүхдэд хоногт 1-2 шахмал байх ба хоногийн дээд тун нь 2 шахмал. Эмчилгээний үргэлжлэх хугацаа 3 өдрөөс хэтрэхгүй байна.

Дархлалын системийн зүгээс: харшлын урвал (хэт мэдрэгшлийн) чонон хөрвөс, арьсны тууралт, загатнаа, гуурсан хоолой агчих, нүдний салст бүрхүүлийн үрэвсэл, судас мэдрэлийн хаван, анафилаксын шок ба эпидермийн хордлогот үхжил, Стивенс-Джонсоны хам шинж. Хоол боловсруулах замын зүгээс: зовиур илрэх, ам хатах, өтгөн хатах, ходоодны үрэвсэл болон ходоод ба 12 хуруу гэдэсний шархлаа хурцдах Зүрх судасны системийн зүгээс: зүрх дэлсэх, артерийн даралт багасах, зүрхний цохилт олшрох, зүрхний хэмнэл алдагдах Цус төлжүүлэх системийн зүгээс: гранулоцитопени, цус багадалт, агранулоцитоз, тромбоцит ба лейкоцитын тоо цөөрөх. Шээс ялгаруулах системийн зүгээс: шээсний ялгаралт багасах, шээсний ялгаралт саатах, шээстэй уураг ялгарах, шээс улаан өнгөтэй болох, бөөрний цочмог дутагдал ба бөөрний завсрын эдийн үрэвсэл үүсэх. Бусад: Харааны өөрчлөлт, элэгний үрэвсэл, хөлс ялгаралт багасах, толгой эргэх.

Бэлдмэлийг жирэмсэн болон хөхүүл, 15-аас доош насны хүүхдэд үед хэрэглэхгүй. Мөн Метамизол, пиразолоны уламжлал, стероид бус үрэвслийн эсрэг бусад бэлдмэл, бэлдмэлийн найрлага дахь бусад бүрэлдэхүүн хэсгүүдэд хэт мэдрэг хүмүүс. Ходоод-гэдэсний түгжрэл ба мегаколон, цөсний хүүдийн ба давсагны атони, элэг ба бөөрний үйл ажиллагааны хүнд хэлбэрийн өөрчлөлт, захын цусны бүрэлдэхүүн өөрчлөгдөх (агранулоцитоз, лейкопени), цусны өвчин (янз бүрийн шалтгаантай цус багадалт, цитостатик эмийн болон халдварын шалтгаант нейтропени), глюкоз-6-фосфат дегидрогеназын дутагдал, элэгний порфири, хаалттай өнцөгт нүдний даралт ихсэх өвчин, мэс заслын цочмог явцтай өвчин гэж сэжиглэж буй үе, бронхын багтраа, коллапсын байдал, тахиаритми, шээс саатах хандлагатай түрүү булчирхайн томролтой хүнд хэрэглэхгүй