Уг бэлдмэлийг насанд хүрэгсэд ба хүүхдийн томуугийн халдварын эмчилгээ болон урьдчилан сэргийлэлтэнд хэрэглэнэ. Таньд томуугийн шинж тэмдэг илэрсэн үед болон таны эргэн тойронд вирус илэрсэн тохиолдолд эмчилгээний болон урьдчилан сэргийлэх зорилгоор эмчийн зааврын дагуу хэрэглэнэ. Мөн томуугийн вирусээр халдварлаж өвдсөн хүнтэй ойрын хавьталд орсон 1-ээс дээш насны хүүхэд болон насанд хүрэгчдэд томуугаас урьдчилан сэргийлэх зорилгоор зөвлөж болно. Онцгой нөхцөл байдлын үед буюу бүх нийтийг хамарсан томуугийн халдвар цар тахлын үед мөн улирлын томуугийн вакцин дархлаа бүрэн тогтоохгүй бол насанд хүрэгчид, хүүхэд, нярай (бүрэн тээгдэж төрсөн) -д урьдчилан сэргийлэх зорилгоор хэрэглэнэ.

Насанд хүрэгсдэд бэлдмэлийг хэрэглэх үед дотор муухайрах, бөөлжих, суулгах, бронхит, хэвлийн өвдөлт, толгой эргэх ба өвдөх, нойргүйдэл, ханиалгах, ядрамтгай болох зэрэг гаж нөлөө илэрнэ. Хүүхдэд хэрэглэх үед бөөлжих, суулгах, хэвлийгээр өвдөх, дотор муухайрах, хамраас цус гарах, уушгины үрэвсэл, чихний эмгэг, дайвар хөндийн үрэвсэл, коньюктивит, арьсны үрэвсэл, хэнгэргэн хальс үрэвсэх, бронхит, тунгалгийн булчирхайн эмгэг зэрэг гаж нөлөө ажиглагдана. Түүнчлэн ховор тохиолдолд хэт мэдрэгших урвал өрнүүлж арьсан дээр харшлын тууралтуудыг үүсгэдэг. Үүнд: харшлын гаралтай дерматит, тууралт, намарс зэрэг тууралтууд гарахаас гадна маш ховор тохиолдол олон хэлбэрт тууралт буюу Стивенс Джонсоны хам шинж илэрдэг.Түүнчлэн харшлын гаралтай анафилаксийн урвал, нүүр хөөж хавагнах шинжүүд ховор тохиолдолд ажиглагдана. Элэг ба цөсний замын эмгэг: маш ховор тохиолдолд элэгний үрэвсэл, элэгний фермент ихсэх зэрэг шинж илэрнэ.

элдмэлийг хэрэглэх тун, эмчилгээ үргэлжлэх хугацааг эмч тогтооно .

нэхүү эм нь томуугийн дархлаажуулалтыг орлох бодис биш юм. Уг эмийн хэрэглээ нь томуугийн жил бүрийн дархлаажуулалтын хувь хүний үнэлгээнд нөлөөлөхгүй байх ёстой. Томуугийн эсрэг хамгаалалт нь зөвхөн энэ эмийг хэрэглэх хугацаанд л үйлчилнэ. Уг эмийг зөвхөн тархвар зүйн үнэн бодит мэдээллээр томуугийн вирүс олон нийтийн дунд тархаж буй нь илэрсэн үед томуугийн эмчилгээ, урьдчилан сэргийлэлтэнд хэрэглэх ёстой.