Дотоод шүүрлийн эмгэгүүд: бөөрний дээд булчирхайн анхдагч болон хоёрдогч дутагдал, бөөрний дээд булчирхайн архаг гиперплази – Ревматойдны эмгэгүүд: ревматойд артрит, өсвөр насны хүүхдийн үений архаг үрэвсэл, анкилозот спондилит – Холбох эдийн эмгэгүүд/артерийн судасны үрэвсэл: системийн улаан чонон яр, системийн дерматомиозит (полимиозит), зүрхний хүнд хэлбэрийн үрэвсэл бүхий ревматойд халууралт, артерийн судасны аварга эст үрэвсэл / ревматойд полимиальгиа – Арьсны эмгэгүүд: пемфигус вулгарис, харшил: улирлын болон байнгын харшлын шалтгаант хамрын үрэвсэл, эмийн хэт мэдрэгшлийн урвал, ийлдсийн өвчин, арьсны харшил хавьтлын үрэвсэл, гуурсан хоолойн багтраа Нүдний эмгэгүүд: урд талын увейт (ирит, иридоциклит), арын увейт, нүдний мэдрэлийн үрэвсэл – Амьсгалын эмгэгүүд: уушгины саркойдоз, аминд аюултай буюу тархмал сүрьеэ (сүрьеэгийн эсрэг хими эмчилгээ тохиромжтой), ходоодны агууламжаар амьсгалын зам бөглөрөх – Цусны эмгэгүүд: шалтгаан тодорхойгүй тромбоцитын пурпур, цус задралын цус багадалт (аутоиммуны) – Хавдрын эмгэгүүд: лейкеми (цочмог ба лимфатик), хорт лимфома – Ходоод-гэдэсний эмгэгүүд: бүдүүн гэдэсний шархлаат үрэвсэл, кроны өвчин. – Бусад: сүрьеэгийн менингит (сүрьеэгийн эсрэг хими эмчилгээ тохиромжтой), эрхтэн шилжүүлэн суулгалт

Тунгийн зөвлөмж нь удирдамжинд заагдсан хоногийн эхний тунгаар эхлэхийг зөвлөнө. Хоногийн нийт дундаж тунг нэг удаа буюу тунг хувааж хэрэглэхийг зөвлөнө (өнжөөд уухдаа үр нөлөө өгөх хамгийн бага тунгаар тунг давхарлаж уух ба үүнээс бусад өдрүүдэд өглөөний 8.00 цагт ууна). Хамгийн богино хугацаагаар үр нөлөө өгөх хамгийн бага тунгаар хэрэглэвэл гаж нөлөө багасч болох юм.

Кушингийн хам шинж, нүүр арван тавны сар шиг болох, үсжих, арьс судалтах, бөөрний дээд булчирхайн харьцангуй дутагдал, ялангуяа стрессийн үед илэрч болзошгүй. Азотын сөрөг тэнцвэртэй уургийн задрал (булчин сульдах, хатингарших) ажиглагдана; электролитын тэнцвэр алдагдах, глюкозын метаболизмын алдагдал болон гипергликеми ба глюкозури бүхий чихрийн шижингийн хүндрэл, яс сийрэгжих, аяндаа үүсэх хугарал, маш ховор тохиолдох дунд чөмөг болон бугалганы толгойн асептик үхжил, ходоодны идэгдмэл шархлаа сэдрэх ба хүндрэх (цоорол болон цус алдалт хамаарна); цусны даралт ихсэх; таталт; петехи болон пурпур; сарын тэмдэг тогтворгүй болох буюу ирэхгүй байх зэрэг сарын тэмдгийн алдагдал; нойргүйдэх; сэтгэцийн өөрчлөлт; ялангуяа сэтгэл хөөрөх, невроз; арын субкапсуляр болорын цайлт; нүдний дотоод даралт ихсэх; гавлын дотоод даралт ихсэх; нойр булчирхайн үрэвсэл; үхжил үүсгэх; хүүхдийн өсөлт удааширах, нүүр улайх; арсьны харшлын урвал, улаан хоолойн шархлаат үрэвсэл, хөлрөх, булчин сулрах, толгой эргэх, толгой өвдөх, нүд бүлтийх зэрэг гаж нөлөө илэрч болзошгүй. Гаж нөлөө буюу хүсээгүй гаж урвал нь ихэвчлэн эргэх шинж чанартай ба эмчилгээг зогсоосноос хойш арилдаг.

Кортикостеройдууд нь цусны даралтыг, давс ба усны эргэн шимэгдэлт, калийг ихэсгэж мөн кальцийн ялгаралтыг ихэсгэж болзошгүй. Нийлэг глюкокортикойдууд нь минералокортикойдын идэвхээр сул, эмчилгээний үед хоол хүнсны давсны хэрэглээг бууруулж, кали ба кальцийн нэмэлт бэлдмэлийг хэрэглэх шаардлагатай. Кортикостеройдуудыг тархины хавангийн эмчилгээнд хэрэглэнэ, ходоод гэдэсний цус харвалт хавсрах аюултай байдаг тул өдөр бүр баасанд цус гарсан (мелена) эсэхийг шалгах хэрэгтэй. Кортикойд эмчилгээ нь тархины цус харвалтыг далдалж болзошгүй. Удаан хугацааны адренокортикал эмчилгээ нь ходоодны хүчлийг ихэсгэн, ходоодны идэгдмэл шархлааг гүнзгийрүүлнэ. Иймээс ходоодны шархлаанаас сэргийлэх хоол хүнс, эмчилгээ хэрэглэх шаардлагатай.