Бэлдмэлийг дараах эмгэгийн эмчилгээнд хэрэглэнэ.

Тиреотоксикоз
Тиреотоксикозын мэс заслын эмчилгээнд бэлтгэх
Тиреотоксикозын (ялангуяа хүнд хэлбэрийн тиреотоксикозтой өвчтөн) радио идэвхт йодын эмчилгээнд бэлтгэх
Радио идэвхт йодын эмчилгээний хооронд завсрын эмчилгээ
Бусад тохиолдолд - Радикал эмчилгээ хийх боломжгүй өвөрмөц шалтгаантай буюу өвчтөний ерөнхий биеийн байдалтай холбоотойгоор тиреотоксикозын удаан хугацааны барих эмчилгээ
Тиреотоксикозын өгүүлэмжтэй буюу автоном аденом, далд тиреотоксикозын үед йодын бэлдмэл (йод агуулсан рентген тодруулагч бодис хэрэглэж байгаа тохиолдол мөн хамаарагдана) хэрэглэж байгаа тохиолдолд тиреотоксикозоос сэргийлэх.

Шахмалыг хоолны дараа зажлалгүйгээр хангалттай хэмжээний шингэнээр даруулж ууна. Хоногийн тунг 1 удаа болон 2-3 хувааж хэрэглэж болно. Эмчилгээний эхэнд 1 удаагийн тунг өдрийн тодорхой цагт хэрэглэнэ. Барих тунг өглөөний цайны дараа 1 удаа хэрэглэнэ.

Тиреотоксикоз: Өвчний явцаас хамаарч эмчилгээний эхэнд хоногт 20-40мг-р 3-6 долоо хоног хэрэглэнэ. Бамбай булчирхайн үйл ажиллагаа хэвийн болсны дараа (3-8 долоо хоногийн дараа) барих тунгаар буюу хоногт 5-20мг тунгаар хэрэглэнэ. Тиреотоксикозын эмчилгээний үед эмчилгээ 6 сараас 2 жил (дунджаар 1 жил) хүртэл хугацаагаар хэрэглэнэ. Энэ үед зарим тохиолдолд левотироксиныг нэмж хэрэглэхийг зөвлөдөг.
Тиреотоксикозын мэс заслын эмчилгээнд бэлтгэх: Тирозолыг хоногт 20-40мг-р эутиреод байдалд хүртэл хэрэглэнэ. Энэ үед зарим тохиолдолд левотироксиныг нэмж хэрэглэхийг зөвлөдөг. Эмчилгээг мэс заслын өмнөх өдөр зогсоож болно.
Мэс засалд бэлтгэх хугацааг богиносгохын тулд йодын бэлдмэл нэмж хэрэглэж болно.
Тиреотоксикозтой өвчтөнг хагалгаанд бэлтгэх зорилгоор бэлдмэлийг төлөвлөгөөт хагалгаанаас өмнө 3-4 долоо хоногийн хугацаанд (зарим тохиолдолд илүү удаан хугацаагаар) эутиреод байдалд ортол хэрэглэх ба хагалгааны өмнө өдөр зогсооно.
Бүх тохиолдолд тирозолын эмчилгээний үргэлжлэх хугацааг цусан дахь ТТД ба бамбай булчирхайн дааврын хэмжээг хянаж хүн бүрд өвөрмөц тогтооно.
Радио идэвхт йодын эмчилгээнд бэлтгэх: Тирозолыг хоногт 20-40мг-р эутиреод байдалд ортол хэрэглэнэ.
Радио идэвхт йодын үйлчлэлийн далд үеийн эмчилгээ: Өвчний явцаас хамаарч хоногт 5-20мг тунгаар радио идэвхт йодын үйлдэл илэртэл хэрэглэнэ.
Радио идэвхт йодын эмчилгээний хооронд хэрэглэх тирозолын тун болон эмчилгээний үргэлжлэх хугацааг эмнэлзүйн явцаас хамаарч хүн бүрт өвөрмөц (4-6 сар) тогтооно.

Удаан хугацааны тиреостатик барих эмчилгээ:
а. Левотироксиныг бага тунгаар нэмж хэрэглэх шаардлагатай үед тирозолын өдөр бүр хэрэглэх барих тун 5-20мг байна.
б. Тирозолыг дангаар нь хоногт 2,5-10мг-р хэрэглэнэ.

Хүүхдийн тугналт:
Хүүхдэд эхлээд 0,5мг/кг тунгаар өдөр бүр хэрэглэнэ.
Бэлдмэлийн барих тун өвчтөний бодисын солилцооны байдлаас хамаарна. Шаардлагатай үед гипотиреозоос зайлсхийж левотироксин нэмж хэрэглэнэ.
Жирэмсэн үеийн тун:
Жирэмсэн үед бэлдмэлийг хамгийн бага тунгаар буюу нэг удаа 2,5мг-р, хоногт 10мг-р хэрэглэнэ.

Бэлдмэлийг хэрэглэх үед дараах гаж нөлөө илэрч болно.

Маш ховор:
Тромбоцитын тоо ба цусны дүрст элементүүдийн тоо цөөрөх.
Мэдрэлийн үрэвсэл, олон мэдрэлийн эмгэг
Дотоод шүүрлийн өөрчлөлт
Гипогликеми бүхий инсулины аутоиммуны хам шинж
Холбогч эдийн эмгэг
Тунгалгийн булчирхайн тархмал эмгэг, шүлсний булчирхайн цочмог томрол,хоол боловсруулах замын хямрал, амтлах мэдрэхүйн өөрчлөлт ховор тохиолдох ба эргэж хэвийн болно.
Цөс зогсонгишлын шарлалт, хорт явцтай элэгний үрэвсэл.
Бэлдмэлийг хэрэглэх үед эмнэлзүйн өмнөх болон эмнэлзүйн гипотиреоз үүсэж болно. Түүнчлэн цусан дахь ТТД ихэссэнтэй холбоотойгоор бамбай булчирхай томрол эхэлж болзошгүй.
Арьсны тархмал үрэвсэл
Үс унах
Чонон төст урвал
Ховор:
Биеийн хэм ихсэх
Амтлах мэдрэхүйн өөрчлөлт ховор илрэх ба эргэж хэвийн болно.
Агранулоцитоз 0,3-0,6% тохиолдоно.
Арьсны харшлын урвал (загатнаа, улайх, тууралт, чонон хөрвөс)
Үений өвдөлт

Бамбай булчирхайн хэмжээ илэрхий томорч цагаан мөгөөрсөн хоолойн хөндийг нарийсгасан өвчтөнд тирозолыг левотироксинтой богино хугацаагаар хэрэглэнэ. Учир нь удаан хугацаагаар хэрэглэвэл бамбай булчирхай томорч цагаан мөгөөрсийг хүчтэй дарж болно. Иймээс өвчтөнийг анхааралтай (ТТД-ын хэмжээ, цагаан мөгөөрсөн хоолойн хөндийг хянана) ажиглах шаардлагатай.

Хэрэв эмчилгээний үед гэнэт хоолой өвдөх, залгих хүндрэлтэй болох, биеийн хэм ихсэх, амны хөндийн үрэвсэл, фурункулез (агранулоцитозын үед илэрч болох шинж) илэрвэл эмчилгээг даруй зогсоож эмчид хандах талаар өвчтөнд өмнө нь зайлшгүй мэдэгдэнэ.

Эмчилгээний үед шалтгаан тодорхойгүй арьсан доорх цус харвалт, цус алдалт, арьсны тархмал тууралт, загатнаа, дотор муухайралт, бөөлжилт, шарлалт, аюулхай орчмоор хүчтэй өвдөх, илэрхий сульдал илэрвэл эмчилгээг зогсооно.
Эмчилгээг эрт зогсоосон тохиолдолд өвчин дахиж болзошгүй.
Дотоод шүүрлийн шалтгаанд нүдний эмгэгийн шинж илрэх буюу уг эмгэгийн явц дордох нь тирозолын эмчилгээний гаж нөлөө биш.
Эмчилгээг зогсоосны дараа ховор тохиолдолд хожуу гипотиреоз илэрч болох бөгөөд энэ нь бэлдмэлийн гаж нөлөө бус, харин үндсэн өвчний улмаас бамбай булчирхайн эдийн үрэвсэлт сөнөрөлт процесстой холбоотой.
Ховор тохиолдолд эмчилгээг зогсоосны дараа хожуу гипотиреоз ажиглагдаж болно.