Төрөл бүрийн шалтгаант бамбай булчирхайн үйл ажиллагааны багасалтаас (гипотериоз) үүдсэн бамбайн дааврын дутагдал
- Бамбай булчирхайн хоргүй явцтай, эутиреоид томролт (гипертрофи буюу бахлуур)
- Эутиреоид бахлуурыг тайрч багасгасны дараа дахин томрохоос сэргийлэх зорилгоор
- Бамбай булчирхайн үйл ажиллагааны хэт идэвхижил (гипертериоз)-г бууруулах (тиреостатик)эмчилгээ хийгээд дааврын түвшинг хэвийн (эутиреоз) хэмжээнд оруулсны дараа туслах эмчилгээ байдлаар
- Бамбай булчирхайн хорт хавдрын үед хийгдсэн тайрах мэс заслын дараа даавар нөхөх ба дэмжих эмчилгээний зорилгоор
- Бамбай булчирхайн дааврын сорил тавих зорилгоор тус тус хэрэглэнэ.

Эмийн тунг тохируулах талаар бичсэн энэхүү зааврыг гарын авлага болгон ашиглах боловч тухайн хүний лабораторын үзүүлэлт болон эмнэлзүйн шинж байдлаас хамааран тунг ялгавартай тогтоох хэрэгтэй.
Бамбай булчирхайн үйл ажиллагааны алдагдлын зэргээс хамааран тунг тохируулах, үйл ажиллагааны алдагдал бага байгаа бол дааврын нөхөн орлуулах эмчилгээг бага тунгаар хийх хэрэгтэй. Ахимаг настай хүмүүст, зүрхний бах өвчтэй болон бамбай булчирхайн үйл ажиллагааныархагшсан, хүнд хэлбэрийн алдагдалтай өвчтөнд нөхөн орлуулах эмчилгээг маш хянамгай хийх шаардлагатай. Тухайлбал эмийг аль болох бага тунгаар өгч эхлээд, эмчлүүлэгчийн бамбайн дааврын хэмжээнээс хамааран тунг бага багаар маш аажмаар нэмэгдүүлнэ.
Туршлагаас үзэхэд хэт бага жинтэй хүмүүс болон том хэмжээний зангилаат бахлууртай хүмүүст харьцангуй бага тунгаар хэрэглэх нь зүйтэй.
Зарим өвчтөнд T4 эсвэл fT4 –ийн хэмжээ ихэссэн байлаа ч эмчилгээний тунг тохируулахад сийвэн дэх ТТГ(тиреотроп дааврын) хэмжээг харгалзан үзэх нь илүү тохиромжтой.

Эмийг лабораторийн ба эмнэлзүйн үзүүлэлтэд тулгуурлан зөв тохируулж хэрэглэвэл гаж нөлөө бараг гарахгүй. Ганц нэг тохиолдолд тодорхой нэг тунд эмийн зохимж муу байх нь ажиглагддаг. Тухайлбал тунг хэтрүүлэх, тунг эмчилгээний эхэн үед огцом нэмэгдүүлэх зэрэгт дараахгипертиреозын шинж тэмдгүүд ажиглагдаж болно. Үүнд:

- зүрх дэлсэх, зүрхний хэм алдагдах, хэм хэт түргэсэх

- зүрхний бахын өвдөлт

- булчингийн сулрал ба булчин татганах

- бие халуу оргих, хөлрөх, салгалах

- тайван бус байдал

- жин буурах, цачга алдах

- толгой өвдөх, нойргүйдэх

- сарын тэмдгийн мөчлөг алдагдах

- үүнээс гадна - халуурах, бөөлжих, гавал тархины даралт ихсэх (ялангуяа хүүхдэд) гэх мэт өвөрмөц шинжүүд илэрч болно.

Дээрх гаж нөлөөнүүд илэрсэн тохиолдолд хоногийн тунг багасгах эсвэл хэд хоногийн турш эмийн хэрэглээг зогсоох хэрэгтэй бөгөөд гаж нөлөөний илрэл арилангуут эмийг дахин маш болгоомжтойгоор нэмж, тунг тохируулан хэрэглэх шаардлагатай.

-Левотироксинд эсвэл түүний найрлагад орсон аль нэг бодист хэт мэдрэг хүмүүст арьс ба амьсгалын эрхтний талаас харшлын урвал илэрч болзошгүй. Мөн анафилаксийн урвал илэрч байсан тухай мэдээлэгдсэн. Ийм тохиолдолд эмийн хэрэглээг зогсооно.

Левотироксинд эсвэл түүний найрлагад орсон аль нэг бодист хэт мэдрэг хүмүүст,

- эмчилгээ хийгдээгүй байгаа бамбай булчирхайн үйл ажиллагааны хэт идэвхжил

- эмчилгээ хийгдээгүй байгаа бөөрний дээд булчирхайн үйл ажиллагааны дутмагшил

- эмчилгээ хийгдээгүй байгаа гипофиз булчирхайн үйл ажиллагааны дутмагшил (энэ нь бөөрний дээд булчирхайн үйл ажиллагааны дутагдалд хүргэдэг учир тохирсон эмчилгээ хийх зайлшгүй шаардлагатай байдаг)

- зүрхний цочмог шигдээс

- зүрхний булчингийн цочмог үрэвсэл

- зүрхний булчин ба гялтан хальсыг хамарсан түгээмэл цочмог үрэвсэл

Жирэмсэн эхэд левотироксиныг бамбайн үйл ажиллагааг дарангуйлах (тиреостатик) үйлдэлтэй эмүүдтэй хавсран хэрэглэхийг хориглоно.