Хиконцил нь гармм-эерэг болон грамм-сөрөг бичилбиетэнд идэвхтэй нөлөөлнө. Хиконцил бэлдмэлийг дунд чих, хамар, хоолой, амьсгалын доод замын үрэвсэл, шээс ялгаруулах замын, бэлгийн замын, ходоод гэдэсний замын, арьс болон зөөлөн эд, заг хүйтэн, Лаймын бореллиоз өвчний үед хэрэглэнэ. ходоодны шархлаа болон дээд гэдэсний шархлаа өвчний үед хеликобактерийг устгах зорилгоор (ямагт бусад бэлдмэлтэй хослуулж) хэрэглэнэ.

Бэлдмэлийн тунг ямагт эмч тогтоох ёстой. Бэлдмэлийн өлөн болон хоол идэсний дараагаар бага зэрэг шингэнээр даруулж ууна.

Хиконцил эмчилгээний үед дараах гаж нөлөө илэрч болзошгүй. Үүнд: - Ходоод гэдэсний талаас (дотор муухайрах, бөөлжих, суулгах) болон харшилын урвал (улайлтат гүвдрүүт тууралт, чонон хөрвөс). Хэрэв харшлын урвал илэрвэл эмчилгээг яаралтай зогсоох хэрэгтэй. Харшилын хэлбэр (чонон хөрвөс) бүдэг байвал ерөнхийдөө гистаминий эсрэг бэлдмэл хэрэглэхэд л хангалттай байдаг. Анафилактичиский урвал илэрвэл яаралтай адреналин хэрэглэх бөгөөд шаардлагатай бол хүчилтөрөч ба кортикостероид (судсаар) хэрэглэнэ. Амьсгалын замын агаар чөлөөтэй дамжуулалтыг хангах хэрэгтэй. - Хүнд хэлбэрийн суулгалт үүсвэл сайтар хянаж байх шаардлагатай, учир нь бусад бүх антибиотикийн нэгэн адилаар бүдүүн гэдэсний хуурамч бүрхүүлт үрэвсэл үүсгэж болох юм. - Эмчилгээний үед зарим тхоиолдолд стоматит, эзофагит, бөөрний завсрын эдийн үрэвсэл, түр зуурын анеми, тромбоцитопени, эозинофили, лейкопени илэрч болзошгүй. - Хэрэв гаж нөлөө илрэх буюу таамаглагдвал эмчдээ мэдэгдэх хэрэгтэй.

Бэлдмэлийг амоксициллинд, пенициллиний бүлгийн бусад антибиотикт болон бэлдмэлийн найрлагад буй аль нэгэн туслах бодист хэт мэдрэгшсэн, мөн түүнчлэн халдварын гаралтай мононуклеоз буюу тунгалагийн булчирхайн хорт эмгэгтэй өвчтөнд тус тус хэрэглэхгүй. Жирэмсэн ба хөхүүл эхчүүдэд хиконцилыг зөвхөн зайлшгүй хэрэглэх заалттай үед эмчийн хяналтын дор л хэрэглэж болно.