Атеротромбозын хүндрэлийн хоёрдагч урьдчилан сэргийлэлт
Зүрхний булчингийн шигдээс (хэдэн өдрөөс 35 өдөр хүртэл), цус хомсролын цус харвалт (7 өдрөөс 6 сар хүртэл) эсвэл оношлогдсон захын артерийн судасны бөглөрөлт өвчтэй насанд хүрсэн хүмүүс
Титэм судасны цочмог хам шинж бүхий насанд хүрэгсэд:
ST сегмент нь өргөгдөөгүй өвчтөн (тогтворгүй зүрхний бах эсвэл Q шүдгүй зүрхний булчингийн шигдээс), үүнд арьсаар нь дамжуулан титэм судсанд хийх ажилбараар стент тавиулсан өвчтөнг оруулаад, ацетилсалицилын хүчилтэй хавсарч хэрэглэнэ.
Бүлэн хайлуулах эмийн эмчилгээ явуулах боломжтой болон эмийн эмчилгээний үеийн ST сегмент нь өргөгдсөн (зүрхний булчингийн цочмог шигдээс) өвчтөн (ацетилсалицилын хүчилтэй хамт хэрэглэнэ.):
Атеротромбозын болон тромбэмболийн хүндрэлээс (цус харвалт, тосгуурын фибриляцийн үеийг оруулаад (мерцательный аритми)) сэргийлэх
Тосгуурын фибриляцитай (мерцательный аритми) насанд хүрсэн өвчтөн: цус алдалт үүсэх эрсдэл багатай болон шууд бус үйлдэлтэй цусны бүлэгнэлтийг саатуулах эм хэрэглэх боломжгүй, судасны хүндрэл үүсгэх дор хаяж 1 эрсдэлт хүчин зүйлтэй өвчтөн (ацетилсалицилын хүчилтэй хамт).

Клопидогрелыг хоолноос хамааралгүйгээр хоногт 1 удаа ууж хэрэглэнэ.

Клопидогрелын аюулгүй байдлын эмнэл зүйн судалгааг 44000-с олон өвчтөнд явуулсан бөгөөд ялангуяа 12000-с олон өвчтөн нь жил болон жилээс удаан хугацаагаар эмчилгээ хийлгэсэн өвчтөн байсан.
Клопидогрелыг хоногт 75мг тунгаар хэрэглэх үеийн аюулгүй байдал нь ерөнхийдөө ацетилсалицилын хүчлийг хоногт 325мг тунгаар хэрэглэх үеийнхтэй адил байсан ба өвчтөний нас, хүйс, арьс өнгөөс хамаарахгүй байжээ.
Эмнэл зүйн судалгаа болон худалдаанд гарсны дараах ажиглалтаар клопидогрелыг хэрэглэх үед цус алдалт илэрсэн (гол нь эмчилгээний эхний сард) талаар хамгийн олонтаа мэдээлэгдсэн байна.

Цээрлэлт:
Клопидогрел болон бэлдмэлийн найрлага дахь ямар нэгэн туслах бодист хэт мэдрэг өвчтөн
Элэгний үйл ажиллагааны хүнд явцтай өөрчлөлт
Цочмог цус алдалт, жишээ нь идэгдмэл шархлаанаас цус алдах, гавлын доторх цус харвалт
Лактазын дутагдал, лактозын үл зохицол, глюкоз-галактозын шингээлтийн алдагдлын хам шинж
Жирэмсэн ба хөхүүл үе (“жирэмсэн ба хөхүүл үеийн хэрэглээ” гэсэн хэсгийг үз)
18 хүртэл насны хүүхэд (эмчилгээний үр нөлөө болон аюулгүй эсэх нь тогтоогдоогүй)
Болгоомжлол!
Цус алдах эрсдэл бүхий элэгний үйл ажиллагааны дунд зэргийн явцтай өөрчлөлт (хэрэглэсэн туршлага бага)
Бөөрний үйл ажиллагааны өөрчлөлт (хэрэглэсэн туршлага бага)
Цус алдах эрсдлийг ихэсгэх эмгэг байдал (ялангуяа гэмтэл, мэс ажилбар (“онцгой анхааруулга” гэсэн хэсгийг үз))
Цус алдах (ялангуяа хоол боловсруулах замын, нүдний доторх) эрсдэл бүхий өвчин
Стероид бус үрэвслийн эсрэг эмтэй хамт хэрэглэх (циклооксигеназа-2 (ЦОГ-2) ферментийг хориглогчийг оруулаад)
Гепарин, варфарин, гликопротеин IIb/IIIа–г саатуулагч бэлдмэлтэй хамт хэрэглэх
CYP2C19 изоферментийн идэвх бага өвчтөн (клопидогрелыг зөвлөсөн тунгаар хэрэглэх үед түүний идэвхтэй метаболит бага хэмжээгээр үүсэж тромбоцитын бөөгнөрөмтгий чанарыг саатуулах үйлдэл сул илэрдэг, иймээс титэм судасны цочмог хам шинж эсвэл арьсаар дамжуулан хийх титэм судасны ажилбарын үед клопидогрелыг зөвлөсөн тунгаар хэрэглэх үед зүрх судасны системийн зүгээс илрэх хүндрэлийн давтамж CYP2C19 изоферментийн идэвх хэвийн өвчтөнтэй харьцуулахад их байж болно.) Клопидогрелыг жирэмсэн үед хэрэглэсэн эмнэл зүйн судалгаа байдаггүй учир бэлдмэлийг жирэмсэн үед хэрэглэхгүй.
Амьтанд хийсэн судалгаагаар клопидогрел нь жирэмсэн үе, ураг ба үр хөврөлийн хөгжил, төрөлтийн явц, төрсний дараах хөгжилд шууд болон шууд бус сөрөг нөлөө үзүүлээгүй байна.
Амьтанд хийсэн судалгаагаар клопидогрел болон түүний метаболит нь хөхний сүүтэй ялгардаг болох нь тогтоогдсон. Иймээс клопидогрелын эмчилгээ шаардлагатай үед хөхөөр хоололтыг зогсоохыг зөвлөнө.