Этамзилат нь гемостазын эхний үед (эндотель ба тромбоцитын харилцан үйлчлэлийн үе)үйлчлэх цус тогтоох ба судас хамгаалах нийлэг бэлдмэл. Тромбоцитын наалдамхай чанарыг сайжруулж мөн бичил судасны эсэргүүцэлийг сэргээснээр цус алдах хугацаа, алдах цусны хэмжээг багасгана Судасжилт ихтэй эрхтэн хийх мэс засал эсвэл бүх төрлийн мэс заслын өмнө болон дараа урьдчилан сэргийлэх ба эмчилгээний зорилгоор хэрэглэнэ. Жишээ нь: чих хамар хоолой, эх барих эмэгтэйчүүд, бөөр шээсний зам, шүд, эрүү нүүр, нүд, гоо сайхны болон нөхөн сэргээх зэрэг мэс засал.
- Янз бүрийн шалтгаан, байрлал бүхий капилярын цус алдалтын урьдчилан сэргийлэлт, эмчилгээнд хэрэглэнэ. Жишээ нь: гематури, цустай бөөлжих, өтгөн цустай гарах, хамраас цус гарах, буйлнаас цус гарах.
- Дутуу төрсөн нярайн перивентрикуляр цус харвалтаас урьдчилан сэргийлэх

Насанд хүрэгсэд ба өсвөр насныхан
Мэс заслын өмнө: 1-2 туншилыг булчинд эсвэл судсанд мэс ажилбараас 1 цагийн өмнө тарьна.
Мэс заслын үед: 1-2 туншилыг судсанд тарьна. Шаардлагатай бол давтан хийж болно.
Мэс заслын дараа: 1-2 туншилыг4-6 цаг тутамд цус алдах эрсдэл арилах хүртэл тарьна.
Яаралтай тохиолдолд хүндрэлийн зэргээс хамаарч: 1-2 туншилыг булчин болон судсанд 4-6 цаг тутамд тарих ба цус алдах эрсдэл арилтал хийнэ.
Хэсэг газрын эмчилгээнд: 1 туншилыг самбайд шингээж цус гарч буй хэсэгт тавих, шүд авхуулсан бол тухайн хэсэгт тавьна. Шаардлагатай бол давтан хийж болно. Мөн бэлдмэлийг уух болон тарих аргаар хамт хэрэглэж болно.

MedDRA конвенцийн дагуу эрхтэн системын талаас илрэх гаж нөлөө, давтамжийг ангилав.
Маш олон(≥1/10), олон (≥1/100, <1/10), олон биш (≥1/1000, <1/100), цөөн (≥1/1000, <1/1000), маш цөөн ( <1/10000), тодорхойгүй (тохиолдолыг тодорхойлох боломжгүй).
Ходоод гэдэсний талаас илрэх өөрчлөлт:
Олон: дотор муухайрах, гүйлгэх, хэвлийгээр эвгүй оргих
Арьс, арьсан дорх эдийн талаас илрэх өөрчлөлт:
Олон: тууралт
Ерөнхий хямрал, хэсэг газар:
Олон: ядрах
Маш цөөн: халууралт
Мэдрэлийн системийн талаас илрэх өөрчлөлт:
Олон: толгой өвдөх
Судасны талаас илрэх өөрчлөлт:
Маш цөөн: тромбэмболи, артерийн даралт буурах
Цус, тунгалагийн системийн талаас илрэх өөрчлөлт:
Маш цөөн: агранулоцитоз, нейтропени, тромбоцитопени
Яс булчин, холбогч эдийн талаас илрэх өөрчлөлт
Цөөн: үеэр өвдөх
Дархлааны системийн талаас илрэх өөрчлөлт:
Маш цөөн: хэт мэдрэгших
Эдгээр шинж эмчилгээний дараа арилна.
Арьсны талаас урвал илрэх, халуурах зэрэг хэт мэдрэгших урвалын шинж илэрвэл эмчид мэдэгдэж эмчилгээг зогсооно.

Артерийн даралт багатай, тогтворгүй байдаг хүмүүст судсаар тарих үед артерийн даралт буурах эрсдэлтэй тул болгоомжтой хэрэглэнэ(гаж нөлөө хэсгээс үзнэ үү). Бэлдмэл нь натрийн метабисульфит агуулдаг тул харшлын урвал, дотор муухайрах, гүйлгэх зэрэг шинж илэрч болзошгүй.
Харшлын урвал нь анафилаксийн шок, багтрааны сэдрэл зэрэг аюултай шинжээр илэрч болзошгүй. Эдгээр харшлын урвал илэрсэн тохиолдол үгүй ч магадлалтай. Сульфитад хэт мэдрэг хүмүүст гуурсан хоолойн багтрааны шинж ажиглагдана (хориглох заалт хэсгээс үзнэ үү). Хэт мэдрэгших урвал илэрсэн тохиолдолд эмчилгээг даруй зогсооно. Арьсны талаас урвал илрэх, халуурах зэрэг хэт мэдрэгших урвалын шинж илэрвэл эмчид мэдэгдэж эмчилгээг зогсооно. Сарын тэмдэг их хэмжээгээр ирж байгааг багасгах, хугацааг богиносгох зорилгоор хэрэглэхэд үр дүнгүй.
Хүүхэд
Бэлдмэлийг дутуу төрсөн нярайн перивентрикуляр цус харвалтаас урьдчилан сэргийлэх зорилгоор хэрэглэж болно. Тунг “эм хэрэглэх арга, тун” хэсгээс үзнэ үү.
Бөөрний үйл ажиллагааны дутагдалтай өвчтөн
Бөөрний үйл ажиллагааны дутагдалтай өвчтөнд этамзилат нь аюулгүй, үр дүнтэй байх талаар судлагдаагүй ч этамзилат бөөрөөр ихэнх хэсэг нь ялгардаг тул тунг багасгах шаардлагатай.
Лабораторийн шинжилгээний үр дүнд нөлөөлөх
Этамзилатийг эмчилгээний тунгаар хэрэглэхэд ферментийн үзүүлэлтэнд нөлөөлж креатинины хэмжээг багасгадаг. Жирэмсэн эмэгтэйчүүдэд хэрэглэсэн тухай эмнэл зүйн баримт байхгүй. Амьтан дээр хийсэн туршилтаар урагт хортой нөлөө, ургийн хөгжил, явцад шууд ба шууд бус сөрөг нөлөө тодорхойлогдоогүй. Жирэмсэн үед болгоомжтой хэрэглэнэ.
Хөхний сүүгээр ялгарах талаар мэдээлэл байхгүйтэй холбоотой эмчилгээ хийлгэж байх үед хүүхдээ хөхөөр хооллохгүй. Хэрэв хөхөөр хооллох шаардлагатай бол эмчилгээг зогсооно.