0,05% ксилометазолин агуулсан отилин бэлдмэлийг дараах тохиолдолд хамар битүүрэх буюу судас өргөсөж улайх (гипереми) шинж тэмдгийг багасгах зорилгоор хэрэглэнэ. Үүнд: хамрын салст бүрхүүлийн цочмог ба архаг явцтай үрэвсэл, дайвар хөндийн үрэвсэл, ханиад шуухинаа, амьсгалын дээд замын харшил, хамрын салст бүрхүүлийн гиперемитэй холбоотой толгой өвдөх болон дунд чихний үрэвсэл.

2-12 насны хүүхэд: Хамрын нүх тус бүрд 1 удаа шүрших ба хоногт 2 удаа шүршинэ. Хоногт 2-с олон удаа хэрэглэхгүй.
12-с дээш насны хүүхэд: Хамрын нүх тус бүрд 1-2 удаа шүрших ба хоногт 4-6 удаа шүршинэ. Хоногт 6-с олон удаа хэрэглэхгүй.
Бэлдмэлийг 3 өдрөөс удаан хугацаагаар хэрэглэхгүй ба 5 өдрөөс олон өдөр дараалан хэрэглэхгүй.

Бэлдмэлийг хэсэг газар эмчилгээний тунгаар хэрэглэж байгаа тохиолдолд хүнд явцтай гаж нөлөө ховор тохиолдоно.
Салст бүрхүүлийн хэсэг газрын цочрол, хамрын салст бүрхүүл хуурайших зэрэг зарим нийтлэг түр зуурын шинжтэй гаж нөлөө илрэх ба удаан хугацаагаар хэрэглэсний дараа дахилтат улайлтат (гиперемийн) урвал ажиглагдаж болно. Бэлдмэл доошоо хоолой уруу урсаж цусны даралт ихсэх, зүрхний хэмнэл алдагдах, зүрх дэлсэх зэрэг зарим системийн урвал илрэхэд хүргэж болно.
Олонтаа илрэх: (>1/100): хэсэг газрын цочрол
Ховор илрэх: (1/1000< буюу <1/100): хорсох, цочрох, хуурайших буюу хамрын салст бүрхүүл шархлах, найтайлгах; удаан хугацаагаар тогтмол хэрэглэсний дараа хамрын салст бүрхүүл үрэвсэх, улайх, хавагнах шинж бүхий дахилтат гипереми илрэх.
Маш ховор илрэх: (1/1000>): толгой өвдөх, толгой эргэх, түгшүүрлэх, зүрх дэлсэх, зүрхний цохилт цөөрөх, зүрхний хэмнэл алдагдах.

Артерийн гипертензи, чихрийн шижин, титэм судасны нарийсал, гипертиреоидизм, түрүү булчирхайн томрол, МАО ферментийг саатуулагч хэрэглэж байгаа өвчтөн зэрэгт тус тус болгоомжтой хэрэглэнэ.
Хамар дахин битүүрэхээс зайлсхийх зорилгоор давтан болон удаан хугацаагаар хэрэглэхгүй. Эмч зөвлөөгүй бол бэлдмэлийг 3 өдрөөс удаан хугацаагаар хэрэглэхгүй. 3 өдрийн дараа өвчний шинж сайжрахгүй байвал эмчид хандана.
Бэлдмэлийг ууж хэрэглэж болохгүй.