Цитофлавинийг насанд хүрэгсдэд дараах эмгэгийн үед хавсарсан эмчилгээнд хэрэглэнэ: - Тархины цочмог цус хомсрох харвалт, - Тархины цусан хангамжийн хурц хямралын үлдэц (тархины цочмог цус хомсрох харвалт, тархины судасны хатуурал) - Цочмог ба архаг хордлогын үеийн хордолдот болон хүчилтөрөгчийн дутмагшлын шалтгаант энцефалопати, эндотоксинеми, ерөнхий унтуулгын дараах ухаан санаа будангуйралт мөн түүнчлэн өндөр настай, томоохон хэмжээний мэс ажилбарын дараах танин мэдэхүйн алдагдал үүсэхээс урьдчилан сэргийлэх зорилгоор, зүрх-уушигны судас холбох зохиомол цусны эргэлтийн үеийн хагалгааны дараах танин мэдэхүйн алдагдлаас сэргийлэх зорилгоор тус тус хэрэглэнэ. Нярайн үеийн хавсарсан эмчилгээнд хүүхдүүдэд (28-36 долоо хоногтой, дутуу төрсөн нярайд): - Тархины цус хомсролын үед хэрэглэнэ.

Насанд хүрэгсдэд: Цитофлавин (CYTOFLAVIN®) 10 мл бэлдмэлийг 5% глюкоз эсвэл 0,9% натри хлоридын 200 мл уусмалаар шингэрүүлж минутанд 60-80 (3-4мл/мин) дусал орох хурдтайгаар зөвхөн венийн судсанд тарьж хэрэглэнэ. 1. Тархины цочмог цус хомсрох харвалтын үед Цитофлавиныг өвчний аль болох эрт хугацаанд 10 мл бэлдмэлийг 8-12 цагийн зайтай, 10 хоногийн турш хэрэглэнэ. Хүнд хэлбэрийн харвалтын үед нэг удаагийн тунг 20 мл хүргэж 200 мл уусмалд шингэлэн, хоногт 2 удаа тарина. 2. Тархины цусан хангамжийн хурц хямралын үлдэцийн үед (цочмог ишемийн цус харвалт, тархины судасны хатуурал) 10 мл-ийг хоногт нэг удаа, 10 хоногийн турш хэрэглэнэ. 3. Хордлогын болон хүчилтөрөгчийн дутмагшлын шалтгаант энцефалопатийн үед 10мл-ээр өдөрт 2 удаа, 2-18 цагийн зайтай 5 хоногийн турш хэрэглэнэ. Комын байдалтай үед 20мл-ийг дектрозын 200 мл уусмалд найруулан судсаар хэрэглэнэ.Ерөнхий унтуулгын дараах ухаан санаа будангуйралтын үед тунгаар 1 удаа хэрэглэнэ. Зүрх-уушигны судас холбох мэс ажилбарын үед мэс ажилбарын өмнөх 3 хоног, мэс ажилбарын үед болон мэс ажилбарын дараах 3 хоногт тус бүр 20мл-ыг 5%-ийн 200мл декстрозоор шингэлэн венийн судсанд дуслаар тарьж хэрэглэнэ. 4. Өндөр настай, томоохон хэмжээний мэс ажилбарын дараах танин мэдэхүйн алдагдал үүсэхээс урьдчилан сэргийлэх зорилгоор 20мл бэлдмэлийг 200мл натрийн хлоридын уусмалаар шингэлж венийн судсанд тарьж хэрэглэнэ.

Дараах гаж нөлөө маш ховор тохиолдоно. Дархлаа, мэдрэл, зүрх судас, амьсгал, ходоод гэдэс, бодисын солилцооны талаас илрэх эмгэгшилүүд илэрч болно.

Цитофлавинийг жирэмсэн болон хөхүүл эхчүүдэд хэрэглэхгүй. Нярайд (дутуу нярайд) цитофлавин бэлдмэлийг хялгасан судсан дахь хүчил-шүлтийн тэнцвэржилтийн үзүүлэлтүүдийг сайтар хянасан нөхцөлд өдөрт 2-оос цөөнгүй удаа хэрэглэх хэрэгтэй. Шаардлагтай тохиолдолд сийвэн дэх лактат болон глюкозын түвшинг хянах хэрэгтэй. Цитофлавин эмийг амь тэнссэн үеийн хүнд өвчтөнд төвийн цусны эргэлт тогтворжсоны дараагаар хэрэглэнэ. o Чихрийн шижин өвчтэй хүмүүст цусан дахь глюкозын хэмжээг хянах хэрэгтэй. o Бөөр чулуужих, тулай, гиперурикемитай өвчтөн болгоомжтой хэрэглэнэ. o Эмчилгээний явцад шээс шар өнгөтэй болж болно.