Ноофен нь айдас, түгшүүр болон тавгүйтлийг бууруулдаг, нойрсолтыг сайжруулж, нистагмын (нүдний алимны хэмнэлтэй, хурдаг хөдөлгөөн) нууц хугацааг уртасгах болон үргэлжлэх хугацаа, эрчимийг бууруулдаг эмийн бэлдмэл юм. Түүнээс гадна ноофен бэлдмэл нь толгой өвдөх, толгой хүнд оргих, нойр тавгүйтэх, цочромхой болох, сэтгэл зүй тогтворгүй болох зэрэг астенийн шинж тэмдгийг (биеийн болон мэдрэлийн ядаргаа, биеийн ерөнхий ядаргаа) багасгана. Ноофен нь оюуны үйлийн чадавхийг нэмэгдүүлнэ. Энэхүү эмийн бэлдмэл нь анхаарал, ой тогтоолт, урвалд хариу өгөх хурд болон нягт нямбай байдлыг сайжруулдаг. Сэтгэл санаа тогтворгүй болон ядаргаа, астенитай өвчтөнд Ноофен бэлдмэл нь хэт тайвшруулах таагүй нөлөө үзүүлэлгүйгээр биеийн ерөнхий байдлыг сайжруулах, дур сонирхол, санаачлага, идэвхийг нэмэгдүүлэх үйлдэл үзүүлдэг.
Ноофеныг дараах заалтаар хэрэглэнэ:
Мэдрэл сульдал, түгшүүрийн байдлын үед (айдас, түгшүүр, тавгүйтэл), ахмад настай эмчлүүлэгчдэд – шөнө нойргүйдэх, шөнийн айдас, түгшүүрийн үед, мэс заслын өмнөх стрессийг бууруулах, түүнээс урьдчилан сэргийлэх зорилгоор хэрэглэнэ,
Хүүхдэд – ээрэх, тик таталтын эмчилгээнд хэрэглэнэ,
Меньерын өвчний үед (дотор чихний өвчин), төрөл бүрийн гаралтай, тэнцвэрийн эрхтний үйл ажиллагааны алдагдалтай холбоотой толгой эргэлт,
Кинетозоос (усан онгоц, нисэх онгоц зэрэг хөдөлгөөнт төхөөрөмжийн улмаас үүссэн дотор муухайралт, бөөлжилт, сульдах, тэнцвэрийн эрхтний үйл ажиллагааны алдагдал зэргээр илэрдэг эмгэг байдал),
Архи хэтрүүлэн уух хам шинжийг (архинаас хамааралтай) бууруулах үед нэмэлтээр хэрэглэнэ.

Мэдрэл сульдал болон айдас түгшүүрийн байдал
500мг тунгаар өдөрт 1-3 удаа. Шаардлагатай бол хоногийн тунг 2,5г хүртэл ихэсгэж болно. Эмчилгээний ээлж хугацаа 2-3 долоо хоног байдаг. Шаардлагатай бол эмчилгээний ээлж хугацааг 4-6 долоо хоног болгон уртасгаж болно.
Меньерын өвчний үед (дотор чихний өвчин), төрөл бүрийн гаралтай, тэнцвэрийн эрхтний үйл ажиллагааны алдагдалтай холбоотой толгой эргэлт
Халдварын гаралтай тэнцвэрийн эрхтний үйл ажиллагааны алдагдал болон Меньерын өвчний сэдрэлийн үед:
500мг тунгаар өдөрт 4 удаа, 5-7 хоногийн турш,
Тэнцвэрийн эрхтний зовиур буурахад эмчилгээг 500мг-аар өдөрт 2-3 удаа, 5-7 хоногийн турш үргэлжлүүлнэ.
Дараа нь дахиад 5 хоногийн турш өдөрт 1 удаа 500мг-аар хэрэглэнэ.
Өвчин хөнгөн явцтай байгаа тохиолдолд өдөрт 500мг-аар 5-7 хоногийн турш хэрэглэнэ.
Судасны болон гэмтлийн гаралтай тэнцвэрийн эрхтний үйл ажиллагааны алдагдлаас үүссэн толгой эргэлтээс урьдчилан сэргийлэх зорилгоор 500мг-аар өдөрт 1-2 удаа, 12 өдрийн турш хэрэглэнэ.
Кинетозоос урьдчилан сэргийлэх
Кинетозын анхны шинж тэмдэг илрэх (дотор муухайрах) илрэхэд эсвэл таамаглаж буй савлах хөдөлгөөн эхлэхээс нэг цагийн өмнө 500мг тунгаар хэрэглэнэ. Шинж тэмдэг (бөөлжих) илэрсэн тохиолдолд эмийн бэлдмэл үр нөлөө бага үзүүлдэг.
Архины хамаарлын хам шинжийг бууруулах үед нэмэлтээр хэрэглэх
Эхний өдрүүдэд 500мг-аар өдөрт 2-3 удаа болон унтахдаа 500мг, дараа нь тунг үечлэн бууруулна.
Элэгний үйл ажиллагааны алдагдалтай өвчтөн
Элэгний үйл ажиллагааны алдагдалтай өвчтөнд Ноофен бэлдмэлийг өндөр тунгаар хэрэглэхэд элгэнд хортой нөлөө үзүүлж болно. Эмчилгээний үр нөлөөтэй хамгийн бага тунг энэ бүлгийн өвчтөнд хэрэглэх нь зохистой.
Бөөрний үйл ажиллагааны алдагдалтай өвчтөн
Бөөрний үйл ажиллагааны алдагдалтай өвчтөнд Ноофен бэлдмэлийг эмчилгээний тунгаар хэрэглэхэд гаж нөлөө үзүүлэх талаар мэдээлэл байхгүй байна.

Бусад эмийн бэлдмэлийн адил Ноофен гаж нөлөө үзүүлж болох боловч хүн бүрт илрэх албагүй.
Ховор тохиолдох (1000 өвчтөнд 1 хүртэл тохиолдоно):
Харшлын урвал (арьс улайх, загатнаа).
Тодорхойгүй (байгаа мэдээлэлд тулгуурлан давтамжийг тодорхойлох боломжгүй):
Нойрмоглох болон дотор муухайрах (эмчилгээний эхэн үед);
Толгой өвдөх, толгой эргэх (өдөрт 2г-аас дээш тунгаар хэрэглэхэд, тунг бууруулахад гаж нөлөөний урвалууд багасна);
Элгэнд хортой нөлөө (урт хугацаанд, өндөр тунгаар хэрэглэхэд).
Энэхүү зааварт бичигдээгүй өөр төрлийн гаж нөлөөний урвал илэрсэн тохиолдолд, эсвэл аль нэг гаж нөлөө улам хүндэрч, ноцтой болж байвал эмчид хандаарай.

Дараах тохиолдолд Ноофен бэлдмэлийг хэрэглэхийн өмнө эмчтэйгээ ярилцах хэрэгтэй:
хэрэв та ходоод эсвэл/болон нарийн гэдэсний шархлаа өвчтэй бол. Энэ тохиолдолд эмчлэгч эмч тань эмийн тунг бууруулж болзошгүй,
хэрэв эмийн бэлдмэлийг удаан хугацаагаар хэрэглэж байгаа бол эмч таныг цусны дэлгэрэнгүй болон элэгний үйл ажиллагааны сорил хийлгэхийг зөвлөж болно