Доксициклин нь тетрациклины уламжлалын хагас нийлэг бэлдмэл болно. Доксициклин нь өргөн хүрээт үйлдэлт антибиотик бөгөөд одоо буй нянгийн эсрэг эмүүдээс хамгийн өргөн хүрээтэй нь болно. Тэрээр Гр эерэг, Гр сөрөг нян, спирохет, микоплазм, риккеттси зэрэг олон төрлийн нянгийн эсрэг идэвхитэй нөлөөлдөг. Түүнийг заг хүйтэн болон тэмбүүгийн эмчилгээнд пенициллиний оронд хэрэглэж болно.Доксициклинийг түүнд мэдрэг нянгаар үүсгэгдсэн төрөл бүрийн халдварын эмчилгээнд хэрэглэнэ.
Амьсгалын замын халдварууд: Ханиад хатгаа, фарингит, тонзиллит, бронхит, синусит болон дунд чихний үрэвсэл хийгээд стрептококкын болон стафилококкын халдварууд.
Шээс бэлгийн замын халдварууд: Пиелонефрит, цистит, уретрит, гоноррейн эпидидимит, сифилис, шанкроид болон гранулём.
Хламидын халдварууд: Lymphogranuloma, venereum, psittacosis, trachoma.
Гэдэсний халдварууд: “Whipple’s” өвчнүүд, халуун орны “sprue”, “blind loop syndrom”, амёбын дизентери.
Бациллын халдварууд: Бруцеллёз, тулереми, холер, аялагдын суулгалт.
Батгашилт эмгэгүүд: acne vulgaris, acne conglobata г.м.
Бусад халдварууд: тифүүд, актиномикоз, ricketsialbox болон Q-fever мөн Mycobacterium marinum, Bordetella pertussus болон Bacillus anthracis-аар үүсгэгдэг халдваруудын үед тус тус хэрэглэнэ.

Насанд хүрэгсдэд: Эхлээд Доксициклины 2 капсулыг уух буюу эсвэл эхний өдөр 1 капсулаар 12 цагаар уугаад цаашид 1 капсулаар өдөрт 1 удаа ууна. Халдварын хүнд хөнгөнөөс хамааран энэхүү тунг 2 дахин ихэсгэж болно.
Гонококкийн халдварт: Доксициклиныг 1 капсулаар 12 цагаар бүрэн эдгэртэл хэрэглэнэ.
Тэмбүүгийн үед: Доксициклины 3 капсулын хоногийн тунг хувааж хэрэглэх бөгөөд нийт 10 хоног ууна.

Бусад бүх антибиотикийн адилаар гаж нөлөө илрэх бөгөөд тэдгээр нь дараах мэт буюу. Үүнд, хоолны дуршил буурах, бөөлжих, суулгах гэх мэт ходоод гэдэсний хямралууд, тэсвэртэй нян үржсэний улмаас глоссит, стоматит болон стафилококкийн энтероколит үүсэх, арьсны улайлт, цус хуралт тохиолдож болзошгүй. Хааяа гэрэлд хэт мэдрэгших болон арьсны урвалууд үүсдэг.

Доксициклиныг уг эмэнд хэт мэдрэгшсэн өвчтөнд хэрэглэхгүй.
Шүдний ургалтын үед(жирэмсний сүүлийн 3 сараас 12 нас хүртэл) тетрациклиний бүлгийн эмийг хэрэглэвэл шүдний өнгө өөрчлөгддөг. Иймээс тетрациклиний бүлгийн эмийг энэ үед хэрэглэхгүй.
Доксициклинтэй хамт шүлтлэг зүйлс, хүчил саармагжуулагчид болон төмрийн бэлдмэлийг хэрэглэхгүй. Учир нь тэдгээр нь уг эмийн шимэгдэлтийг саатуулдаг. Доксициклиныг жирэмсэн эхэд хэрэглэхгүй. Гэхдээ онцгой шаардлагатай үед зөвхөн эмчийн зөвлөмжөөр хэрэглэж болох юм.