Солпадеиныг хурц болон дунд зэргийн өвдөлтийн хам шинж, биеийн температур ихсэлттэй холбоотой илрэх өвдөлтийн хам шинж, үүнд: толгой өвдөлт, мигрень, шүдний өвдөлт (ялангуяа шүдний ажилбарууд, шүд авахуулах), остеоартритын үеийн булчингийн өвдөлт, булчин-ясны өвдөлт, мэдрэлийн өвдөлт, сарын тэмдэгийн үеийн өвдөлт, ишиас, синуситын үеийн өвдөлт, хоолойн өвдөлт орно.

Бэлдмэлийг эхлээд усанд уусгаж, дотуур ууж хэрэглэнэ (тал стаканаас багагүй усанд). 18-аас дээш насны насанд хүрэгсэд (ахмад настныг оруулаад). 1-2 шахмалаар 4-6 цаг тутамд, шаардлагатай тохиолдолд 4 цагаас багагүй зайтайгаар хэрэглэнэ. Хоногийн дээд тун – 8 шахмал (4000 мг парацетамола/240 мг кофеин/64 мг кодеин) байна. Эмчийн зөвлөгөөгүйгээр 3-аас илүү хоног хэрэглэж болохгүй. Зөвлөмжит тунг хэтрүүлж болохгүй. Эмчилгээний үр нөлөөг гаргахад шаардлагатай хамгийн доод тунг хэрэглэх хэрэгтэй.

Гаж нөлөөний урвалууд нь эмийн тун болон өвчтөний хувь хүний бодисын солилцооны онцлогоос хамаарна. Кодеин морфинд хурдан шилждэгтэй холбоотой зарим өвчтөний хувьд гаж нөлөө илрэх магадлал илүү өндөр байж болно. Парацетамол : Анафилаксийн урвал; Хэт мэдрэгшлийн арьсны урвалууд, үүнд арьсны тууралт, ангионевротик хаван, Стивенс-Жонсоны хам шинж Тромбоцитопени, Аспирин болон стероид бус бүтэцтэй үрэвслийн эсрэг бэлдмэлүүдэд хэт мэдрэгшилтэй өвчтөнд гуурсан хоолойн агчил Элэгний үйл ажиллагааны алдагдал Кофеин : Мэдрэл тавгүйтэл Толгой эргэх Кофеин агуулсан хүнсний бүтээгдэхүүнүүдтэй эмийн бэлдмэлийг хавсарч хэрэглэхэд кофеины тун ихэсч үүний дүнд сэтгэл тавгүйтэл, цочромхой болох, нойр алдагдах, зүрхний цохилт түргэсэх, толгой өвдөх, ходоод гэдэсний хямрал ажиглагдаж болно. Кодеин : Кодеиныг өндөр тунгаар удаан хугацаанд хэрэглэж байгаа тохиолдолд эмийн бэлдмэлээс хамааралт байдал үүсч болно Өтгөн хатах, дотор муухайрах, бөөлжих, хоол боловсролт алдагдах, ам хатах, цосний хүүдий авахуулсан өвчтөнд цочмог панкреатит буюу нойр булчирхайн үрэвсэл үүсэх, Толгой эргэх, удаан хугацаагаар хэрэглэх үед толгойн өвдөлт хүчтэй болох, нойрмоглох Загатнаа, хэт их хөлрөх Дээр бичсэн шинж тэмдгүүд бүгд илэрсэн тохиолдолд эмийн бэлдмэлийн хэрэглээг зогсоож эмчид яаралтай хандах шаардлагатай.

Жирэмслэлт. Төрсөн нярайн амьсгал дарангуйлагдах магадлалтай учраас эмчийн зөвлөгөөгүйгээр жирэмсэн болон төрөлтийн үед энэ эмийн бэлдмэлийг хэрэглэхээс татгалзах хэрэгтэй. Кофеин хэрэглэсэнтэй холбоотой аяндаа зулбах эрсдэл нэмэгддэг тул жирэмсэн үед энэ эмийн бэлдмэлийг хэрэглэхийг хориглоно. Кодеин агуулсан эмийн бэлдмэлүүдийг хөхүүл үед хэрэглэж болохгүй.Хүүхдийн гар хүрэхээргүй газар хадгална. Парацетамол агуулсан бусад төрлийн бэлдмэлүүдтэй хавсран хэрэглэхэд тун хэтрэлт болж болзошгүйг анхаарах хэрэгтэй. Парацетамолын тун хэтрэлтээс элэгний дутагдал, улмаар элэг солиулах эсвэл үхэлд хүргэх ч аюултай. Элэг эсвэл бөөрний дутагдал оношлогдсон өвчтөн энэ эмийн бэлдмэлийг хэрэглэхээс өмнө эмчлэгч эмчдээ хандах хэрэгтэй. Элэгний дагалдах өвчинтэй хүнд парацетамолын элэг гэмтээх эрсдэл илүү их байдаг.