Хөнгөн ба дунд зэргийн артерийн гипертензитэй өвчтөнд лизиноприл ба гидрохлортиазидийг хэрэглэхэд даралт хянагдаж байгаа тохиололд Ко-Диротон® бэлдмэлийн тунд агуулагдах хэмжээтэй ижил тунгаар хэрэглэнэ.

Артерийн даралт ихсэх эмгэг Нийлмэл, тогтмол тунтай хавсарсан бэлдмэлийг артерийн даралт бууруулах эмчилгээний эхний шатанд хэрэглэхэд зохимжгүй байдаг. Харин цусны даралт бууруулах зорилгооор 10мг ба 20мг лизиноприлийг 12,5мг гидрохлоротиазидтай хамт хэрэглэдэг өвчтөнд хавсарсан бэлдмэл болох Ко-Диротон® бэлдмэлийг зөвлөдөг. Эмчилгээний ердийн тун хоногт нэг шахмалыг хэрэглэнэ, тогтмол цагт ууж хэвшинэ. Эмчилгээний 2-4 долоо хоног хэрэглэхэд цусны даралт буураагүй тохиолдолд шахмалыг хоногт хоёр ширхэгээр ихэсгэн хэрэглэнэ.

Хамгийн элбэг тохиолдож байсан гаж нөлөө нь ханиалгах, толгой эргэх, артерийн гипотензи ба толгой өвдөх шинж (өвчтөний 1‒10% -д илэрсэн) юм.

Хүндрээгүй артерийн гипертензитэй өвчтөнд ховор тохиолдолд шинж тэмдгийн артерийн гипотензи ажиглагдаж болно. Артерийн даралт буурах эрсдэл нь эргэлдэх цусны хэмжээ багассан хүнд, жишээ нь, шээс хөөх эмчилгээний суурин дээр, давс хязгаарласан хүнс хэрэглэх тохиолдолд, гемодиализ эмчилгээний дараа, суулгалт, бөөлжилт, хүнд хэлбэрийн ренин-хамааралт артерийн гипертензтэй, хүнд ихэсдэг (“Эмийн харилцан нөлөөлөл” ба “Гаж нөлөө” хэсгээс харна уу). Эдгээр өвчтөний цусны сийвэн дэх эрдэс давсыг тогтмол хянаж байх шаардлагатай. Хүнд хэлбэрийн артерийн гипотензи үүсэх өндөр эрсдэлтэй өвчтөний эмчилгээний тунг тогтоож эмчлэхийн тулд эмнэлгийн байнгын хяналтан доор байх ёстой. Зүрхний ишеми өвчтэй эсвэл тархины цусан хангамжийн архаг хомсдолтой өвчтөнд бэлдмэлийг маш болгоомжтой хэрэглэх нь зүйтэй, учир нь артерийн даралтыг хүчтэй бууруулах нь зүрхний шигдээс, эсвэл тархины цусан хангамжийн цочмог хомсдолд хүргэх аюултай.