Апротинин бэлдмэлийг цус алдахаас урьдчилан сэргийлэх ба их хэмжээний цус алдах эрсдэлтэй, зохиомол цусны эргэлтийн төхөөрөмжийг ашиглан  дан ганц аорт-коронар шунт (нэг үгээр хэлбэл, аорт-коронар шунт гаргах нь зүрх судасны бусад мэс засалтай хавсраагүй тохиолдолд) гаргах насанд хүрсэн өвчтөнд хагалгааны явцад юулэх цусны хэмжээг багасгах зорилгоор хэрэглэх заалттай. 

Апротинин бэлдмэлийг хэрэглэхийн өмнө  уг эмийн ашиг тус болон эрсдэл гэсэн харьцааг сайн дүгнэж үзэх, өөр эмчилгээ хийх боломж  байгаа эсэхийг тооцно (“Болгоомжлох арга хэмжээ” ба "Фармакологийн шинж чанар" хэсгээс үзнэ үү).

Эмчийн зааврын дагуу хэрэглэнэ.

Аюулгүй байдлын судалгаа

Апротинин бэлдмэлийн аюулгүйн үзүүлэлтийг 3800 гаруй өвчтөн оролцсон дөч гаруй II ба III  шатны судалгаагаар үнэлсэн байна.  Апротинин хэрэглэсэн өвчтөний 11%-д гаж нөлөө илэрсэн байна. Хамгийн ноцтой гаж нөлөө бол зүрхний шигдээс байсан.  Гаж нөлөөг мэс заслын явцад үнэлж байх шаардлагатай.

Гаж нөлөөний жагсаалт

Олон улсын Анагаахын шинжлэх ухааны байгууллагуудын III Зөвлөлийн (CIOMS ‒ Council for International Organizations of Medical Sciences) шаардлагын дагуу плацебо хяналттай эмнэлзүйн судалгаагаар апротининий гаж нөлөөг давтамжаар нь бүлэглэн ангилсан (апротинин n=3817 ба плацебо n=2682; энэхүү мэдээлэл нь 2005 оны 4 сард хийгдсэн болно). Доор дурьдсан хүснэгтэнд гаж нөлөөг жагсаав.

Хориглох заалт

Апротинин ба  туслах бодист хэт мэдрэг байх  

18 хүртлэх нас (үр дүн ба аюулгүй байдал судалгаа хийгдээгүй)

Апротининий эсрэг өвөрмөц  IgG  антителийн сорил эерэг бах (апротининий эсрэг өвөрмөц  IgG  антителийн сорил эерэг гарсан өвчтөнд апротининийг хэрэглэхэд анафилаксийн урвал үүсэх эрсдэл өндөр байна).

Хэрэв апротининий эсрэг өвөрмөц  IgG  антителийн сорилыг эмчилгээ эхлэхийг өмнө хийх боломжгүй, гэхдээ 12 сарын өмнө апротинин эсвэл «фибриний герметик»   эмчилгээ авч байсан бол апротинин хэрэглэх нь эсрэг заалттайг анхаарна уу. 

Жирэмсэн ба хөхүүл эхийн зохистой хэрэглээ

Жирэмсэн эх

Туршилтын амьтанд хийгдсэн судалгаагаар апротинин нь үр хөврөл, ургийн гаж хөгжил үүсгээгүй. Апротинин бэлдмэлийг жирэмсэн эхэд хэрэглэхгүй, гэхдээ зөвхөн бэлдмэлийн ашиг нь эрсдлээс илүү гэж үзсэн тохиолдолд хэрэглэнэ. Анафилаксийн урвал болох зүрх зогсох зэрэг ноцтой аюултай байдалд хүргэсэн тохиолдолд үр ашиг болон эрсдэлийг үнэлэхдээ урагт хортой байх магадлал маш өндөр гэдгийг тооцох хэрэгтэй.

Хөхүүл эх

Апротинин нь эхийн хөхний сүүгээр ялгардаг эсэх нь тогтоогдоогүй. Апротинин бэлдмэлийг дотуур ууж хэрэглэхэд шимэгддэггүй учир эхийн сүүнд агуулагддаггүй гэж үзвэл апротинин нь хөхүүл хүүхдэд нөлөөлөхгүй гэсэн үг.

Нөхөн үржихүй

Апротинин нь эрэгтэй ба эмэгтэй хүний нөхөн үржихүйн үйл ажиллагаанд нөлөөлдөг эсэхийг судалсан зохистой ба хангалттай-хяналттай судалгаа хийгдээгүй байна.