Дунд зэргийн ба хүчтэй цочмог буюу архаг өвдөлтөнд хэрэглэнэ. Үүнд:

Гэмтлийн гаралтай (хугарал, шарх) өвдөлтүүд, хүчтэй невралги, хавдарын болон зүрхний булчингийн шигдээсийн өвдөлт, оношилгоо ба эмчилгээний  ажилбарын үед үүсэх өвдөлтүүд.

Өвдөлтийн эрчим болон хувь хүний онцлогоос хамааран тохируулна.

Тарилгын хэлбэр:

Насанд хүрэгчид ба 14 дээш насны хүүхдэд: 50-100 мг (50 мг 1-2 ампул буюу 100 мг 1 ампул) судсанд, булчинд, арьсан дор тарьж хэрэглэж болно.

1-14 насны хүүхдэд: 1-2 мг/кг жинд тоооцон судсанд, булчинд, арьсан дор тарьж хэрэглэж болно.

Судсанд тарихдаа маш аажим шахах буюу дуслын шингэнд найруулж хэрэглэнэ.

Бэлдмэлийг 4- 6 цагаар хэрэглэнэ.

Насанд хүрэгчдэд эмийн бүх хэлбэрийн хоногийн дээд тунг 400 мг-аас хэтрүүлж болохгүй.

Бөөр буюу элэгний дутмагшилтай өвчтөнд хэрэглэхдээ эмчийн зааврын дагуу тунг багасган тун хоорондын хугацааг уртасгаж тохируулан хэрэглэнэ. 

75 дээш настай өвчтөнд хоногийн дээд тунг 300 мг-аас хэтрүүлж болохгүй.

Трамадолыг эмчилгээнд тогтоогдсон хугацаанаас илүү хэрэглэж болохгүй.

Хөлрөх, толгой эргэх, дотор муухайрах, ам хатах, ядарч сульдах зэрэг гаж нөлөө илрэх ба ховор тохиолдолд  зүрх дэлсэх, даралт ихсэх, ортостатик гипотензи буюу зүрх судасны дутагдал үүснэ.

Заримдаа толгой өвдөх, бөөлжих, өтгөн хатах, хоол боловсруулах замын талаас эмгэгшлийн шинж илэрнэ. (хэвлийн дотоод даралт ихсэх, гэдэс дүүрэх)

Маш ховор тохиолдолд хөдлөхөд сульдах, хоолны дуршил болон шээс ялгаралт өөрчлөгдөх гаж нөлөө илэрч байсан нь мэдээлэгдсэн.

Онцгой тохиолдолд төв мэдрэлийн тогтолцооны цочролын шинжүүд (цочимтгой болох, айж түгших, чичрэх, булчин чангарч хөших, эйфори, сэтгэл санаа тогтворгүйтэх, хий үзэгдэл илрэх), ухаан балартах, эмийн хамаарал, эмийн донтол үүсэх, удаан хугацаагаар хугаацаагаар хэрэглээд эмчилгээг гэнэт зогсооход илрэх үгүйлэх хам шинж үүсэх гаж нөлөө илэрдэг.

Арьсан дээр харшлын тууралт гарах (загатнах, арьсны тууралт) илэрч байсан нь бүртгэгдсэн.

Шокийн байдалд оруулах харшлын урвал илрэхийг  бүрэн үгүйсгэхгүй.

Өвчтөн илэрсэн гаж нөлөөний  талаар эмчдээ мэдээллэх шаардлагатай.

Трамадолыг төвийн гаралтай уналт таталттай өвчтнүүдэд хэрэглэхдээ эмчилгээний үед ба эмчилгээний дараах хэсэг хугацаанд эмчийн хяналтанд байлгах шаардлагатай.

Трамадолыг опийн бүлгийн бэлдмэлийн донтол үүссэн тохиолдолд орлуулах эмчилгээнд  хэрэглэдэггүй.

Трамадолыг удаан хугацаагаар хэрэглэхэд эмийн хамаарал үүсэхийг бүрэн үгүйсгэхгүй тул архи болон эмийн бэлдмэлийг зохисгүй хэрэглэх хандлагатай өвчтнүүдэд хэрэглэхээс зайлсхийх хэрэгтэй.

Трамадолыг опийн бүлгийн бэлдмэлд хэт мэдрэг өвчтнүүдэд болгоомжтой хэрэглэнэ.

Трамадолыг элэг буюу бөөрний дутмагшилтай өвчтнүүдэд хэрэглэхдээ тунг багасгах буюу тун хоорондын хугацааг уртасгана.

Трамадолыг гавлын хөндийн  даралт ихтэй (жишээлбэл тархины гэмтэлтэй) буюу уушигны хүнд эмгэгтэй өвчтнүүдэд болгоомжтой хэрэглэнэ.