Интралипидыг судсаар тэжээх шаардлагатай өвчтөний нэн чухал тосны хүчил болон энергийн хэрэгцээг хангах зорилгоор хэрэглэдэг. Түүнчлэн шаардлагатай хэвийн тосны хүчлийн нөөцийг амаар хооллолтоороо хуримтлуулах болон сэргээж чадахгүй байгаа өвчтөнд хэрэглэнэ. 30%-ийн Интралипид нь өндөр концентраци бүхий бэлдмэл учир энергийн ихээхэн нөөц шаардлагатай байгаа болон шингэн хязгаарлагдсан өвчтөнд хэрэглэхэд тохиромжтой.

Насанд хүрэгсдэд. Хэрэглэгдэх хамгийн дээд тун нь хоногт биеийн жингийн 1 кг тутамд 3 гр триглицерид байхаар тооцно. Интралипид нь хүний энергийн хэрэгцээний 70 хүртэлх хувийг хангана. 10% болон 20%-ийн Интралипидын дусаах хурдыг судсанд 5 цагт 500 мл бэлдмэл дуслаар орохоор тохируулж тооцох бөгөөд 30%-ийн Интралипидыг 4 цагт 250 мл-ээс ихгүй байхаар тохируулан дуслаар тарьж хэрэглэнэ.
Нярай болон дутуу нярайд. 10% болон 20%-ийн Интралипидын уусмалыг нярай болон дутуу нярайд хэрэглэх тун хэмжээг хоногт биеийн жингийн 1 кг тутамд 0.5-4 гр триглицерид байхаар тооцохыг зөвлөдөг. Судсаар дусаах хурдыг цагт 0.17 гр триглицерид/кг-аас хэтрүүлж болохгүй (24 цагт < 4 гр/кг ). Хэрвээ тун хэмжээг хоногт биеийн жингийн 1 кг тутамд 4 гр триглицеридаас ихэсгэсэн тохиолдолд цусан дахь триглицеридийн концентраци, элэгний үйл ажиллагаа болон хүчилтөрөгчийн ханамжийг нарийн хянах шаардлагатай. Дутуу нярай болон жин багатай нярайд Интралипидыг 24 цагаар тасралтгүй судсаар тарьж хэрэглэх нь зүйтэй. Эхлэх тун нь хоногт 0.5-1 гр/кг байх ба тунг хоногт 0.5-1 гр/кг-аас 2 гр/кг хүртэл ихэсгэж болно.
Тосны хүчлийн дутмагшил. Интралипидыг нэн чухал тосны хүчлийн дутмагшил үүсэхээс сэргийлэх буюу засахын тулд уургийн бус энергийн хангамжийн 4-8 %-ийг орлох зорилгоор, мөн линолын болон линолейний хүчлийн хангалттай хэмжээг нөхөх зорилгоор хэрэглэнэ. Тосны хүчлийн дутмагшил нь стресстэй холбоотой илэрч байгаа тохиолдолд шаардагдах Интралипидын нийт хэмжээг ихэсгэнэ.
Хэрэглэх арга. Интралипидыг дангаар нь дуслаар, эсвэл бусад нүүрс ус, өөх тос, амин хүчил, электролит, витамин болон дагалдах бусад элементүүд агуулсан бэлдмэлүүдтэй хольж нэгэн уусмал (All in one) болгон хэрэглэж болно. Зөвхөн Интралипидтэй хамт хэрэглэхэд тохиромжтой нь батлагдсан тохиолдолд бусад нэмэлт бэлдмэлийг нэмж хэрэглэхийг анхаарна уу.

Интралипидыг хэрэглэх үед халуурах, ховор тохиолдолд жихүүдэс хүрч чичрэх болон дотор муухайрах, бөөлжих зэрэг шинж тэмдэг илэрч болзошгүй.
Интралипидыг дуслаар хэрэглэхтэй холбоотой бусад гаж нөлөө маш ховор тохиолдоно. Үүнд:
Эрт илрэх буюу түргэн илрэх гаж нөлөө. Хэт мэдрэгшлийн урвал (харшлын урвал, арьсны тууралтууд, чонон хөрвөс), амьсгалын талаас гарах өөрчлөлт (амьсгал олшрох г.м), цусны эргэлтийн талаас (цусны даралт ихсэх болон багасах г.м.) илэрдэг болох нь тэмдэглэгдсэн. Цус задрах, ретикулоцитоз, хэвлийгээр өвдөх, толгой өвдөх, ядрах болон бэлэг эрхтэн эмгэгээр хөвчрөх (приапизм) зэрэг шинж тэмдэг тохиолдож байсан нь бүртгэгдсэн.
Хожуу илрэх гаж нөлөө: Интралипидыг дутуу нярайд удаан хугацаагаар хэрэглэх үед тромбоцитопенийн шинж илэрч байсан нь мэдээлэгдсэн. Интралипидтэй болон Интралипидгүйгээр удаан хугацаагаар судсаар тэжээсний дараа элэгний үзүүлэлтүүд түр зуур ихсэж байсан нь тэмдэглэгдсэн.
Интралипидыг ялгаруулах үйл ажиллагаа муудсанаас хэт хуримтлагдах хам шинж тэмдэг үүсэх буюу түүнчлэн дуслын зөвлөсөн хурдыг гэнэт өөрчилбөл бөөрний үйл ажиллагааны дутагдалтай адил эмнэлзүйн илрэл илрэх буюу халдвар үүсэхэд хүргэж болзошгүй. Өөхний илүүдэл үүсэх хам шинж тэмдэг нь: гиперлипеми, халуурах, өөхний нэвчилт болон бусад эрхтнүүдийн өөрчлөлтийн хэлбэрээр илэрдэг. Хэрвээ Интралипидыг хэрэглэхээ зогсоовол эдгээр бүх шинж тэмдэг ихэнхдээ арилдаг.

Цочмог шокны байдал, эмгэг гиперлипеми зэрэг өөх тосны солилцооны хүнд хэлбэрийн өөрчлөлттэй хүмүүст хэрэглэж болохгүй.