Бэлдмэл томуугийн А вирус болон бусад А бүлгийн вирусын эсрэг, түүнчлэн томуугийн В вирусээр үүсгэгдсэн хордлогын үед хортой нөлөөний эсрэг үйлдэл үзүүлнэ. Бэлдмэл хачигт энцефалит үүсгэдэг флавивирусын эсрэг үр дүнтэй нөлөөлнө. Ремантадиныг насанд хүрэгсэд ба 7-с дээш насны хүүхдийн томуугийн эрт үеийн эмчилгээ болон насанд хүрэгсэд ба 7-с дээш насны хүүхдийн томуугийн дэгдэлтийн үеийн томуугийн вирусээр үүсгэгдсэн өвчнөөс сэргийлэх, насанд хүрэгсдэд хачигт энцефалитаас сэргийлэх зорилгоор тус тус хэрэглэнэ.

Шахмалыг шингэнээр даруулж хоолны дараа ууж хэрэглэнэ. Ремантадины эмчилгээг томуугийн шинж эхэлж илэрсний дараа аль болох түргэн эхэлнэ. Бэлдмэлийг эхний 48 цагийн дотор хэрэглэвэл эмчилгээний илэрхий үр нөлөө илэрнэ. Томуугийн эмчилгээ: Насанд хүрэгсэд: Эхний өдөр 100мг тунгаар (2 шахмал) хоногт 3 удаа, 2 ба 3 дахь өдөр 100мг-р хоногт 2 удаа, 4 ба 5 дахь өдөр 100мг-р хоногт 1 удаа тус тус хэрэглэнэ. Өвчний эхний өдөр 150мг-р (3 шахмал) 2 удаа, эсвэл 300мг-р (6 шахмал) 1 удаа хэрэглэж болно. Хүүхэд болон өсвөр насныхны хэрэглээ: Ремантадиныг хүүхдэд хэрэглэхийн өмнө зайлшгүй эмчид хандаж зөвлөгөө авна. 7-10 насны хүүхдэд 50мг (1 шахмал)-р хоногт 2 удаа, 11-14 насны хүүхдэд 50мг (1 шахмал)-р хоногт 3 удаа, 14-с дээш насны хүүхдэд насанд хүрэгсдийн тунгаар тус тус хэрэглэнэ. Ээлж эмчилгээ 5 өдөр үргэлжилнэ. Томуугаас сэргийлэх: Насанд хүрэгсдэд: 50мг (1 шахмал)-р хоногт 1 удаа, 30 өдөр хүртэл хугацаагаар хэрэглэнэ. Хүүхэд болон өсвөр насныхны хэрэглээ: 7-оос дээш насны хүүхдэд 50мг-р хоногт 1 удаа 15 хүртэл өдөр хэрэглэнэ.

Бэдмэлийг хэрэглэх үед бусад эмийн бэлдмэлийн нэгэн адилаар гаж нөлөө ажиглагдах боловч энэ нь бүх хүмүүст илэрдэггүй. Олонтаа илрэх (10 өвчтөнд 1-с цөөн): нойргүйдэх, дотор муухайрах, бөөлжих Хааяа илрэх (100 өвчтөнд 1-с цөөн): зүрх дэлсэх, зүрхний дутагдал, зүрхний хориг, зүрхний цохилт олшрох, толгой эргэх, толгой өвдөх, түгшүүрэл ихсэх, сульдах, анхаарал төвлөрүүлэлт өөрчлөгдөх, хөдөлгөөний зохицуулга алдагдах, нойрмоглох, сэтгэл унал, сэтгэл хөөрөл, өөрийн мэдэлгүй хөдлөх, салганах, хий үзэгдэл, ухаан балартах, таталдаа, үнэрлэх мэдрэхүй багасах буюу алдагдах, чих шуугих, хоолонд дургүй болох, ам хатах, ходоод өвдөх, суулгах, хоол боловсруулах замын эмгэг, тууралт, цусны даралт ихсэх, тархины цусны эргэлтийн өөрчлөлт, муужрах, сульдах Гаж нөлөөний давтамж (ялангуяа хоол боловсруулах замын болон мэдрэлийн системийн) бэлдмэлийн зөвлөсөн тунг хэтрүүлж хэрэглэх үед ихсэнэ. Тунг хэтрүүлж хэрэглэсэн зарим тохиолдолд нулимс ихээр ялгарах, олон дахин шээх, халуурах, өтгөн хатах, ихээр хөлрөх, амны хөндийн үрэвсэл, мэдрэг чанар ихсэх, нүд өвдөх зэрэг шинж ажиглагдана. Ихэнх гаж нөлөө бэлдмэлийг хэрэглэхээ зогсоох үед арилна. Хэрэв таньд гаж нөлөө хүнд явцтай илрэх буюу эсвэл уг эм хэрэглэх зааварт тэмдэглэгдээгүй ямар нэгэн гаж нөлөө илэрвэл эмчдээ мэдэгдээрэй.

Хоол боловсруулах замын эмгэг Элэгний үйл ажиллагааны өөрчлөлт Хүнд явцтай зүрхний эмгэг буюу зүрхний хэмнэл алдагдалтай хүнд тунг багасгана. Хэрэв та эпилепситэй болон ремантадинтай хамт таталдааны эсрэг эм хэрэглэж байгаа бол эпилепсийн уналт үүсэх эрсдэл нэмэгдэнэ. Энэ тохиолдолд бэлдмэлийн хоногийн тунг 100мг болгон бууруулна. Эпилепсийн уналт илэрсэн тохиолдолд ремантадиныг зогсооно. Жирэмсэн ба хөхүүл үед бэлдмэлийг хэрэглэхгүй.