Элэгний архаг өвчний үед элэгний үйл ажиллагааг сэргээх, бага насны хүүхдийн цэврүүт бэлцрүү, экзем, дерматит, чонон хөрвөс, загатнаа, амны салстын үрэвсэл, арьсны идээт цэврүү, эмийн болон хордлогын тууралт.

Насанд хүрэгчдийн ердийн тун нь өдөрт нэг удаа 5-20 мл тариаг судсанд тарина. Өвчтөний нас болон шинж тэмдгүүдээс шалтгаалж тунг өөрчилж болно. Элэгний архаг өвчний үед насанд хүрэгчдийн ердийн тун нь өдөрт нэг удаа 40-60 мл тариаг судсанд тарих буюу дуслаар хийнэ. Өвчтөний нас болон шинж тэмдэгүүдээс шалтгаалж тунг өөрчилж болно. Хоногийн тунг 100 мл хүртэл ихэсгэн хэрэглэж болно.

1. Шок, анафилаксын урвал: Шок, анафилаксын урвал (цусны даралт багасах, ухаан алдах, амьсгал өөрчлөгдөх, зүрх-амьсгалын саатал, нүүр халуун оргих, нүүрний хаван г.м.) тохиолдож болно. Өвчтөнийг маш сайн хянах хэрэгтэй, хэрэв ямар нэгэн өөрчлөлт илэрвэл энэ бэлдмэлийг хэрэглэхийг зогсоож, тохирох арга хэмжээг авах хэрэгтэй. 2. Анафилакс төст урвал: Анафилакс төст урвал (амьсгал өөрчлөгдөх, нүүр халуун оргих, нүүрний хаван г.м.) тохиолдож болно. Өвчтөнийг маш сайн хянах хэрэгтэй, хэрэв эмгэг байдал ажиглагдвал энэ бэлдмэлийг хэрэглэхийг зогсоож, тохирох арга хэмжээг авах хэрэгтэй. 3. Хуурамч альдостеронизм: Тунгийн хэтрэлт болон удаан хугацаагаар хэрэглэснээс болж цусны калийн хэмжээ багасах, цусны даралт ихсэх, биед натрийн ус хуримтлагдах, хавагнах, жин ихсэх зэрэг хуурамч альдостеронизмийн шинжүүд үүсч болно. Өвчтөнийг маш сайн хянах (сийвэнгийн калийн хэмжээг хянах г.м.) хэрэгтэй, хэрэв эмгэг байдал ажиглагдвал энэ бэлдмэлийг хэрэглэхийг зогсоох хэрэгтэй. Гипокалиемийн улмаас ядрах, булчин сулрах зэрэг илрэл тохиолдож болно.