ПараКо-Денк нь өвдөлт намдаах бэлдмэл. Түүнийг парацетамол болон ибупрофен зэрэг өвдөлт намдаах бусад бэлдмэлийг дангаар нь хэрэглэхэд үр дүнгүй байгаа дунд зэргийн өвдөлтийн богино хугацааны эмчилгээнд хэрэглэнэ.

Бэлдмэлийн найрлага дахь кодеин нь опийн бүлгийн өвдөлт намдаах эмийн бүлэгт хамаарах өвдөлт намдаах үйлдэлтэй бэлдмэл бөгөөд түүнийг дангаар нь болон парацетамол зэрэг өвдөлт намдаах бусад эмтэй хавсарч хэрэглэж болно.

Насанд хүрэгчид, өсвөр насныхан, 12-с дээш насны хүүхдэд 1-2 шахмалаар шаардлагатай үед 6 цаг тутамд хэрэглэнэ. 24 цагт 8 шахмалаас олныг хэрэглэхгүй. Хоногийн дээд тунгаас хэтрүүлж болохгүй. Энэ нь бусдаас илүүтэйгээр өвчтөний биеийн жинд суурилах ба бэлдмэлийн найрлага дахь бүрэлдэхүүн хэсэг болох парацетамолын тунг 60мг/кг-с хэтрүүлж болохгүй. Харин бэлдмэлийн нөгөө бүрэлдэхүүн хэсэг болох кодеины хувьд хоногийн дээд тун нь 240мг кодеины фосфат гемигидрат (8 шахмалтай тэнцэнэ).

Нийтлэг илрэх (10 хүнд 1-с олон тохиолдол илэрч болзошгүй)
дотор муухайрах, бөөлжих, өтгөн хатах
ядрах, толгой дунд зэрэг өвдөх
Олонтаа илрэх (10 хүнд 1 хүртэлх тохиолдол илэрч болзошгүй)
Бага зэрэг нойрмоглох
Өндөр тунгаар хэрэглэж байгаа үед эсвэл мэдрэг өвчтөнд тодорхой юманд төвлөрч хараа тогтоох чадвар тунгаас хамааралтайгаар өөрчлөгдөх
Хааяа илрэх (100 хүнд 1 хүртэлх тохиолдол илэрч болзошгүй)
Ам хатах
Нойр өөрчлөгдөх
арьс улайх, загатнах, чонон хөрвөс
амьсгал давхцах
Чих шуугих (тиннит)
Ховор илрэх (1000 хүнд 1 хүртэлх тохиолдол илэрч болзошгүй)
Элэгний ферментийн түвшин ихсэх (цусан дахь трансаминаз)
харшлын хүнд явцтай урвал (Стивенс-Жонсоны хам шинж г.м)
Ялтсан эс ба цусны цагаан эсийн тоо цөөрөх
Маш ховор илрэх (10000 өвчтөнд 1 хүртэлх тохиолдол илэрч болзошгүй) арьсны хүнд явцтай урвал амьсгалын замын булчингийн агшилттай холбоотойгоор амьсгалахад хүндрэлтэй болох (өвдөлт намдаах эмийн шалтгаантай багтраа)
Гранулоцит буюу мөхлөгт эсийн тоо бага зэрэг эсвэл илэрхий багасах, цус төлжүүлэх бүх системд эсийн дутагдал үүсэх

Опийн бүлгийн эмийн хараат байдал (хүчтэй өвдөлт намдаах болон тайвшруулах эм орно)
оюун ухааны үйл ажиллагаа өөрчлөгдөх
тархины дотоод даралт ихэссэний улмаас үүссэн эмгэг байдал
амьсгалын төв ба амьсгалын үйл ажиллагааны эмгэг
моноаминоксидаза ферментийг хориглогч хамт хэрэглэх (сэтгэл гутралын эмчилгээнд хэрэглэдэг эм)архаг бронхит ба гуурсан хоолойн багтрааны улмаас үүссэн уушгины агааржуулалт алдагдлын эмгэг
өмнө нь цөсний хүүдий авахуулсан бол (холецистэктомийн дараах байдал)
хэрэв та болон таны хүүхэд шингэн дутагдлын улмаас цусны даралт нь багассан бол өндөр тунгаар хэрэглэхээс болгоомжилно.