Нүдний даралт ихдэлт нээлттэй өнцөгт глауком, ( увеит, афаки ба гэмтлийн дараах ); Нүдний даралт буулгадаг бусад эмүүдтэй хавсран: хаалттай өнцөгт глауком (миотик эмүүдтэй хамт), хорон глаукома (өөр эмүүд хэрэглээд үр дүнгүй тохиолдолд), нүдний дотоод даралт огцом ихэссэн үед хэрэглэнэ.

Нүдний доод зовхийг татахад үүсэх ховилд 0,25% уусмалаас 1 дуслыг хоногт 2 удаа дусааж хэрэглэнэ. Хэрэв үр дүн тааруу бол 0,5% уусмалыг 1 дуслаар өдөрт 2 удаа дусаана. Нүдний даралт хэвийн болоод ирэнгүүт барих тунгаар - 0,25% уусмалыг 1 дуслаар өдөрт 1 удаа дусааж хэрэглэ.

Хэсэг газрын урвал: нүдний салст цочрох - салст улайх, нулимс гоожих эсвэл нулимсгүйдэх, гэрэлд гялбах, , эвэрлэгийн хучуур эд хавагнах, нүд хорсох ба загатнах, зовхи улайх, нүдний хараа түр зуур бүрэлзэх, нүдний бүтэц эрхтнүүдийн үрэвсэл; (блефарит, конъюнктивит, кератит), удаан хугацаагаар хэрэглэвэл нүдний болорт цэгчилсэн бүдэгрэл үүсч болзошгүй бөгөөд нүдний мэдрэлийн саажилт тухайлбал зовхи унжих ховор тохиолдолд юм хоёрлож харагдах ( диплопи) үүсэх магадлалтай. Эрхтэн тогтолцооны талаас гарах урвал: хөл гар бадайрах, хорхой гүйх мэт битүүрэх, хамрын салст үрэвсэх, хамраас цус гарах, артерийн даралт буурах, муурч унах, зүрхний хэм алдагдах, хэт удаашрах, атрио-вентрикуляр хориг үүсэх, зүрхний булчингийн агших чадвар буурах, зүрхний архаг дутмагшил гүнзгийрэх; толгой өвдөх, толгой эргэх, нойрмоглох, хий юм харах, сэтгэлээр унах, булчин сулрах, бэлгийн чалх буурах; амьсгаадах, бронх агчих, уушгины үйл ажиллагааны дутагдал; огих, бөөлжих, суулгах, цээжээр өвдөх, чих шуугих. Сэтгэн бодох хурд удаашрах. Харшлын урвалууд: чонон хөрвөс гэх мэт.

Эмийн найрлагад орсон аль нэг бодист хэт мэдрэгшсэн болон нүдний эвэрлэгт дистрофийн өөрчлөлт гарсан бол, бронхийн багтраа ( одоогоор мэдэгдээгүй ч өвдөж байсан өгүүлэмжтэй), уушгины архаг бөглөрөлтөт өвчин, синусийн гаралтай хэм алдагдал (брадикарди, атриовөнтрикул хоригийн 11-111 зэрэг), ээнэгшлээ алдсан зүрхний архаг дутмагшил, зүрхний шалтгаант , 18 нас хүрээгүй хүүхэд, хөхүүл эхэд хэрэглэхгүй. Хэрэв энэ эмийг хэрэглэснээр эхэд гарах эерэг үр дүн нь урагт үзүүлж болох эрсдэлээс илүү гэж үзвэл жирэмсэн эхэд эмчийн заалтаар хэрэглэж болно. Хэрэв бэлдмэлийг эх амаржихын дөнгөж өмнөхөн хэрэглэсэн бол нярайг төрсний дараах эхний хэд хоногт эмчийн хяналтад байлгах шаардлагатай.