Тароментин нь эмгэг төрөгч нянг устгадаг антибиотик. Тароментины найрлагад амоксициллин ба клавулиныхүчил гэсэн 2 бэлдмэл бий. Пенициллины бүлгийн хагас нийлэг антибиотик болох амоксициллин нь зарим үед нянгийн зүгээс ялгаруулдаг бодисын нөлөөнд автаж идэвхи нь сулардаг тул түүнээс сэргийлж клавулины хүчил хэмээх бодисыг нэмж хийсэн юм.
Тароментиныг дараах халдваруудын үед хүүхэд ба насанд хүрэгсдэд хэрэглэнэ.
· Дунд чихний ба хамрын хөндий ба дайврын халдварууд
· Амьсгалын замын халдвар
· Шээсний замын халдварууд
· Арьс салстын халдварууд
· Амны хөндийн (шүд, буйлны) халдварууд
· Ясны ба үений үрэвсэл

Насанд хүрэгчид ба 40 кг-аас дээш жинтэй хүүхэд:
Ердийн тохиолдолд: ТАРОМЕНТИН 500мг+125мг шахмал эмийг хоногт 3 удаа, ТАРОМЕНТИН 875мг+125мг эмийг хоногт 2 удаа уудаг.
Дунд чихний үрэвсэл, амьсгалын доод замын халдвар, шээсний замын халдваруудын үед шаардлагатай гэж үзвэл ТАРОМЕНТИН 875мг+125мг эмийг хоногт 3 удаа ууж болно.
40 кг-аас доош жинтэй хүүхдэд:

Уг шахмалыг зөвхөн бүхлээр нь ууж чадахуйц насанд хүрсэн хүүхдэд хэрэглэнэ. Харин 6-с доош насны хүүхдэд хөвмөл буюу шингэн хэлбэрээр үйлдвэрлэгдсэнийг хэрэглэж болох юм. ТАРОМЕНТИН 500мг+125мг ба ТАРОМЕНТИН 875мг+125мг шахмалыг хүүхдэд хэрэглэх эсэхийг зөвхөн эмчлэгч эмч шийднэ.
Элэг ба бөөрний үйл ажиллагааны дутагдалтай өвчтөнд:

Бөөрний үйл ажиллагааны алдагдалтай хүнд хэрэглэх тунг эмч тохируулна
Элэгний үйл ажиллагааны алдагдалтай бол шинжилгээний хяналт, эмчийн ажиглалтын дор хэрэглэх шаардлагатай
Тароментин эмийг хэрхэн “хэрэглэх” вэ?

Шахмалыг нэг аягаас доошгүй хэмжээний цэвэр усаар даруулж бүхлээр нь залгина. Хооллохын дөнгөж өмнө уухыг зөвлөж байна
Шахмал тус бүрийг адил хугацааны (8 эсвэл 12 цагийн) зайтай ууна. Эмийг хэзээ ч давхарлаж (2 шахмалыг нэг зэрэг) ууж болохгүй.
Бэлдмэлийг 14-с илүү хоногийн хугацаанд хэрэглэхгүй. Эмээ үргэлжлүүлэн хэрэглэх шаардлага байсаар байвал эмчдээ хандах хэрэгтэй

Маш түгээмэл буюу 10 хүн тутмын 1- с илүүд тохиолддог гаж нөлөө: насанд хүрэгсдийн чацга алдалт
Түгээмэл буюу 10 хүн тутмаас 1- с илүүгүй хүнд тохиолддог гаж нөлөө:
· мөөгөнцөртөх. (амны хөндий, үтрээний салст, суга цавь хавиар хөрөнгө төст цагаан мөөгөнцөр ургаснаас хорсгох, загатнуулах шинжээр илэрдэг)
· бөөлжис цутгах (голдуу өндөр тунгаар хэрэглэх үед)
· бөөлжих
· хүүхэд чацга алдах – эдгээр гаж нөлөөнөөс сэргийлэхийн тулд эмээ яг хоолны өмнө ууна
Элбэг биш буюу 100 хүн тутмын 1- с илүүгүйд тохиолддог гаж нөлөө:
Арьсны тууралт, загатнаа
Чонон хөрвөс
Биж хам шинж
Толгой эргэх
Толгой өвдөх
Элэгний үйл ажиллагааны идэвхийг харуулдаг ферментийн үзүүлэлт өөрчлөгдөх
Ховор буюу 1000 хүн тутмын 1- с илүүгүй хүнд тохиолддог гаж нөлөө:
Арьсан дээр жижиг цэврүүт тууралт гарах (тууралт нь голдоо цайвар, тойроод бараан хүрээтэй, жижиг бамбай мэт харагдана. Түүнийг олон хэлбэрт эритема гэдэг) Ийм тууралт хэрэв ажиглагдвал нэн даруй эмчдээ мэдэгдэх хэрэгтэй.

Тароментиныг хэрэглэх явцад Таны хууч өвчин сэдрэх эсвэл эмэнд харших, булчин таталдах, бүдүүн гэдэс үрэвсэх гэх мэт ямар нэгэн таагүй нөлөө илэрч, улмаар хүндэрч болзошгүй тул тэдгээрээс сэргийлэхийн тулд гарч буй аливаа илрэлийг хянамгай ажиглаж байх хэрэгтэй. Санамжийн 4-р хэсэгт бичигдсэн “гаж нөлөөний жагсаалт”-ыг харна уу.
Тароментин хэрэглэж байх үед цусны улаан бөөм ба элэгний үйл ажиллагааг илэрхийлэх үзүүлэлтүүд, шээсэн дэх сахарын хэмжээг илэрхийлэх шинжилгээний үзүүлэлтэд өөрчлөлт гардаг тул Та цус ба шээсний шинжилгээ өгөх шаардлага гарвал энэ тухайгаа эмчдээ мэдэгдээрэй