*Архаг тогтвортой бахын шинж тэмдгийн эмчилгээнд титэм судасны эмгэгийн шалтгаант архаг тогтвортой бахын шинж тэмдгийн эмчилгээнд хэрэглэх заалттай. Ивабрадин нь: *Бета-блокаторийг хэрэглэхэд эсрэг заалттай эсвэл тэсвэрлэхгүй байгаа насанд хүрэгчдэд* Эсвэл бета-блокаторийг ханасан тунгаар хэрэглэхэд хангалттай хянагдахгүй байгаа өвчтөнд хавсарч хэрэглэнэ. *Зүрхний архаг дутагдлын эмчилгээнд Ивабрадинийг агших чадвар алдагдсан зүрхний архаг дутагдалтай Нью-Иоркийн үйл ажиллагааны ангиллаар II-IV шат, синусийн хэмнэлтэй, зүрхний цохилтын тоо ≥ 75 удаа/мин, бета-блокаторийг стандарт эмчилгээнд хавсарсан эсвэл бета- блокаторийг хэрэглэх эсрэг заалттай болон тэсвэрлэхгүй байгаа тохиолдолд хэрэглэнэ.

Бэлдмэлийг хэрэглэх тун, эмчилгээ үргэлжлэх хугацааг нарийн мэргэжлийн эмч тогтооно.

Нүд гялбах гаж нөлөө нийт өвчтөнийн 14.5%-д илэрсэн бөгөөд харааны талбайн хязгаарлагдмал хэсэгт гэрлийн хүч гэнэт өөрчлөгдсөнөөс үүсэж байгааагар тайлбарлагдана. Мөн хийсвэр юм нүдэнд харагдах, олон өнгө солонгорох, янз бүрийн дүрс харагдах гэх мэт олон янзаар илэрдэг. Гаж нөлөө нь ихэнхдээ эмчилгээний эхний 2 сард илэрч байсан бөгөөд давтагдах хандлагатай. Эрчим нь хөнгөнөөс дунд зэрэгтэй байв. Ихэнхи нь 77.5% нь эмчилгээний явцад өөрөө аяндаа алга болсон. Маш цөөхөн хэсэг буюу 1% нь тухайн зовиураас болж амьдралын хэв маягаа өөрчилж бүр эмчилгээг зогсооход хүрсэн. Брадикарди нийт өвчтөнийн 3.3%-д эмчилгээний эхний 2-3 сард илэрсэн байдаг. 0.5% нь хэт брадикарди буюу зүрхний цохилт 40 удаа/мин-аас бага болсон байна. Эмнэлзүйн SIGNIFY судалгаагаар ивабрадин хэрэглэсэн өвчтөнд тосгуурын жирвэгнээ 5.3%-д тохиолдсон бол энэ нь плацебо бүлэгт 3.8% байв. Эмнэлзүйн судалгаанд II/III шатны харьцуулсан давхар нууцлалтай аргаар 40,000 өвчтөнд ивабрадинийг хамгийн багадаа 3 сар хэрэглэхэд тосгуурын жирвэгнээ үүсэх эрсдэл 4.86% байсан бол харьцуулсан бүлэгт нь 4.08% байсан ба эрсдэлийн зэрэгт нийцэх нь 1.26, 95% CI {1.15-1.39} байв.

Гипотензи өвчтөнд болгоомжтой хэрэглэнэ. Хүнд зэргийн гипотензитэй (артерийн даралт < 90/50 ммМуб) өвчтөнд ивабрадин хэрэглэх нь эсрэг заалттай. Төрөлхийн QT интервал уртсах хам шинж эсвэл QT интервалийг уртасгадаг бэлдмэлийг хэрэглэж байгаа өвчтөнд хэрэглэхгүй