Омапоне Пери нь венийн судсанд хийх тэжээл (калори, амин хүчил, шаардлагатай тосны хүчил ба омега-3 агуулдаг) бөгөөд 2-оос дээш насны хүүхэд, насанд хүрэгчдэд хоол боловсруулах замын хооллолт хангалтгүй, боломжгүй, хориглох заалттай үед хэрэглэнэ.

Өвчтөний бие махбодийн өөх тос, азот ба глюкозын солилцооны байдлаас хамаарч хэрэглэх тун болон дуслын урсгалын хурдыг тохируулна. Хэрэглэх тун нь өвчтөн бүрт өвөрмөц бөгөөд биеийн байдал, жин, илчлэг, энергийн хэрэгцээ, хоол боловсруулах замаар хооллож буй хэмжээнээс хамаарна. Мөн бичил элемент, амин дэм, эрдэсийн хэмжээнээс хамаарна. - Төвийн болон захын хураагуур судсанд дуслаар тарьна.

Хоолны дуршил буурах, дотор муухайрах, бөөлжих, тромбофлебит, биеийн хэм бага зэрэг нэмэгдэх, халуурах, толгой эргэх, толгой өвдөх

Дараах өвчтөнүүдэд хэрэглэхгүй. 1. Загас, өндөг шар буурцаг эсвэл самарын уураг болон бэлдмэлийн найрлага дахь бодисуудад хэт мэдрэг хүмүүс. 2. Хүнд хэлбэрийн гиперлипидемитэй өвчтөнүүд. 3. Элэгний үйл ажиллагааны хүнд хэлбэрийн алдагдалтай өвчтөнүүд. 4. Цус бүлэгнэлтийн хүнд хэлбэрийн эмгэгтэй өвчтөнүүд. 5. Амин хүчлийн солилцооны төрөлхийн эмгэгтэй өвчтөнүүд. 6. Гемодиализ эсвэл цус шүүх эмчилгээ хийх боломжгүй бөөрний хүнд эмгэгтэй өвчтөнүүд. 7. Цочмог шоктой өвчтөнүүд. 8. Хяналтгүй гиперглицеримитэй өвчтөнүүд. 9. Сийвэн дэх эрдэсийн хэмжээ эмгэгээр нэмэгдсэн өвчтөнүүд. 10. Судсаар бэлдмэл хэрэглэхэд хориглох заалт бүхий дараах тохиолдол: уушгины цочмог хаван, биед шингэн хуримтлагдах, зүрхний эмгэгийн ээнэгшил алдагдал орно. 11. Гемофагоцитоз хам шинжтэй өвчтөнүүд. 12. Эмнэл зүйн хувьд тогтворгүй байдаг дараахтохиолдол хамаарна. Үүнд: хүнд гэмтлийн дараа, чихрийн шижингийн ээнэгшил алдагдсан, зүрхний цочмог шигдээс, харвалт, эмболизм, хүнд хэлбэрийн цусан үжил, гипотоник усгүйжил, гиперосмоляр ком зэрэг хамаарна. 13. Зүрхний шигдээс бүхий (өгүүлэмжтэй) өвчтөнүүд. 14. 2-оос доош насны хүүхэд.