*Тархины цусан хангамжийн алдагдал Тархины судасны үүдэлтэй шинж тэмдэгийн барих эмчилгээнд ялангуяа ой санамж, сэтгэн бодох чадвар буурах, анхаарал сарних, сэтгэлийн эмгэг (цочромтгой) зэрэгт хэрэглэнэ. Мигренийн урьдчилан сэргийлэлтэнд хэрэглэнэ. *Тэнцвэр алдагдах Дунд чихний эмгэгийн шинж тэмдэг болох толгой эргэх, чих шуугих, дотор муухайрах, нистагм, бөөлжих үед барих эмчилгээнд хэрэглэнэ. *Хөдөлгөөний эмгэг Хөдөлгөөний эмгэгийн урьдчилан сэргийлэлтэнд хэрэглэнэ.

Бүрээст Эвризамыг хоолны дараа усаар даруулж зажилахгүй ууна. Тархины цусан хангамжийн дутагдал үед: өдөрт 1 ширхэгээр 3 удаа ууна. Тэнцвэр алдагдах : өдөрт 1 ширхэгээр 3 удаа ууна. Хөдөлгөөний өвчин: алхалт бүрээс хагас цагийн өмнө 1 бүрээсийг 6 цагийн зайтай ууна. Ээлж эмчилгээ – 1-3 сар. 3 сараас дээш хугацаанд хэрэглэхгүй. Жилд 2-3 ээлж эмчилгээ хийж болно.

Мэдрэлийн систем: хөдөлгөөн ихсэх, атакси, толгой өвдөх, нойргүйдэх, тэнцвэрийн өөрчлөлт, эпилепсийн сэдрэлийн давтамж ихсэх, тэнцвэргүйтэл, салганах, гиперсомни, сулбагар болох, дискинези, паркинсон, ядрах. Өндөр настанд удаан хугацааны хэрэглээний дүнд экстрапирамидын өөрчлөлт үүсч болно. Дархлалын систем: хэт мэдрэгшил, ялангуяа анафилакси үүсэх. Хоол боловсруулах систем: ам хуурайших, диспепси, хэвлийгээр өвдөх, ходоодны дээд хэсгээр өвдөх, ходоодны орчим эвгүй оргих, суулгах, цөс зогсонгишлийн шарлалт, хэт хөлрөх, дотор муухайрах, бөөлжих. Тэнцвэрийн систем: толгой эргэх Арьс: судас мэдрэлийн хаван, дерматит, загатнаа, тууралт, чонон хөрвөс, гэрэлд мэдрэгших, шингэн их ялгаруулах гипергидроз (хэт их хөлрөх), үлд төст кератоз, цочмогдуу чонон хөрвөс, хавтгай улаан үлд. Сэтгэцийн өөрчлөлт: сэтгэл хөөрөх, нойрмоглох, сэтгэл гутрал, түгшүүр төрөх, төөрөгдөх, хий юм харах . Араг ясны булчингийн систем: булчингийн чангарал Цус, тунгалагын систем: цус гоожих . Бусад: астени, артерийн даралт ихдэлт, гипертерми, тромбофлебит, бэлгийн үйл ажиллагааны идэвх нэмэгдэх, биеийн жин нэмэгдэх.

Жирэмсэн, хөхүүл үед, хүүхэд бэлдмэлийг хэрэглэхгүй. Пирацетам, циннаризинд бэлдмэлийн туслах бодисд эсвэл пиролидын уламжлалд хэт мэдрэг бол хориглоно. Бөөрний өвчний төгсгөлийн шат, тархины цусны эргэлтийн цочмог эмгэг (цус харвалт), хорея Хантингтон, паркинсон, нүдний дотоод даралт ихсэх, сэтгэхүйн өөрчлөлтийн үед хэрэглэхийг хориглоно.