Энэ эм нь нүдний халдвараас хамгаалах, эмчлэх зорилгоор хэрэглэгдэх хоёр төрлийн үйлчлэгч бодис агуулсан бэлдмэл. Тобрамицин нь аминогликозидын бүлгийн антибиотик бөгөөд бактерийн өсөлтийг зогсоох үйлдэлтэй. Дексаметазон нь кортикостероидын бүлгийн эм бөгөөд хаванг бууруулах үйлдэлтэй. Энэхүү эм нь зөвхөн нянгийн гаралтай нүдний халдварт өвчний урьдчилан сэргийлэлт ба эмчилгээнд хэрэглэгдэх ба бусад төрлийн нүдний халдваруудад үйлчлэхгүй. Аль ч бүлгийн антибиотикийн зохисгүй хэрэглээ нь антибиотикийн тэсвэржилт үүсгэн, үйлдлийг бууруулна.

Насанд хүрэгсэд (өндөр настан хамаарна) 1-2 дуслыг өдөрт 6 удаа нүдэнд дусааж хэрэглэнэ. Тайлбар: Хүндэрсэн нөхцөлд цаг тутамд 1-2 дуслаар хэрэглэж эхлээд, үрэвслийн намдалтын байдлаас хамааран тунг бууруулах замаар эмчилгээг явуулж болно.
Хүүхдэд хэрэглэх:
Эмчийн заавраар хэрэглэнэ.

Дексаметазоныг хэрэглэж байх үед нүд хорсох, халуу оргих, улайх, нүдэнд ус гүйлэгнэх шинж тэмдэг ховор тохиолдолд илэрдэг.
Кортикостероид эмчилгээг удаан хугацаагаар өндөр тунгаар хэрэглэхэд хааяа болорын капсулд бүдэгшил үүсгэдэг.
Ховор тохиолдолд, эвэрлэг бүрхэвч, нүдний хальсны сийрэгжилт, нүдний алимд цоорол илэрч байсан байна. Түүнчлэн удаан хугацаагаар хэрэглэхэд харааны мэдрэлийн гэмтэл, харааны чадал болон харах талбайн гажиг илэрнэ.
-Дексаметазоны нүдний дуслыг эвэрлэгийн үйл ажиллагааны алдагдалтай өвчтөнд хэрэглэхэд түүний найрлага дахь фосфат нь нүдний эвэрлэгийн нэвчдэс, эвэрлэгийн бүдэгшил үүсгэх тохиолдол ховор илэрч байсан. Түүнчлэн, нүдний дуслыг кортикостероидын хамт хэт ихээр хэрэглэснээс системийн нөлөө үзүүлж болно.

Toбрамицин-Дексаметазоны хөвмөл-дусал эмийг ЗӨВХӨН нүдэнд хэрэглэх ба дотуур, эсвэл тарилгын хэлбэрээр хэрэглэхгүй.
Эмнэл зүйн туршилтаар, кортикостероидуудыг нүдэнд удаан хугацаагаар (24 хоногоос илүү хугацаагаар) хэрэглэх нь нүдний дотоод даралтыг ихэсгэн глаукома үүсгэснээр нүдний мэдрэлийг гэмтээх, харааны чадал муудахаас гадна, харах талбайн эмгэг үүсгэх, болорын арын капсулд бүдэгшил үүсгэх гаж нөлөөтэй болохыг онцгой анхаарна.
Нүдний даралтыг ойр ойрхон хэмжиж байхыг зөвлөх хэрэгтэй.
Хүүхдэд, ялангуяа 6-аас бага насны хүүхдэд дексаметазон агуулсан нүдний эмийг хэрэглэхэд стероидоос хамааралтай нүдний дотоод даралт ихсэх эрсдэл нь насанд хүрэгсэдээс өндөр байдаг тул нүдний даралтыг ойр ойрхон хэмжиж байх нь чухал.
Хүүхдэд эмчилгээ эхэлсэнээс хойш эмчилгээний үргэлжлэх хугацаа, давтамжийг анхаарч, хүүхдэд стероидоос хамааралтай нүдний дотоод даралт ихсэх эрсдлийг эрт илрүүлэх хяналтыг тогтмол явуулах шаардлагатай.
Түүнчлэн, хэт урт хугацаагаар хэрэглэх нь эзэн эсийн дархлаа дарангуйлагдсанаас нүдний хоёрдогч халдвар үүсгэж болзошгүй. Кортикостероидууд нь бактери, вирус, мөөгөнцрийн халдварт тэсвэрт чанарыг бууруулж, халдварын эмнэл зүйн шинж тэмдэг үүсгэх магадлалтай.
Зарим өвчтнүүд аминогликозидуудад хэт мэдрэг байж болно.