·        Дараах эмгэгүүд ба шинж тэмдгүүдийн үед гардаг үрэвсэл ба өвдөлтийг намдаах: * Ревматоид артрит, остеоартрит, нурууны өвдөлт, мөрний периартрит, хүзүү-мөр-гарны хам шинж, шүд өвдөлт. * Мэс заслын дараах, гэмтлийн дараах, шүд авалтын дараах  өвдөлт ба үрэвслийг намдаах. *    Дараах эмгэгүүдийн үед халуурлын ба өвдөлтийн эсрэг: Амьсгалын дээд замын цочмог үрэвсэл Амьсгалын дээд замын цочмог үрэвсэл цочмог бронхиттой хавсрах

 1 ба 2 үед:     Насанд хүрэгчдийн ердийн тун нь локсопрофен натрийг (ангидрид хэлбэр) 60 мг-аар өдөрт 3 удаа ууж хэрэглэх юм. Шаардлагатай тохиолдолд нэг удаад 60-120 мг-ыг  ууж хэрэглэж болно. Өвчтөний нас ба шинж тэмдгээс шалтгаалж тунг зохицуулж болно. Энэ бүтээгдэхүүнийг өлөн үед хэрэглэхээс зайлсхийнэ. 3 үед:    Ердийн тун нь насанд хүрэгчдэд локсопрофен натрийг (ангидрид хэлбэр) 60 мг-аар ууж хэрэглэх юм. Өвчтөний нас ба шинж тэмдгээс шалтгаалж тунг зохицуулж болно. Өдөрт 2 удаа хэрэглэх үед хоногийн дээд тун 180 мг/хоног байна. Энэ бүтээгдэхүүнийг өлөн үед хэрэглэхээс зайлсхийнэ.

* Шок ба анафилаксын шинж тэмдэгүүд (цусны даралт буурах, харшлын тууралт, төвөнхийн хаван, амьсгалахад хэцүү болох г.м.) тохиолдож болно. Тиймээс өвчтөнийг сайтар хянаж хэрэв эмгэг байдал илэрвэл эмийг хэрэглэхийг яаралтай зогсоож зохих арга хэмжээг авна. * Цус задралын анеми, лейкопени, тромбоцитопени тохиолдож болно. Тиймээс өвчтөнийг цусны шинжилгээгээр сайтар хянаж хэрэв эмгэг байдал илэрвэл эмийг хэрэглэхийг яаралтай зогсоож, зохих арга хэмжээг авна. * Бөөрний цочмог дутмагшил, нефроз хам шинж, завсрын эдийн нефрит тохиолдож болно. Өвчтөнийг сайтар хянаж хэрэв эмгэг байдал илэрвэл эмийг хэрэглэхийг яаралтай зогсоож зохих арга хэмжээг авна. Ийм өвчтөнд бөөрний цочмог дутмагшилтай холбоотойгоор цусанд калийн хэмжээ ихэсч болдог. * Зүрхний дутмагшил тохиолдож болно. * Ходоод гэдэсний цус алдалт: Хүндэрсэн ходоодны шархлаа болон нарийн бүдүүн гэдэснээс цус алдан цусаар бөөлжих, өтгөнөөр шинэ хуучин цус гарч даамжран шоконд орж болдог. Өвчтөнийг сайтар хянаж хэрэв эмгэг байдал илэрвэл эмийг хэрэглэхийг яаралтай зогсоож зохих арга хэмжээг авна.

Жирэмсэн, хөхүүл үед, хүүхэд, ходоодны шархлаатай хүнд бэлдмэлийг хэрэглэхгүй