Жирэмслэхийн өмнө витамин, эрдэс бодисын дутагдлыг нөхөх, ургийн гаж хөгжил үүсэхээс сэргийлэх, жирэмсэн эх болон ургийн витамин эрдэс бодисын нэмэгдэж буй хэрэгцээг хангах, цус багадалтаас сэргийлэх зорилгоор хэрэглэнэ.

Бэлдмэлийг хэрэглэхээс өмнө эмчтэй зөвлөнө. Жирэмслэхээс өмнө (үр тогтохоос 1 сарын өмнө, жирэмслэхээр төлөвлөж буй үе), жирэмсэн үе, төрсний дараа, хөхүүл үе зэрэгт 1 шахмалаар хоногт 1 удаа хоолны дараа бага хэмжээний усаар даруулж ууж хэрэглэнэ. Өглөө дотор муухайралт илэрч байгаа тохиолдолд бэлдмэлийг өдөр буюу эсвэл орой хэрэглэхийг зөвлөнө.

Бэлдмэл зохимж сайтай боловч ховор тохиолдолд хоол боловсруулах замын зүгээс өөрчлөлт (аюулхай орчим зовиур илрэх, өтгөн хатах, гэдэс дүүрэх, бөөлжих, суулгах, дотор муухайрах) илэрч болно. Зарим тохиолдолд чонон хөрвөс, нүүр хавагнах, амьсгаадах, арьс цочрох, арьсан дээр тууралт гарах, цэврүүт тууралт, анафилаксын шок зэрэг харшлын урвал илэрч болно. Энэ тохиолдолд бэлдмэлийг хэрэглэхээ зогсоож эмчтэйгээ зөвлөх хэрэгтэй. Шээс шар өнгөтэй гарч болно. Энэ нь бэлдмэлийн найрлаганд витамин В2 байдагтай холбоотой бөгөөд эмнэл зүйн хувьд ач холбогдолгүй байна. Витамин С нь глюкоз-6-фосфат-дегидрогеназын дутагдлын үед цус задралын цус багадалт үүсгэж болно. Ховор тохиолдолд шээстэй кальци ихээр ялгарах, толгой өвдөх, толгой эргэх, нойргүйдэх, сэрэмтгий чанар ихсэх зэрэг шинж ажиглагдаж болно.

Бэлдмэлийн найрлага дахь бүрэлдэхүүн хэсгүүдэд хэт мэдрэг хүмүүс, А ба Д витамины илүүдэл, витамин А буюу эсвэл нийлэг-изомер изотретиноин ба этретинатын (бета-каротин нь витамин А-ын нэмэлтээр орох эх үүсвэр учир анхаарна) эмчилгээг хамт хийх, цусан дахь фосфат, магни, кальцийн хэмжээ ихсэх, шээстэй ялгарах кальцийн хэмжээ ихсэх, бөөрний үйл ажиллагаа өөрчлөгдөх, төмөр ба зэсийн солилцооны өөрчлөлт зэргийн үед тус тус хэрэглэхийг цээрлэнэ.