Ханиад томуунаас урьдчилан сэргийлэх, дархлаа сулрах, цочмог болон архаг халдварын үед хэрэглэнэ.

4-6 настай хүүхэд 1 ширхэгээр өдөрт 1-2 удаа, 6-12 настай хүүхэд 1 ширхэгээр өдөрт 1-3 удаа, 12-оос дээш насанд 1 ширхэгээр өдөрт 3-4 удаа ууна.

Ховор тохиолдолд хэт мэдрэгшлийн урвал илрэх бөгөөд энэ нь арьсны харшлын урвалаар (улайх, тууралт гарах) илэрнэ. Согтууруулах ундаа (маш бага хэмжээгээр ч) ба цефалоспорины бүлгийн дараах 5 бэлдмэлийн (цефамандол, цефотетан, цефменоксим, цефаперазон, моксалактам) нэгтэй хамт хэрэглэхэд илрэх эмнэлзүйн шинж тэмдгийн талаар тэмдэглэгдсэн. Энэ үед нүүр улайх, дотор муухайрах, хөлрөх, толгой өвдөх, зүрх дэлсэх зэрэг шинж илэрдэг учир иммуналыг дээр дурьдсан антибиотик хэрэглэж буй өвчтөнүүдэд хэрэглэхгүй. Цефалоспорины бүлгийн дээрх антибиотикуудын ээлж эмчилгээ дууссанаас хойш 3 хоногийн дараа иммуналыг хэрэглэж болно

Бэлдмэлийг дараах тохиолдлуудад хэрэглэхгүй. Даамжрах явцтай системийн болон аутоиммуны өвчнүүд: сүрьеэ, лейкоз, коллагеноз, тархмал хатуурал, ДОХ буюу ХДХВ-ын халдвар. Нийлмэл цэцэгтний овгийн ургамлууд болон бэлдмэлийн бүрэлдэхүүн хэсгүүдэд хэт мэдрэг хүмүүс